काठमाडौं, माघ ६ गते। गीतकार सुधा मरहट्टाको शब्दमा रहेको सन्देशमुलक गीत ‘ख्याल ठट्टा’ को म्युजिक भिडियो सार्वजनिक भएको छ। गीतमा स्वर गायक राजेश पायल राईको छ भने संगीतकार शंकर थापा ‘स्माइल’ ले संगीत दिनुभएको छ। गीतलाई उदय राज पौडेलले संगीत संयोजन गर्नुभएको छ।
म्युजिक भिडियोमा हाँस्य कलाकार किरण केसी, मोडल कमल सिंह, अस्मिता जुरेली र रोहन श्रेष्ठको अभिनय रहेको छ। दीपक गिरीले छायांकन गर्नुभएको भिडियोलाई विकास दाहालले सम्पादन गर्नुभएको हो।
प्रख्यात घिमिरेको भिडियोमा कोरियोग्राफी गर्नुभएको छ। गीतको भिडियो सशान कँडेलको निर्देशनमा तयार पारिएको हो।
