अवैध सामग्रीसहित दुई जना पक्राउ

रेखीराम राना 

पाल्पा, साउन १८ गते। बुटवलबाट पाल्पातर्फ ल्याउदै गरेको अवैध सामानसहित दुई जनालाई प्रहरीले पक्राउ गरेको छ।बुटवलबाट आएको बागमती प्रदेश ०१ ०२५ च ८३६६ नम्बरको पिकअप गाडीलाई तानसेनको बसपार्कमा चेकजाँच गर्ने क्रममा राजश्व छली गरेर ल्याएको सामग्रीसहित प्रहरीले नियन्त्रणमा लिएको हो।

प्रहरीले बिल बिना ल्याएका घरमा प्रयोग हुने सामान बोक्ने सवारी चालक रौतहट जिल्ला डमरिया नगरपालिका-९ का २७ वर्षीय भोजेन्द्र चौधरी तथा सोही गाडीमा सवार रौतहट दुर्गा भगवती गाउँपालिका-५ का १९ वर्षीय रुपेश साहलाई पक्राउ गरेको हो ।

 उनीबाट साना-ठूला सादा कराई ८० वटा, फेन्सी साना-ठूला कराई ७७ वटा, कसौडी साना-ठूला १५२ वटा र कुकर साना-ठूला गरेर जम्मा एक सय २९ वटा बरामद गरेको छ।उक्त सामान करिब एक लाख ९७ हजार एक सय रकम बराबरको रहेको जिल्ला प्रहरी कार्यालय पाल्पाका प्रहरी नायव उपरीक्षक वीरेन्द्र थापाले जानकारी दिनुभयो।प्रहरीले उनीहरूमाथि थप अनुसन्धान भइरहेको जनाएको छ।