रिपोर्टर राइनोज च्याम्पियन

काठमाडौँ, माघ १० । एनएसजेएफ कप फुटसल प्रतियोगितामा रिपोर्टर राइनोज च्याम्पियन भएको छ । नखिपोटस्थिट फुटसल भिजेलमा बिहीबार भएको फाइनलमा रिपोर्टर राइनोजले हेडलाइन हुरिकेन्सलाई ४–० गोलले हरायो ।

टिमको जितमा सबै गोल अभिनव जोशीले गर्नुभयो । प्रतियोगितामा रिपोर्टर र हेडलाइनसहित बाइलाइन ब्यान्डिज र फिचर फ्यान्टमस गरी चार टिमले भाग लिएका थिए ।

प्रतियोगितामा उत्कृष्ट खेलाडी अभिनव जोशी, इमर्जिङ प्लेयर शिशिर बस्नेत र उत्कृष्ट गोलरक्षक सुजल थापा चुनिनुभयो ।

विजेता टिम र खेलाडीलाई अखिल नेपाल फुटबल सङ्घ (एन्फा)का प्रवक्ता सुरेश शाह र फुटसल भिजेलका प्रोप्राइटर थमन भुसालले पुरस्कार प्रदान गर्नुभयो ।