तमु ल्होसारमा आयोजित भलिबल उपाधि फुरुम्बुलाई

चन्द्र पन्दाक

ताप्लेजुङ, पुस १६ गते। ताप्लेजुङमा तमु ल्होसारको अवसरमा आयोजना गरिएको भलिबल प्रतियोगिताको उपाधि फुङ्लिङ नगरपालिका-१० फुरुम्बुले जितेको छ। फाइनल (अन्तिम) खेलमा पाथीभरा याङ्वरक गाउँपालिका-१ नाङ्खोल्याङलाई पराजित गर्दै फुरुम्बोले उपाधि जितेको हो। 

फुरुम्बुले नाङ्खोल्याङलाई ३-० को सोझो सेटमा पराजित गरेको थियो। भलिबल उपाधि जितेसँगै फुरुम्बुले ६१ हजार रुपियाँ नगद पुरस्कारसहित ट्रफी, मेडल र प्रमाणपत्र प्राप्त गरेको छ। उपविजेता बनेको नाङ्खोल्याङले नगद ३५ हजार रुपियाँसहित मेडल र प्रमाणपत्रमा चित्त बुझाउनुपरेको थियो। 

तमु ल्होसार भलिबल खेल उपसमितिका संयोजक लक्ष्मण गुरुङका अनुसार भलिबल प्रतियोगिता सदरमुकाम फुङ्लिङको तोक्मेडाँडास्थित भीमकाली गुल्मको मैदानमा सञ्चालन गरिएको थियो।