लीलाराज खड्का
बिर्तामोड, मङ्सिर २३ गते । झापाको कनकाई नगरपालिका–८ स्थित लक्ष्मीपुरमा गाडीको ठक्करबाट एक पैदल यात्रीको मृत्यु भएको छ ।
कनकाई नगरपालिका–८ लक्ष्मीपुर पूर्व बस स्टेनस्थित हाइवेमा शनिबार बिहान ८ः५५ बजे बिर्तामोडबाट सुरुङ्गातर्फ जाँदै गरेको ना ४ च ४०८४ नम्बरको गाडीले बाटो क्रस गर्दै गरेका पैदलयात्रीलाई ठक्कर दिँदा कनकाई–८ का ६५ वर्षीय गर्बसिंह राई घाइते हुनुभएको थियो ।
घाइते राईलाई उपचारका लागि बिर्तासिटी अस्पतालमा लगिएको थियो । उहाँको उपचारका क्रममा राति ९ः३० बजे मृत्यु भएको प्रहरीले जनाएको छ ।
गाडी र गाडी चालक पर्सा वीरगञ्ज महानगरपालिका–१६ का ३० वर्षीय दीपक गुप्तालाई इलाका प्रहरी कार्यालय अनारमनीले नियन्त्रणमा लिएको छ ।
