काठमाडौं, जेठ ७ गते । स्पेनिस ला लिगा फुटबलको उपाधि जितिसकेको बार्सिलोनाले रियल सोसिडाडसँग हार खेपेको छ । घरेलु मैदानमा शनिबार राति भएको खेलमा बार्सिलोना रियल सोसिडाडसँग २-१ गोलले पराजित भयो ।
बार्सिलोनालाई घरमै हराउन सोसिडाडका मिकेल मेरिनोले पाँचौँ र एलेक्सजेन्डर सोरिओथले ७२औँ मिनेटमा गोल गर्नुभयो । बार्सिलोनाका रोबर्ट लेवान्डोस्कीले ९०औँ मिनेटमा गोल फर्काएपनि टोलीको हार टरेन ।
हारेपनि बार्सिलोनाले ३५ खेलबाट ८५ अङ्क बनाएको छ । विजेता सोसिडाड ६५ अङ्कसहित चौथो स्थानमा छ । एजेन्सी
