काठमाडौँ, मङ्सिर ५ गते । माघ २० गतेबाट प्रदर्शनमा आउन लागेको चलचित्र ‘ह्यारी कि प्यारी’ को अभिनेत्री साम्राज्ञी राज्यलक्ष्मी शाहको जन्मदिनको अवसर पारेर तीनवटा आधिकारिक पोस्टर सार्वजनिक गरिएको छ। पोस्टरमा अभिनेता जितु नेपाल र अभिनेत्री साम्राज्ञी राज्यलक्ष्मी शाह देखिनुभएको छ।
कमेडी जनरामा निर्माण भएको सामाजिक पारिवारिक चलचित्रको बीआर प्रोडक्सनको प्रस्तुतिमा निर्माण भएको चलचित्रमा विजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई, समीक्षा पौडेल, रमेश अधिकारी, डिल्लीराम खनालको पनि अभिनय रहेको छ। चलचित्रमा अभिनेत्री रेखा थापा विशेष भूमिकामा देखिँदै हुनुहुन्छ।
डा. कपिल रिजालको प्रस्तुति रहेको चलचित्रमा रिजाल स्वयंको कथा तथा निर्देशन, पटकथा र संवाद सुदीप बराल, गिरीराज घिमिरे, डाक्टर रिजाल, अभिमन्यू निरवीले चलचित्रको कथा लेख्नुभएको हो।
