नोमपेन, पुस ३ गते । थाइल्यान्डको सेनाले कम्बोडियाको पेइपेटको क्यासिनो हबमा बिहीबार बम प्रहार गरेको रक्षा मन्त्रालयले बताएको छ । जुन दुई राष्ट्रबिचको प्रमुख सिमा नाका हो जहाँ हाल दुई पक्षबिच झडपमा भइरहेको छ ।
थाई सेनाले पेइपेट नगरपालिका, बान्टे मिन्चे प्रान्तको क्षेत्रमा दुई वटा बम खसालेको कम्बोडियाको रक्षा मन्त्रालयले विज्ञप्तिमा उललेख गरेको छ । थाइल्यान्डले भने हालसम्म आक्रमणबारे कुनै टिप्पणी गरेको छैन ।
यस महिना दुई छिमेकीबिचको नयाँ लडाइँले थाइल्यान्डमा कम्तिमा २१ र कम्बोडियामा १७ जनाको ज्यान जानुका साथै आठ लाख विस्थापित भएको अधिकारीले बताएका छन् । द्वन्द्व उनीहरूको सिमानाको औपनिवेशिक युगको सीमांकन र सीमामा अवस्थित प्राचीन मन्दिरका भग्नावशेष माथिको क्षेत्रीय विवादबाट उत्पन्न भएको जनाइएको छ ।
आत्मरक्षा र नागरिकमाथि आक्रमणको व्यापारिक आरोप लगाउँदै दुवै पक्षले अर्कोलाई लडाइँ उक्साएको आरोप लगाएका छन् । कम्बोडियाको आन्तरिक मन्त्रालयले मंगलबार डिसेम्बर-७ मा लडाइँ सुरु भएदेखि थाई आक्रमणले देशका कम्तिमा चार क्यासिनो क्षतिग्रस्त भएको बताएको छ । रासस/एएफपी
