काठमाडाैँ, मङ्सिर २३ गते । गायिका अस्मिता अधिकारी तथा गायक मुकुन्द त्रिपाठीको 'जाऊ हिँड पोखरा' सार्वजनिक भएको छ ।
शब्द, सङ्गीत, र निर्देशन मुकुन्द त्रिपाठीकै रहेको यो सिर्जना नेपाली साङ्गीतिक बजारमा एउटा रोचक प्रस्तुति हो । एरेन्जर राजु सुनाम र मिक्सिङ विनोद परियारले यो गीतलाई प्राविधिक हिसाबले उत्कृष्ट बनाएका छन् ।
भिडियोमा गायक मुकुन्द त्रिपाठीसँगै सरिता दनकुटी र अनुभव त्रिपाठीको अभिनय छ। सिनेमाटोग्राफी सुवास सुबेदीले गर्नुभएको छ भने सम्पादन र कलरिङ सुवास अम्गाईकाे छ। भिडियोमा युमी बलामीको कोरियोग्राफी छ।
दुर्गा न्यौपाने त्रिपाठीद्वारा प्रस्तुत यो गीत मुकुन्द त्रिपाठीको आधिकारिक युट्युब च्यानलमा सार्वजनिक गरिएको हो । गीतले साङ्गीतिक प्रेमीहरूको मन जित्ने विश्वास निर्माण टिमले व्यक्त गरेको छ।
