काठमाडौं, चैत २ गते । के पी दंगाल 'गोकुल'को दोस्रो साङ्गीतिक प्रस्तुति ‘प्रेमको झिरैमा’ बोलको गीत बजारमा आएको छ । उक्त गीतको म्युजिक भिडियो पारिजात नेपालको अफिसियल युट्युब च्यानलमार्फत बजारमा सार्वजनिक गरिएको हो ।
यसअघि पनि सर्जक दंगालको पहिलो साङ्गीतिक कोशेली 'निर्मोही' नामको आधुनिक गीत गायक प्रमोद खरेलको स्वरमा म्युजिक नेपालको युट्युब च्यानल मार्फत सार्वजनिक भैसकेको छ।
मातृका प्रसाद आचार्य र गायिका समीक्षा अधिकारीको आवाजमा रहेको उक्त गीतमा पुरुषोत्तम न्यौपानेको सङ्गीत र सङ्गीत संयोजन, किशोर थापाको ध्वनि सम्पादन छ ।
गीतको म्युजिक भिडियोमा के पी दंगाल ‘गोकुल’ र स्मारिका ढकालको अभिनय छ । प्रेम लामाले छायाङ्कन र निर्देशन गर्नुभएको म्युजिक भिडियोलाई प्रेम नाथ श्रेष्ठले ड्रोन छायाङ्कन गर्नुभएको छ ।
गीतमा अर्जुन सिलवालले कोरियोग्राफी, अजय लामाले प्रोडक्सन म्यानेज र टेकेन्द्र शाहले सम्पादन गर्नुभएको हो ।
-original-thumb.jpg)