बिन्दु थापा
तानसेन, भदौ २१ गते । तानसेन नगरपालिका -४ सिल्खानटोलमा करेन्ट लागेर एक जनाको ज्यान गएको छ । खोटाङ जन्तेढुङगा गाउँपालिका ३ घर भएका ३४ वर्षका महेश राईको घर बनाउने क्रममा करेन्ट लागेर मृत्यु भएको जिल्ला प्रहरी कार्यालय, पाल्पाले जनाएको छ ।
तानसेन ४ झविन्द्र देवकोटाको घर बनाउने क्रममा अचानक करेन्ट लागेका राईलाई उपचारको लागि युनाइटेड अस्पतालमा लगिएको थियो ।
जिल्ला प्रहरी कार्यालयका अनुसार राईको उपचारको क्रममा अस्पतालमा मृत्यु भएको हो । अनुसन्धान गरिने प्रहरी नायब उपरीक्षक वीरेन्द्र थापाले जानकारी दिनुभयो ।
