कोरियामा अस्ताएकी मादेनकी आमालाई २६ लाख ५० हजार सहयोग

फिदिम, फागुन ६ गते। गत माघ २ गते लुपस नामक रोग लागेर कोरियामा ज्यान गुमाएकी पाँचथर हिलिहाङ गाउँपालिका–५ निवासी अप्सरा मादेनको परिवारलाई पाँचथर सेवा समाज दक्षिण कोरियाले २६ लाख ५० हजार रुपियाँ आर्थिक सहयोग गरेको छ।

उक्त रकम फिदिममा आयोजित पत्रकार सम्मेलनमार्फत् आमा धनकुमारी पौठाकको खातामा जम्मा गरिएकोे हो।

यसअघि मादेनको उपचार सहयोगका लागि पाँचथर सेवा समाजले आर्थिक सहयोग गरेको कोषाध्यक्ष विकेसराज योङयाले जानकारी दिनुभयो।

गत वर्ष दक्षिण कोरिया पुग्नुभएकी अप्सराको लुपस नामक दुर्लभ रोग लागेर माघ २ गते कोरियामै निधन भएको थियो।