अर्जुन काफ्ले
स्याङ्जा, असार २१ गते । भीरकोट नगरपालिका वडा नम्बर ९ साउण्डीमा कच्ची गोठ भत्किँदा श्रीमान् श्रीमती घाइते भएका छन् ।
स्थानिय ६७ वर्षीय चन्द्रबहादुर सिंजालीको २ तले कच्ची गोठ अविरल वर्षाका कारण भत्किएको हो ।
गोठ भत्किँदा एक भैंसी र दुई बाख्रा मरेका छन् भने एक भैंसी घाइते भएको प्रहरी नायब उपरीक्षक इन्द्रबहादुर रानाले बताउनुभयो ।
चौपायालाई कुँडो दिन जाने क्रममा गोठ भत्किँदा सिंजाली र श्रीमती ५८ वर्षीया ठकुकुमारी सिंजाली घाइते भएको रानाले बताउनुभयो ।
घाइते दुई जनाकै प्राथमिक स्वास्थ्य केन्द्र वालिङमा उपचार भइरहेको बताउनुहुँदै रानाले घटनाका सम्बन्धमा आवश्यक अनुसन्धान भइरहेको बताउनुभयो ।
