• १३ असोज २०८१, आइतबार

मोटरसाइकल ठोक्किँदा दुई जनाको मृत्यु, दुई घाइते

blog

बनियानी, कात्तिक १ गते । झापाको बिर्तामोड नगरपालिकामा सोमबार बेलुका मोटरसाइकल एकापसमा ठोक्किँदा दुई जनाको मृत्यु भएको छ । उक्त दुर्घटनामा एक बालिकासहित दुई जना घाइते भएका छन् ।

बिर्तामोड–२ बेलडाँगीस्थित दक्षिणबाट उत्तरतर्फ आउँदै गरेको मे५प १६०४ नं.को मोटरसाइकल र विपरीत दिशाबाट जाँदै गरेको मे३प ५५८० नं.को मोटरसाइकल एकापसमा ठक्कर खाई दुर्घटना हुँदा दुवै मोटरसाइकल चालकको मृत्यु भएको जिल्ला प्रहरी कार्यालय झापाका प्रवक्ता प्रहरी नायब उपरीक्षक वसन्त पाठकले जानकारी दिनुभयो ।

यो पनि पढ्नुहोस

बिनासुनुवाइ न्यायाधीश नियुक्त हुन सक्छ ?

मृत्यु हुनेमा मे३प ५५८० नं.का मोटरसाइकल चालक बाह्रदशी–२ का २५ वर्षीय अनीश साउदेन र मे५प १६०४ नं.का मोटरसाइकल चालक बाह्रदशी–६ का ४३ को भोलाराज भुजेल छन् । भुजेलको मोटरसाइकलमा सवार उनकी पत्नी ४२ वर्षीया चन्द्रकला भुजेल र नौ वर्षीया छोरी प्रशना भुजेल घाइते भएका छन् । दुर्घटनामा गम्भीर घाइते भएका उनीहरूलाई बिएण्डसी अस्पताल बिर्तामोड पठाइएकामा उपचारका क्रममा दुवै मोटरसाइकल चालकको बेलुका ५ः२५ बजे मृत्यु भएको हो ।

यो पनि पढ्नुहोस

छुट र सुविधाको अझै टुङ्गो छैन

घाइते आमा–छोरीलाई थप उपचारका लागि बिर्तामोड बिर्तासिटी अस्पताल लगिएको छ । दुर्घटनामा संलग्न दुवै सवारी इलाका प्रहरी कार्यालय अनारमनीको नियन्त्रणमा रहेको छ भने घटनाबारे थप अनुसन्धान भइरहेको जिल्ला प्रहरी कार्यालय झापाले जनाएको छ ।

यो पनि पढ्नुहोस

स्थानीय तहमा मतदाता शिक्षा

यो पनि पढ्नुहोस

काठमाडौँमा दूतावास दिल्लीबाट भिसा

यो पनि पढ्नुहोस

सुर्खेतका व्यवसायीद्वारा बैङ्क बहिष्कार