योग्यता क्षमता छ फेरि बेरोजगारी किन
सबैलाई चाहिन्छ जागिर, सरकारी किन ?
जहाँ गाउन आवश्यक छ मेघ मल्हार धेरै
तिमी गाउँछाँै फेरि त्यहाँ राग दरबारी किन ?
सीप कौशल आँट पौरख सबै छ तर पनि
आजीवन केही मान्छे रहन्छन् भिखारी किन ?
आजै हुने काम भोलि–भोलि भन्दै पन्छाउँछन्
जनता झुलाउँछन् कार्यालयमा कर्मचारी किन ?
लामै उमेर बिते नि अझै बुझेन त्रिविक्रमले कुरा
मान्छे नै छ यहाँ मान्छेको लौ दह्रो सिकारी किन ?
