काठमाडौं, साउन ७ गते। राजश्व अनुसन्धान विभागले त्रिभुवन अन्तर्राष्ट्रिय विमानस्थलबाट ठुलो परिमाणमा सुन बरामद प्रकरणमा भन्सार अधिकृतसहित छ जनालाई पक्राउ गरेको छ।
राजश्व अनुसन्धान विभागका सूचना अधिकारी नवराज अधिकारीका अनुसार पक्राउ पर्नेमा भन्सार अधिकृत सन्तोष चन्द, कर्मचारी कुमार ढकाल र सरोज श्रेष्ठ तथा भन्सार एजेन्ट सुदर्शन श्रेष्ठ, यादव पराजुली र रुक्मीणा सुब्बा रहेका छन्।
भन्सार विभागले उनीहरूको लापरबाहीका कारण सुन जाँचपास भएको भन्दै शनिबार निलम्बन गरेको थियो । उनीहरूलाई आवश्यक अनुसन्धानका लागि उच्च अदालत पाटनले छ दिनको म्याद थपेको छ।
विभागले यसअघि १० जनालाई पक्राउ गरिसकेको छ। जसमा एक भारतीय र एक चिनियाँ नागरिक समेत छन्।
यो पनि पढ्नुहोस
-square-thumb.jpg)
