प्रेम अधिकारी
पशुपतिनगर (इलाम), बैशाख २९ गते । इलामको माई नगरपालिका –२ जरायोटारका पूर्णबहादुर माबोहाङ्ग लिम्बूको घर जलेर नष्ट भएको छ । घरमा अचानक आगलागि हुँदा करिब १० लाख बढीको क्षति भएको छ ।
लिम्बूको ६ वटा कोठा भएको दुई तले घर आगलागीबाट पूर्णरुपमा नस्ट भएको छ । आगलागी कसरी भएको हो खुल्न बाँकी रहेको प्रहरीको भनाइ छ । चार जनाको परिवार बस्दैआएको लिम्बूको घरमा कोही नभएको समयमा आगलागी भएको थियोे ।
बिद्युत सर्ट भएर आगलागी भएको हुनसक्ने प्रहरीले जनाएको छ । लिम्बूको घरमा रहेको करिव ३० मन धान, चाँदीको गरगहना, लत्ता कपडा, भाँडाबर्तन लगायतका सामग्री जलेर नस्ट भएको माई २ का वडाध्यक्ष उर्दबहादुर राइले जानकारी दिनुभयो ।
