काठमाडौँ (गोरखापत्र), असार ३२ गते । मार्बल सिनेमेटिक युनिभर्सको २९औंँ चलचित्र हो ‘थोर : लभ एन्ड थन्डर’ । जुन थोरको सिक्वेलअन्तर्गत चौथो चलचित्रमा पर्छ । चलचित्रको कथा, २०१७ को चलचित्र थोर : रागनारोकको सिक्वेल, खडेरी–पर्यावरण क्षेत्रबाट सुरु हुन्छ । गोर (क्रिश्चियन बेल) आफ्नी छोरीका लागि पानी खोज्दैछन् । उनले आफ्नो बच्चाको जीवन बचाउन देवतालाई प्रार्थना गर्छन्, तर उनका बच्चा बाँच्दैनन् । यही कारणले पनि ऊ देवताहरूसँग बदला लिन चाहन्छ र देवताहरूको हत्यारा देव बन्छ ।
उसको अर्को लक्ष्य थोर (क्रिस हेम्सवर्थ), आँधीको देवता बन्नु हो । चलचित्रबाट आँधीका देवता क्रिस चौथो पटक एक्लै पर्दा आफ्नो जादु खेलमा फर्किएका छन् । यस पटकको सिक्वेलमा प्रेमलाई धेरै प्राथमिकतामा राखिएको छ भने थोरको एक्सन अलि कम नै हो कि जस्तो लाग्छ । चलचित्रमा उनका पुरानो प्रेमी डाक्टर जेन फोस्टर उर्फ माइटी थोर (नताली पोर्टम्यान)ले उनलाई धेरै ठाउँमा छोएका छन् । यति मात्र होइन, क्रिश्चियन बेलले डाँकु गोर द गाँड बुचरका रूपमा भेलामा लुटपाटसमेत गरेका छन् ।
चलचित्रमा थोरले आफ्ना प्रियजन गुमाएपछि ऊ केवल ग्यालेक्सीको सुरक्षामा मात्र समर्पित हुन्छ र ब्रह्माण्डमा जहाँ जहाँ उनको मद्दत चाहिन्छ, त्यहीँ ऊ ग्यालेक्सीका अभिभावकसँग मद्दतका लागि निस्कन्छ । यस भागमा उसले ‘गोर द गाँड बुचर’ (क्रश्चियन बेल) जो सबै देवतालाई नष्ट गर्ने मिसनमा रहेका छन् । उसले धेरै देवतालाई निर्ममतापूर्वक मारेको कुरा थाहा पाउँछ । उनको अर्को निशाना थोरको एसगार्ड हो, जहाँ उनले बच्चाहरूलाई अपहरण गरेका छन् ।
त्यसैले थोरले ज्युस (रसेल क्रो)लगायतका बाँकी देवतालाई एकजुट भएर गोरलाई हटाउन खोज्छन् तर ज्युसले उनको मजाक उडाउने काम मात्र गर्छन् । चलचित्रले यो प्रश्न उठाउँछ कि साँच्चै देवताहरू छन्, जो आफ्नो प्रियजनको रक्षा गर्न तयार छन् वा प्रेम ब्रह्माण्डको सबैभन्दा ठूलो शक्ति हो ।
आफ्नो यात्रामा, थोरले आफ्नो आठ वर्षीय प्रेमिका जेन फोस्टरलाई भेट्छन्, जो क्यान्सरको चौथो चरणमा रहेका हुन्छन् र थोरको हथौडाको शक्तिले आफैँ माइटी थोर बनेका छन् । एकै समयमा वाल्किरी (टेसा थम्पसन) र स्टोनी क्रल उनीहरूसँगै हुन्छन् । टाइका वैतितीले निर्देशन गरेको चलचित्रमा एक्सन, इमोसनका साथै कमेडीका रमाइला कुरा छन् ।
थोरका रूपमा क्रिस हेम्सवर्थको आकर्षण यथावत् छ तर थोरका लागि चिनिने उनले चलचित्रमा देखाएको साहसिक कार्य अलि छोटो हो कि जस्तो लाग्छ । थोर र जेनको प्रेमकथा पनि सपाट देखिन्छ । यति धेरै वर्षपछि उनीहरू फेरि सँगै बस्दा त्यति भावुक देखिँदैन जति हुनुपर्ने थियो । चलचित्रको भिजुअल इफेक्ट बेजोड छ ।
चलचित्रबाट दर्शकले जति एक्सनको अपेक्षा गरेका थिए त्यसमा केही कमी देखिन्छ । चलचित्रको कथामा गम्भीरताको कमी छ, नयाँ पात्रहरू थपिएका छन्, तर ती पात्रको सही प्रयोग भएका छैनन् । अभिनेत्री नतालीको यस सिक्वेलमा फर्कने निर्णय फाइदाजनक देखिन्छ । उनलाई थोरका रूपमा हेर्दा चलचित्रले पूर्ण नयाँ कोण पाएको हो कि जस्तो लाग्छ । एसगार्ड सहरमा बच्चाहरूको लडाइँ तालिम हेर्दा, यस्तो देखिन्छ कि केही नयाँ सुपर नायकहरू भविष्यमा मार्बल सिनेमेटिक ब्रह्माण्डको अंश हुनेछन् ।
प्रस्तुति : सुकृत नेपाल
