काठमाडौँ, फागुन २८ गते । ‘भीर माहुरी’ बोलको नयाँ म्युजिक भिडियो सार्वजनिक गरिएको छ । गायक आरसी रिमाल र गायिका अन्जु पन्तको स्वरमा रहेको गीत ‘भीर माहुरी’ शुक्रबार सार्वजनिक गरिएको हो । गीतमा मोहन थापाको शब्द र गायक आरसीकै सङ्गीत रहेको छ ।
डान्सिङ बिट रहेको भिडियोमा रोशन केसी र प्रियङ्का कार्कीले अभिनय गर्नुभएको छ । भिजन सिवाकोटीको कोरियोग्राफी तथा निर्देशन रहेको म्युजिक भिडियो भिडियोमा उत्सव दाहालको छायाङ्कन रहेको छ । विकास दाहालको सम्पादन र रङ्ग संयोजन रहेको गीतको भिडियो नेपमेलो युट्युब च्यानलमार्फत सार्वजनिक गरिएको छ ।
