.JPG)
अनिल पराजुली
हेटाैंडा, मङ्सिर १६ गते । स्थानीय तह उपनिर्वाचनअन्तर्गत हेटौँडा उपमहानगरपालिका–१२ का एक सय दुई वर्षका गोविन्द लामिछानेले मतदान गर्नुभएको छ । आइतबार वडाध्यक्ष पदका लागि भएको उपनिर्वाचनमा उहाँले मतदान गर्नुभएको हो ।
उहाँले वडाको भोर्लेस्थित विष्णुज्योति आधारभूत विद्यालयको मतदान केन्द्रबाट मतदान गर्नुभएको निर्वाचन कार्यालयले जनाएको छ ।
बिहान ७ बजेदेखि सुरु भएको मतदानमा मतदाताहरूको उत्साहजनक उपस्थिति देखिएको छ । निर्वाचन कार्यालयले दुई वटा मतदानस्थलको व्यवस्था गरेको छ ।
कुल आठ हजार ५३ मतदातामध्ये दिउँसो १ बजेसम्ममा चार हजार दुई सय २३ मतदाताले मतदान गरेका छन् । मतदान केन्द्रमा मतदाताहरू अहिले पनि मतदान गर्न लामबद्ध छन् । विष्णुज्योति आधारभूत विद्यालयमा रहेको मतदान केन्द्रमा एक हजार आठ सय ४३ मत खसेको छ ।
