काठमाडौँ, असोज २५ गते । अभिनेतृ रेखा थापाको निर्माण र अभिनय रहेको चलचित्र ‘उपहार’ माघ २६ गते प्रदर्शन हुने भएको छ । ‘उपहार’ तीन महिला पात्रको कथामा निर्माण भएको चलचित्र हो । यसअगाडि नयाँ वर्षमा प्रदर्शन हुने भनिएको चलचित्र अहिले माघमा सारिएको हो ।
रेखा थापा, पूजा शर्मा र बेनिसा हमाल मुख्य भूमिकामा रहेको चलचित्रमा मुकुन भुसाल, तेज गिरी र मिस्टर नेपाल समर्पणजङ्ग थापाको पनि भूमिका छ । फिल्मलाई रिच इन्टरटेनमेन्ट र एफडी ग्रुपले काठमाडौँभित्र र मोफसलमा वितरण गर्ने छ ।
