हारबाट जोगियो लिभरपुल
इङ्लिस प्रिमियर लिग फुटबलको उपाधि होडमा रहेको लिभरपुल हारबाट जोगिएको छ । घरेलु मैदानमा शनिबार राति भएको खेलमा लिभरपुलले टोट्टनहामसँग १–१ गोलको बराबरी खेल्दै अंक बाँडेको हो ।
-original-thumb.jpg)
इन्डो–नेपाल करातेमा चन्दा च्याम्पियन
पालकी चन्दा भुजेल प्रथम इन्डो–नेपाल आईएफके क्योकुसिन कराते प्रतियोगिताको महिला ७० केजीमा पहिलो हुनुभएको छ । इन्टरनेसनल फेडरेसन अफ कराते एसोसिएसन नेपालको आयोजनामा भएको प्रतियोगितामा शनिबा। चन्दाले भारतकी श्रेष्ठ गांगुलीलाई पराजित गर्नुभयो ।
तेक्वान्दोमा थप २० खेलाडी छानिए
चीनको हाङझावमा हुने १९औँ एसियाली खेलकुदका लागि तेक्वान्दो खेलाडीको प्रारम्भिक छनोट प्रतियोगिताको दोश्रो तथा अन्तिम दिन शनिबार थप २० खेलाडी पहिलो चरणलाई छनोट भएका छन् । पहिलो दिन शुक्रबार २४ खेलाडी छनोट भएका थिए ।
भलिबल लिग : आर्मी पुरुषमा पनि च्याम्पियन
छैटौँ संस्करणको आरबीबी एनभीए राष्ट्रिय महिला तथा पुरुष क्लब भलिबल लिग प्रतियोगिता अन्तर्गत पुरुषतर्फको उपाधि त्रिभुवन आर्मी क्लबले जितेको छ । आर्मी महिला र पुरुष दुवैतर्फ च्याम्पिय बनेको हो ।
आर्मीलाई महिला लिग भलिबल उपाधि
छैटौँ संस्करणको आरबीबी एनभीए राष्ट्रिय महिला तथा पुरुष क्लब भलिबल लिग प्रतियोगिता अन्तर्गत महिलातर्फको उपाधि त्रिभुवन आर्मी क्लबले जितेको छ ।
जिम्बावेमाथि नेपालको सानदार जित
जिम्बावेविरुद्धको दोस्रो एकदिवसीय क्रिकेट खेलमा नेपालले सानदार जित निकालेको छ । कीर्तिपुर स्थित त्रिवि मैदानमा शनिबार भएको दोस्रो खेलमा नेपालले पाहुना टोली जिम्बावे ‘ए’ लाई नौ विकेटले हरायो ।
च्यारिटी गल्फमा माधव च्याम्पियन
च्यारिटी गल्फ प्रतियोगिताको उपाधि माधव सिंखडाले जित्नुभएको छ । पार ७२ को गोकर्ण फरेस्ट गल्फ रिसोर्टमा शनिबार भएको प्रतियोगितामा माधवले ४१ अंक बनाउनुभयो ।
इन्टरको उपाधि दौड कायम
इन्टर मिलानले इटालियन सिरी ‘ए’ फुटबलमा उपाधि दौड कायम राखेको छ । घरेलु मैदानमा शुक्रबार राति भएको खेलमा इन्टरले इम्पोलीलाई ४–२ गोलले हरायो
नवौँ राष्ट्रिय खेलकुदको नारा ‘एकताबद्ध देश, खेलकुदको सन्देश’
गण्डकी प्रदेशमा जेठ २२ देखि २८ गतेसम्म आयोजना हुने नवौं राष्ट्रिय खेलकुद प्रतियोगिताको लोगो र मस्कट सार्वजनिक भएको छ । राष्ट्रिय खेलकुद परिषद (राखेप) ले शनिबार एक कार्यक्रमबीच लोगो र मस्कट सार्वजनिक गरेको हो ।
आर्मी भलिबल लिगको शीर्षस्थानमा
विभागिय टोली त्रिभुवन आर्मी क्लब छैटौं आरबीबी एनभिए राष्ट्रिय महिला तथा पुरुष भलिबल क्लब लिगको पुरुषतर्फ शीर्षस्थानमा छ । आमीले लगातार पाँच खेल जित्दै शीर्षस्थान कब्जा गरेको हो ।
१९औँ एसियन गेम्स स्थगित
चीनमा कोरोना संक्रमण दर बढ्न थालेपछि हाङझावमा भदौ २५ देखि असोज ९ गतेसम्मका लागि तय भएको १९औँ एसियाली खेलकुद (एसियाड) स्थगित गरिएको छ ।
तेक्वान्दोमा पहिलो दिन २४ खेलाडी छनोट
चीनको हाङझावमा हुने १९औँ एसियाली खेलकुदका लागि तेक्वान्दो खेलाडीको प्रारम्भिक छनोट प्रतियोगिताअन्तर्गत पहिलो दिन शुक्रबार २४ खेलाडी छनोट भएका छन् ।
पारा राष्ट्रिय खेलकुद सम्पन्न
राष्ट्रिय खेलकुद परिषद् (राखेप) को आयोजनामा पारा राष्ट्रिय खेलकुदको शुक्रबार सम्पन्न भएको छ । त्रिपुरेश्वरस्थित दशरथ रंगशालामा भएको एक दिने प्रतियोगितामा विभिन्न ४० स्पर्धामा दुई सय ९० खेलाडीले प्रतिस्पर्धा गरेका थिए ।
बीबीए कप क्रिकेटमा पब्लिक युथलाई ह्याट्रिक उपाधि
आयोजक पब्लिक युथ क्याम्पसले लगातार तेस्रो पटक टियु बिबिए कप क्रिकेट प्रतियोगिताको उपाधि जितेको छ ।
नेपाल जिम्बावेसँग पराजित
जिम्बाबे ‘ए’ विरुद्धको पहिलो एकदिवसीय खेलमा नेपाल पराजित भएको छ । कीर्तिपुर स्थित त्रिवि मैदानमा शुक्रबार भएको खेलमा नेपाल जिम्बावेसँग तीन विकेटले पराजित भयो ।
-original-thumb.jpg)
पौडीमा नासिरको नयाँ राष्ट्रिय कीर्तिमान
नासिर याहया हुसैनले २४ औं राष्ट्रिय खुला तथा उमेरसमूह प्रतियोगिताको पुरुष २ सय मिटर फ्रिस्टायलमा बिहीबार नयाँ राष्ट्रिय कीर्तिमान बनाउनुभएको छ ।
लिग भलिबलमा पुलिसको अपराजित यात्रा जारी
विभागिय टोली नेपाल पुलिस क्लबले छैटौँ आरबीबी एनभिए राष्ट्रिय महिला तथा पुरुष भलिबल क्लब लिग भलिबलमा अपराजित यात्रा कायम राखेको छ । त्रिपुरेश्वर स्थित राष्ट्रिय खेलकुद परिषद् (राखेप) कभर्डहलमा जारी प्रतियोगितामा पुलिसले बिहीबार महिलातर्फ न्यू डायमण्डलाई ३–० को सोझो सेटमा हरायो ।
धनगढी सुपर लिग जेठमा
कैलालीको धनगढीमा जेठ ५ गतेबाट क्लब स्तरीय क्रिकेट प्रतियोगिता ‘धनगढी सुपर लिग’ आयोजना हुने भएको छ ।
दक्षिण एसियाली टेबलटेनिसमा नेपालका १० खेलाडी
माल्दिभ्सको मालेका वैशाख २५ देखि २९ गतेसम्म आयोजना हुने दक्षिण एसियाली जुनियर टेबलटेनिस च्याम्पियनसिपमा नेपालका १० जना खेलाडीले प्रतिस्पर्धा गर्ने भएका छन् ।
सुर्खेत जिल्ला फुटबल संघमा चन्द
सुर्खेत जिल्ला फुटबल संघको अध्यक्षमा रविन्द्र चन्द निर्विरोध निर्वाचित हुनुभएको छ । विवादका कारण यसअघि रोकिएको सुर्खेतको निर्वाचन बिहीबार अखिल नेपाल फुटबल संघ (एन्फा) मुख्यालय सातदोवाटोमा सम्पन्न भएको हो ।
पार्कर खेलाडी दिनेशको छैटौँ विश्व कीर्तिमान
नेपालका पार्कर खेलाडी दिनेश सुनारले छैटौँ पटक विश्व कीर्तिमान तोड्न सफल हुनुभएको छ । उहाँले स्किप गर्दा सबैभन्दा पछाडि समारोसाल्ट विधा अन्तर्गत ३० सेकेन्डमा १४ पटकको नयाँ कीर्तिमान बनाउनुभएको हो ।
सिटीलाई हराउँदै रियल म्याड्रिड फाइनलमा
स्पेनिस क्लब रियल म्याड्रिड सानदार पूनरागमन जित निकाल्दै च्याम्पियन्स लिग फुटबलको फाइनलमा प्रवेश गरेको छ । घरेलु मैदानमा बुधबार राति भएको सेमिफाइनल खेलको दोस्रो लेगमा रियलले इङ्लिस क्लब म्यानचेस्टर सिटीलाई ३–१ गोलले हरायो ।
पुलिसको दुवै टोलीलाई सफलता
दुई विभागिय टोली नेपाल पुलिस क्लबको महिला तथा पुरुष दुवै टोलीलाई छैटौँ आरबीबी एनभीए राष्ट्रिय महिला तथा पुरुष भलिबल क्लब लिगमा बुधबार विजयी भएका छन् ।
खेलकुद पत्रकार मञ्चमा सुवेदी निर्वाचित
नेपाली खेलकुद पत्रकारहरुको संस्था नेपाल खेलकुद पत्रकार मञ्च (एनएसजेएफ) को अध्यक्षमा दुर्गानाथ सुवेदी (देवेन्द्र) निर्वाचित हुनुभएको छ ।
जिम्बाबे ‘ए’माथि नेपालको सहज जित : आसिफको उत्कृष्ट ब्याटिङ
काठमाडौं, वैशाख २१ गते। नेपालले पाहुना टोली जिम्बाबे ‘ए’ सँगको तेस्रो तथा अन्तिम टी–२० खेलमा सहज जित दर्ता गरेको छ। बुधबार कीर्तिपुरस्थित त्रिवि क्रिकेट मैदानमा जिम्बाबे ‘ए’लाई नेपालले ८ विकेटले हराएको हो। टस हारेर पहिला ब्याटिङ गरेको जिम्बाबेले दिएको १३७ रनको लक्ष्य नेपालले १५ ओभर ५ बलमा दुई विकेटको क्षतिमा पूरा गरेको हो। नेपालको जितका लागि आसिफ शेखले ८७ रनको अर्धशतकीय इनिङ खेल्नुभयो। नेपालका लागि कुशल भुर्तेलले ३४ रन बनाउँदा बसिर अहमेदले १० रन जोड्नुभयो। जिम्बावेका लागि रोय कियाले सर्वाधिक ४९ रन बनाउँदा मारुमानीले २७ र लुक जोग्वेले २३ रन बनाउनुभयो। जिम्बावेका लुक जोग्वे र ब्राण्डन माभुताले एकएक विकेट लिनुभयो। नेपालका कप्तान सन्दीप लामिछानेले २ विकेट लिनुभयो भने सोमपाल कामी र बसिरले एकएक विकेट हात पार्नुभयो। पहिलो खेलमा नेपाल जिम्बाबे ‘एसँग ६ विकेटले पराजित भएको थियो भने दोस्रो खेल वर्षाले रद्द भएको थियो। बुधबारको जितसँगै नेपाल र जिम्बाबे ‘ए’बीचको तीन खेलको सिरिज १–१ को बराबरीमा सकिएको छ।अब नेपालले जिम्बाबे ‘ए’सँग तीन खेलको एकदिवसीय सिरिज खेल्नेछ। सन्दीप लामिछानेको कप्तानीमा नेपाल क्रिकेट संघ क्यानले यसअघि नै एकदिवसीय खेलका लागि टिमको घोषणा गरिसकेको छ।
