सङ्गीता तिमिल्सिना
बाजुरा, चैत २१ गते । भिरबाट लडेर एक महिलाको मृत्यु भएको छ । मृत्यु हुनेमा जिल्लाको हिमाली गाउँपालिका –५ रिठ्ठाकी आपसरी बुढथापा रहनुभएको छ ।
बुधबार बिहान घरबाट घाँस खाट्न जानुभएकी ४१ वर्षीया बुढथापा बिहान करिब १० बजे स्थानीय बालभिटा भिरबाट करिब २ सय मिटर तल खस्नुभएको उहाँका आफन्त लंक कार्कीले बताउनुभयो ।
उहाँका श्रीमान, तीन छोराछोरीसहित ४ जना परिवार रहेकोे कार्कीले बताउनुभयो । मृतकको शव हिमाली गाउँपालिकाको एम्बुलेन्समा कोल्टी प्राथमिक स्वास्थ्य केन्द्रमा पोष्टमार्टमका लागि पठाइएको गाउँपालिकाका प्रतिनिधिले जनाएका छन् ।
