भावना जोशी
धनगढी, जेठ १५ गते । लामो समयको खडेरीका कारण सुदूरपश्चिम प्रदेशको राजधानी धनगढीमा खानेपानीको चरम अभाव भएको छ । जमिन मुनि पानीको सतह सुकेपछि वैशाख महिनादेखि खानेपानीको चरम समस्या सुरु भएको हो ।
तीन महिनादेखि धनगढीका उपभोक्ताले खानेपानीको समस्या झेलिरहेका छन् । धनगढीमा अझै ७० प्रतिशत घर धुरी निकालेकाे खाने पानी प्रयोग गरी रहेका छन् । धनगढी लगायत तराईका जिल्लामा चैत, वैशाख र जेठ महिनामा लामो समयसम्म वर्षा नहुँदा खानेपानीको समस्या उत्पन्न हुने गरेको छ । धनगढी उपमहानगरका १९ वटा वडामा ३२ हजार २ सय ४९ घरधुरी सङ्ख्या रहेको छ ।
उक्त घरमा ४६ हजार ६ सय ७० घरपरिवार बस्दै आएका छन् । ३२ हजार २ सय ४९ मा ९ हजार घरपरिवारमा मात्र धाराको खानेपानीको पहुँच पुगेको खानेपानी वितरण कार्यालय धनगढीका प्रमुख शैलेन्द्र शाहले बताउनुभयो । उहाँका अनुसार धनगढीमा अत्यधिक गर्मी बढेपछि खानेपानीको आवश्यकता अनुसार माग पुरा गर्न नसकिएको हो ।
खानेपानीको रिजर्भ ट्याङ्की अहिले थप गरेका छौँ र पनि ट्याङ्मी पानी रिजर्भ रहँदैन, गर्मी धेरै भएकोले पानीको माग धेरै छ खानेपानीकै लाइन वितरण गरिएका केही वडाहरूमा पानी कम वितरण भइरहेको उहाँले स्विकार्नुभयो । दिनभरी खानेपानी आउने धारामा समेत आज भोलि एक दुई घण्टा मात्र पानी आउने गरेको उपभोक्ताको भनाइ छ ।
धनगढी उपमहानगरको घरधुरी सङ्ख्याको आधारमा धनगढी उपमहानगरका २३ हजार २ सय ४९ घर परिवार अझै स्वच्छ खानेपानीको पहुँचबाट बाहिर छन् । गाउँतिर समस्या अलि कम भएपनि धनगढी बजार क्षेत्रमा भने खानेपानीको निकै समस्या बढेको छ । खानेपानि धारामा नआउँदा पानी खरिद गरेर खान पाउने विकल्प छैन । विकल्प नहुँदा समस्या अझै बढेको जेठ महिना मा पानी कहिले पर्ला भनेर कुरेर बस्नु पर्ने अवस्था आएको छ ।
टोलमा सार्वजनिक खानेपानीका धारा छैन जमिनको पानी समेत सुके पछि तीन महिनादेखि तराई लगायत धनगढीका बासिन्दाले खानेपानीको चरम समस्या झेल्नुपरेको हो । तराईमा अत्यधिक गर्मीसँगै तातो हावा लु चलेको छ । तापक्रम ४३ डिग्री माथि छ । पानी नहुँदा जनताले थप सास्ती झेल्नु परेको हो ।
