बहुउद्देश्यीय कभर्डहलको उद्घाटन

काठमाडौँ, पुस ११ गते । अन्तर्राष्ट्रिय ओलम्पिक कमिटि (आइओसी) को आर्थिक सहयोगमा निर्माण भएको भुकम्प स्मृति बहुउद्देश्यीय कभर्डहलको उद्घाटन गरिएको छ ।

नेपाल ओलम्पिक किमिटि (एनओसी) ले काठमाडौँ महानगरपालिका वडा न. १५ डल्लु आवास क्षेत्रमा निर्माण गरेको कभर्डहलको बिहीबार एनओसीका अध्यक्ष जीवनराम श्रेष्ठले उद्घाटन गर्नुभयो । 

२०७९ सालमा निर्माण कार्य सुरु गरिएको कभर्डहल कुल ४ करोड ५० लाख रुपियाँ लगानीमा निर्माण सम्पन्न भएको हो । कभर्डहलमा भलिबल, ब्याडमिन्टन, टेबल टेनिसलगायत इन्डोर गेमहरु आयोजना गर्न सकिनेछ ।

कभर्डहल निर्माणले खेलाडी उत्पादन र प्रतियोगितामा आयोजनाकाे सहयोग पुग्ने एनओसीको विश्वास छ ।