अटो दुर्घटना हुँदा दुई गम्भीर

अर्जुन काफ्ले

स्याङ्जा, वैशाख १५ गते । पुतलिबजार नगरपालिका–४ फूलबारीको भित्री सडक खण्डमा अटो दुर्घटना हुँदा दुई जना गम्भीर घाइते भएका छन् ।

लु १ ह १७५८ नम्बरको अटो उकालोमा फूलबारीबाट झौरीखेततर्फ जाँदैगर्दा अन्दाजी २५ मिटर तल खसेको थियो ।  

अटो दुर्घटनामा पुतलिबजार नगरपालिका –१३ बाडखोला बस्ने २० वर्षीय खर्जना बानु र पुतलिबजार नगरपालिका –१४ गहतेका १९ वर्षीय सोहेल मिया (अटो चालक) गम्भीर घाइते भएका हुन् । 

प्रहरी नायब निरीक्षक केशरबहादुर मल्लले सोहेलको जिल्ला अस्पताल स्याङ्जामा सामान्य उपचारपश्चात् गण्डकी मेडिकल कलेज पोखरामा उपचार भइरहेको बताउनुभयो । बानुको जिल्ला अस्पतालमै उपचार भइरहेको बताउनुभयो । घाइतेको टाउको, हात, खुट्टा, छातीमा चोट लागेको मल्लले बताउनुभयो ।