१
धागो चुँडिएपछि चङ्गाले भुइँ छुनु पर्छ
अरूलाई रुवाउनेले पछि आफँै रुनु पर्छ
श्रद्धा भए पो मन्दिरमा भक्तको लर्को
पुज्न छाडिएपछि भगवान्ले पनि ढुङ्गो हुनु पर्छ
२
बाँचुन्जेली छिःछिः दुरदुर मरेपछि हाम्रो हुन्छ
मान्छेको मन आजभोलि किन यति चाम्रो हुन्छ
आफन्तलाई थोत्रो भनी हेला कैले नगर्नू है
ढुङ्गा जति पुरानो भो मूर्ति उति राम्रो हुन्छ
३
सपनामा संसार देख्ने आँखाको रङ उस्तै हुन्छ
सगरमाथा शिखर टेक्ने साहसको रङ उस्तै हुन्छ
कलम बोक्ने हातहरू जस्ता जस्ता भए पनि
पसिनाको भाषा लेख्ने मसीको रङ उस्तै हुन्छ
४
डाँडाको टुप्पोबाट देखिने सुन्दरता फेदी ओर्लिएपछि छेकिन्छ
ओह्रालो बगेको पानी पिएर फेरि पनि उकालो टेकिन्छ
अनुहारको रङ हेरेर मान्छे तौलन कहाँ सकिँदोरहेछ र
कालो मसी र कालो कलमबाटै सुकिलो भविष्य लेखिन्छ ।
मोरङ, हाल काठमाडौँ
