धीरेन्द्रप्रसाद साह
जनकपुर, जेठ २५ गते । मधेस प्रदेश सरकारको मुख्यमन्त्रीमा शुक्रवार बिहान जनमत पार्टीले सतिशकुमार सिंहको दाबी पेस गरिएको छ ।
मधेसमा जनमतको नेतृत्वमा सरकार बनाउन नेकपा (एमाले), नेकपा (माओवादी केन्द्र), नेकपा (एकीकृत समाजवादी), नागरिक उन्मुक्ति पार्टी, र नेपाल सङ्घीय समाजवादीको समर्थनमा दाबी पेस गरिएको हो । प्रदेश सभामा १०७ सदस्य सङ्ख्यामा सामान्य बहुमतको लागि ५४ जनाको समर्थन आवश्यक छ । गठबन्धनका ५५ प्रदेश सभा सदस्यको समर्थनमा मुख्यमन्त्रीमा दाबी पेस गरिएको मुख्यमन्त्रीका दाबेदार सिंहले जानकारी दिनुभयो ।
मुख्यमन्त्रीमा दाबी गरिएपछि शुक्रबार नै नियुक्त गरी बिहान ११ बजे शपथ ग्रहणको कार्यक्रम तय गरिएको उहाँले बताउनुभयो ।
