काठमाडौं, फागुन ४ गते । निर्देशक दिनेश राउतको आगामी म्युजिकल लभस्टोरी फिल्मको नायिकामा गायिका दीक्षिता कार्की अनुबन्धित हुनुभएको छ । फिल्ममा उहाँ गायक स्वप्न सुमनसँग देखिनुहुनेछन् ।
जीवन थापा निर्माता रहेको फिल्मलाई उपकरण क्षेत्रसँग सम्बन्धित कम्पनी मल्टी मेटको ब्यानरमा निर्माण गर्न लागिएको हो । निर्देशक राउतले बिहीबार शीर्ष कलाकारलाई लिएर तस्बिर सार्वजनिक गर्नुभएको छ । विकास सुवेदीले फिल्म लेखिरहनुभएको छ ।
फिल्म वैशाखदेखि छायाङ्कन सुरु गर्ने तयारीमा छ ।
