‘रूपकी रानी, सेरको राजा’ सार्वजनिक

गोरखापत्र समाचारदाता

काठमाडौँ, मङ्सिर २२ गते । दुर्गेश थापा र भारतकी ‘प्लानेट मिस इन्डिया वल्र्ड–२०१८’ नव्याश्री अभिनीत ‘रूपकी रानी, सेरको राजा’ बोलको म्युजिक भिडियो सार्वजनिक भएको छ । 

शुक्रबार सार्वजनिक गीतमा कृष्ण केसी र सदीक्षा कट्टेलको स्वर रहेको छ । कृष्ण केसीको सङ्गीतमा शब्दरचना नव्याश्रीको रहेको छ । गीतको भिडियोमा दुर्गेश थापा र नव्याश्रीको प्रमुख भूमिका छ भने राजकुमार थापा र प्रकाश कँडेल खलनायकका रूपमा देखिनुभएको  छ । क्रान्ति केसीको निर्देशन, सम्पादन र भिएफएक्स रहेको गीतमा छायाङ्कन अजय रेग्मीले गर्नुभएको छ भने द्वन्द्व निर्देशन रमेश मगरको रहेको छ ।