गोरखापत्र समाचारदाता
काठमाडौँ, साउन ६ गते । नेपाल टेलिकमले साउन १ देखि समर अफर लागू गरेको छ । टेलिकमले बिहीबार जारी गरेको विज्ञप्तिअनुसार २० मिनेट भ्वाइस प्याक १५ रुपियाँमा उपलब्ध हुन्छ र एक दिनभर कल गर्न सकिन्छ भने एक सय मिनेट भ्वाइस प्याक तीन दिनका लागि ४९ रुपियाँमा उपलब्ध छ ।
त्यसैगरी नयाँ अफरका रूपमा एक एमबीपीएस स्पिडको अनलिमिटेड डाटा एक दिनका लागि ४९ रुपियाँमा गराइएको टेलिकमले जनाएको छ । सबै नेटवर्कमा १०० एसएमएस एक दिनको लागि १५ रुपियाँ, २०० एसएमएस तीन दिनका लागि २९ रुपियाँ र तीनसय एसएमएस २८ दिनको लागि ९८ रुपियाँ उपलब्ध रहेको टेलिकमले जनाएको छ ।
