काठमाडौं, चैत १५ गते। डेढ दशकदेखि बेलायतमा बसेर म्युजिक भिडियो निर्देशनमा व्यस्त कुशल श्रेष्ठको निर्देशनमा तयार भएको ‘यस्तो एउटा संसार’ को भिडियो सार्वजनिक भएको छ।
कुशलले भिडियोमा अभिनेता ध्रुव दत्तसहित रोजिना ढकाललाई ‘डेब्यू’ गराउनु भएको छ। गायक गंगाराज राई र गायिका सुनिता थेगिमको स्वर रहेको ‘यस्तो एउटा संसार’मा गायक गंगाराजकै संगीत रहेको छ। गीतका शब्द जानु काम्बाङ लिम्बुका हुन्।
रोमाञ्चिक प्रेम कहानीले भरिएको ‘यस्तो एउटा संसार’ मा ध्रुबसँग अभिनय गर्दा रोजिनालाई खुब सुहाएको छ।
भिडियोको निर्माण सुमन पुनले गर्नुभएको हो। उहाँ बेलायतको राजनीतिसँगै नेपालको गीत संगीतमा विशेष रुची राख्नुहुन्छ। सार्वजनिक गीतमा कोरियोग्राफी एवं मेकअप दीपिका श्रेष्ठको रहेको छ। जसमा उदयराज पौडेलको एरेन्ज तथा किशोर थापाको मिक्सिङ छ।
