गुणबहादुर रोका
सुलीकोट, माघ ६ गते । नेपाली कांग्रेसले गोरखाको क्षेत्र नम्बर १ र २ का लागि उम्मेदवार टुङ्ग्याएको छ । पार्टीको जिल्ला समितिको सिफारिसका आधारमा संसदीय बोर्डले सोमबार बेलुका उम्मेदवार टुङ्ग्याएको हो ।
कांग्रेसको केन्द्रीय महाधिबेशनको विवाद लम्बिदा उम्मेदवार चयन गर्न ढिला भएता पनि गोरखा क्षेत्र नम्बर १ मा प्रेम कुमार खत्री र क्षेत्र नम्बर २ मा प्रकाशचन्द्र दवाडीले टिकट पाउनु भएको कांग्रेस जिल्ला कार्यसमिति सचिव किशोरजंग थापाले बताउनुभयो ।
क्षेत्र नम्बर १ का उम्मेदार खत्री महाधिवेशन तथा महासमिति सदस्य हुन् भने दवाडी गण्डकी प्रदेशका पूर्व सांसद हुन् ।
आगामी फागुन २१ हुने प्रतिनिधि सभा निर्वाचनका लागि मङ्गलबार दिउँसो २ः३० बजे उम्मेदवारी दर्ताको कार्यक्रम तय भएको कांग्रेस गोरखाले जनाएको छ ।
