काठमाडौं, वैशाख १५ गते। ‘लभ पर्ला जस्तो छ’ बोलको प्रेम गीतको भिडियो सार्वजनिक भएको छ। गायक सङ्गम शर्मा लिम्बु र गायिका अस्मिता अधिकारीको स्वरमा रहेको गीतको भिडियो नेपाल मिडिया ग्रुपको लाइन एप्सका माध्यमबाट सार्वजनिक गरेको हो। गीतका शब्द तथा सङ्गीत सङ्गीतकार राजनराज सिवाकोटीले गर्नुभएको छ।
दिवेश राईको एरेन्ज, किशोर थापाको मिक्स तथा मास्टरिगं रहेको नृत्य शैलीको लोकपप गीतमा नायिका प्रियङ्का कार्की र नायक नाजिर हुसेनको अभिनय रहेको छ। प्रेममा पर्नु अघि जोडीले बिताउने पलका दृश्यलाई कलात्मक शैलीमा चित्रण गरिएको छ।
इजरायलमा कार्यरत नितु लावती मैनाको निर्माणमा तयार भएको गीतको भिडियोको निर्देशन दिनेश माङ्मु लिम्बुले गर्नुभएको हो। राजीव समरको कोरियोग्राफी रहेको ‘लभ पर्ला जस्तो छ’को सम्पादन र कलर अनिल राना र छायाङ्कन अर्जुन तिवारीले गर्नुभएको हो।
