धनगढीमा स्वतन्त्र उम्मेदवार हमालको जित सुनिश्चित
धनगढी उपमहानगरपालिकाको मेयरमा स्वतन्त्र उम्मेदवार गोपाल हमालको जित सुनिश्चित भएको छ । खसेको ६३ हजार ७१५ मतमध्ये ५६ हजार २२६ मत गणना हुँदा हमालले २४ हजार ५२९ मत प्राप्त गर्नुभएको छ ।
कैलालीमा रेशम चौधरीको पार्टीलाई आकर्षक मत
अविनाश चौधरीधनगढी, जेठ ७ गते। १३ स्थानीय तह रहेको कैलालीमा १२ स्थानीय तहको नतिजा सार्वजनिक भएको छ। अहिलेसम्म चार पालिकामा विजयी हुँदै नागरिक उन्मुक्ति पार्टी पहिलो शक्ति बनेको छ। टीकापुर, भजनीमा मेयर र उपमेयर दुवै पद उन्मुक्ति पार्टीले जितेको छ। जोशीपुर गाउँपालिकामा काँग्रेसकाे गढ भत्काउँदै अध्यक्ष, उपाध्यक्ष दुवै र जानकी गाउँपालिकामा गठबन्धनलाई पाखा लगाउँदै अध्यक्ष, उपाध्यक्ष दुवै जितेको छ। १२ पालिकाको नतिजा आउँदासम्म नेपाली काँग्रेसले गोदावरी, लम्कीचुहा नगरपालिका र कैलारी गाउँपालिका गरेर तीन पालिका जितेको छ। नेकपा (एमाले)ले चुरे र बर्दगोरिया गरी दुई, नेकपा (माओवादी केन्द्र)ले गौरीगङ्गा नगरपालिका र मोहन्याल गाउँपालिका गरी दुई पालिकामा प्रमुख जितेका छन्। यसैगरी, नेकपा (एकीकृत समाजवादी) ले घोडाघोडी नगरपालिकामामात्रै प्रमुखमा जित हात पारेको छ। अन्तिम नतिजा आउन बाँकी रहेको धनगढी उपमहानगरपालिकामा स्वतन्त्र उम्मेदवार गोपाल हमाल जित नजिक हुनुहुन्छ। नागरिक उन्मुक्ति पार्टीबाट टीकापुर नगरपालिकाको मेयरमा रामलाल डङ्गौरा थारु निर्वाचित हुनुभएको छ। उहाँले गठबन्धनका तर्फबाट नेपाली काँग्रेसका उम्मेदवार नवराज रावललाई तीन हजार मतान्तरले पराजित गर्नुभयो। थारुले नौ हजार ६४२ मत प्राप्त गर्नु भएको छ। यसैगरी, भजनी नगरपालिकामा गठबन्धनका तर्फबाट माओवादी केन्द्रका उम्मेदवार शेरबहादुर चौधरीलाई तीन हजार ७६८ मतान्तरले पराजित गरेर नागरिक उन्मुक्तिका केवल चौधरी मेयरमा विजयी हुनुभयो। उहाँले आठ हजार ९६६ मत प्राप्त गर्नुभयो। उपमेयरमा सोही पार्टीका राजुदेवी तिरुवा सात हजार ६२२ मत पाएर विजयी हुनुभएको छ। उहाँले नेपाली काँग्रेसका गोकेन्द्र भण्डारीलाई तीन हजार १३२ मत बढी ल्याउनुभएको छ।यस्तै, नेपाली काँग्रेसको गढ मानिएको जोशीपुर गाउँपालिकामा पनि नागरिक उन्मुक्ति पार्टी विजयी भयो। नेपाली काङ्ग्रेसका बन्सराम बडायकलाई एक हजार ५३५ मतान्तरले पराजित गरी अध्यक्षमा चित्रबहादुर चौधरी विजयी हुनुभयो। उहाँले चार हजार ९०३ मत प्राप्त गर्नुभयो। उपाध्यक्षमा चार हजार ५८१ मत प्राप्त गरेर रेखादेवी कठरिया विजयी हुनुभयो। उहाँले ६२० मतान्तरले माओवादी केन्द्रका दीर्घराज बिनाडीलाई पराजित गर्नुभयो। जानकी गाउँपालिकाको अध्यक्षमा नागरिक उन्मुक्ति पार्टीका गणेश चौधरी सात हजार १५१ मत पाएर अध्यक्षमा विजयी हुनुभयो। उहाँले एक हजार ९०९ मतान्तरले गठबन्धनका तर्फबाट नेपाली काँग्रेसका उम्मेदवार परशुराम महतौं (कठरिया) लाई पराजित गर्नुभयो। उपाध्यक्षमा छ हजार ५६२ मत पाएर नागरिक उन्मुक्ति पार्टीकै लालमतिदेवी कठरिया विजयी हुनुभयो। उहाँले एक हजार ७०४ मतान्तरले नेकपा (एमाले) का गीता चौधरीलाई पराजित गर्नुभयो। २०७८ पुस २० मा नागरिक उन्मुक्ति पार्टी दर्ता भएको थियो। यसको नेतृत्व रेशम चौधरीकी पत्नी रञ्जिता श्रेष्ठले गरिरहनुभएको छ। नागरिक उन्मुक्ति पार्टीले फागुनमामा चुनाव चिन्ह पाएको थियो।
डोटीमा बस दुर्घटनाः १२ जना घाइते
दिपायलको डोटीमा यात्रु बाहक बस दुर्घटना हुँदा १२ जना घाइते भएका छन् । कैलालीबाट अछामका लागि छुटेको ना ५ ख ९६६३ नम्बरको रात्रि बस दुर्घटना भएको हो ।
लम्कीचुहाको प्रमुख र उपप्रमुखमा महिला उम्मेदवार विजयी
लम्कीचुहा नगरपालिको प्रमुखमा सुशीला शाही र उपप्रमुखमा जुना चौधरी विजयी हुनुभएको छ ।
धनगढीमा स्वतन्त्र उम्मेदवार हमाल ११ हजार मतले अगाडि
कैलालीको धनगढी उपमहानगरपालिकाको प्रमुखमा स्वतन्त्र उम्मेदवार गोपाल हमालले आफ्ना निकटतम् प्रतिद्वन्द्वी भन्दा ११ हजार मतान्तरले अगाडि रहनु भएको छ ।
सुदूरपश्चिममा नेपाली काँग्रेस अगाडि
सुदूरपश्चिम प्रदेशका नौ जिल्लाका ८८ तहमध्ये शुक्रबार साँझसम्म ७८ पालिकाको परिणाम सार्वजनिक भएको छ । सार्वजनिक भएको परिणामअनुसार नेपाली काँग्रेसले ३५, नेकपा (एमाले) ले २३, नेकपा (माओवादी केन्द्र)ले १४, नागरिक उन्मुक्ति पार्टीले तीन, एकीकृत समाजवादी दुई र बैतडीको डिलासैनीमा एमालेबाट विद्रोह गरेका एक स्वतन्त्रले पालिका प्रमुख जितेका छन् ।अब कैलालीका चार, अछामको एक, बाजुराका दुई र कञ्चनपुरका चारवटा पालिका गरेर १० वटा पालिकाको नतिजा आउन बाँकी छ ।
नवनिर्वाचित अध्यक्ष, उपाध्यक्षद्वारा पदभार ग्रहण
अविनाश चौधरीधनगढी, जेठ ६ गते । कैलालीको कैलारी गाउँपालिकाका नवनिर्वाचित अध्यक्ष, उपाध्यक्षले शुक्रबार पदभार ग्रहण गर्नुभएको छ । अध्यक्ष राजसमझ चौधरी र उपाध्यक्ष भगवती चौधरीले पदभार ग्रहण गर्नुभएको हो । वडा अध्यक्षहरुले भने आफ्नो वडामा समय मिलाएर पदभार ग्रहण गर्ने गाउँपालिकाका सूचना अधिकारी यगम कलेलले बताउनुभयो । पदभार ग्रहण गर्नुभन्दा अगाडि गाउँपालिकाका अध्यक्ष चौधरीले उपाध्यक्षसहित वडा अध्यक्ष, सदस्यहरुलाई पद तथा गोपनीयताको शपथ खुवाउनुभएको थियो । यसैगरी, निर्वाचित जनप्रतिनिधिलाई निर्वाचन अधिकृत कृष्णप्रसाद नेपालले विजयी भएको प्रमाणपत्र वितरण गर्नुभएको थियो । कैलारी गाउँपालिकामा नेकपा (माओवादी केन्द्र) लाई ‘क्लीन स्वीप’ गर्दै नेपाली काङ्ग्रेस विजयी भएको छ । १ देखि ९ सम्मको वडा अध्यक्षहरुमा क्रमशः ध्वज हरिपाल बोहरा, विकास चौधरी, सन्तराम चौधरी, ठगुराम चौधरी, विष्णुप्रसाद चौधरी, प्रेम चौधरी, दीपेन्द्र बम, तारामल कठरिया र खेमराज चौधरी निर्वाचित हुनुभएको छ ।
बझाङका स्थानीय तहका प्रमुख तथा अध्यक्षले लिए पद तथा गोपनीयताको शपथ
बझाङ जिल्लाको १२ वटा स्थानीय तहका नवनिर्वाचित प्रमुख तथा अध्यक्षहरुलाई पद तथा गोपनीयताको शपथ ग्रहण गराइएको छ । शुक्रबार मुख्य निर्वाचन अधिकृतको कार्यालय बझाङमा जिल्ला न्यायाधीश विष्णुप्रसाद अवस्थीले नवनिर्वाचित पालिकाका प्रमुख तथा अध्यक्षहरुलाई पद तथा गोपनीयताको सपथ ग्रहण गराउनुभएको हो ।
दार्चुलाका निर्वाचित जनप्रतिनिधिद्वारा शपथ ग्रहण
दार्चुलाका नौ वटै स्थानीय तहमा निर्वाचित अध्यक्ष र प्रमुखहरुले बिहीबार शपथ ग्रहण गरेका छन् । मुख्य निर्वाचन अधिकृतको कार्यालय दार्चुलामा जिल्ला न्यायधिस कोमलप्रसाद आचार्यले अध्यक्ष र प्रमुखहरुलाई सपथ ग्रहण गराउनुभएको हो ।
घोडाघोडीमा नेकपा एसका रावत विजयी
कैलालीको घोडाघोडी नगरपालिकामा गठबन्धनका उम्मेदवार विजयी हुनुभएको छ । विहीबार पालिकाको मतगणना समापन भएसँगै गठबन्धनका उम्मेदवार नेकपा (समाजबादी)का खडक रावत प्रमुखमा विजयी हुनुभएको हो ।
डडेल्धुरामा कांग्रेसको शानदार जित
सातवटा स्थानीय तह रहेको डडेल्धुराका पाँच स्थानीय तहमा नेपाली कांग्रेसले विजय हासिल गरेको छ । यहाँका दुई नगरपालिका र तीन गाउँपालिकामा कांग्रेसका उम्मेदवार विजयी भएका हुन् । अघिल्लो निर्वाचनमा यहाँ नेकपा (एमाले) ले २ र माओवादीले एक स्थानीय तह जितेका थिए । यसपालि एमालेले सबै तह गुमाएको छ भने माओवादीले दुई स्थानीय तह हात पारेको छ ।
टीकापुर प्रमुखमा नागरिक उन्मुक्ति पार्टीका थारु निर्वाचित
कैलालीको टीकापुर नगरपालिकाको प्रमुखमा नागरिक उन्मुक्ति पार्टीका रामलाल डङ्गौरा थारु निर्वाचित हुनु भएको छ । गठबन्धनको तर्फबाट नेपाली काङ्ग्रेसका उम्मेदवार नवराज रावललाई पराजित गरेर उहाँ प्रमुखमा विजयी हुनु भएको हो ।
गोरखापत्रसँग साझेदारी गर्न तयार छौं : मुख्यमन्त्री भट्ट
सुदूरपश्चिम प्रदेशका मुख्यमन्त्री त्रिलोचन भट्टले प्रदेश सरकार गोरखापत्र संस्थानसँग साझेदारी गर्न तयार रहेको बताउनु भएको छ । बुधबार गोरखापत्र संस्थानका महाप्रबन्धक लालबहादुर ऐरीले गर्नु भएको भेटको क्रममा मुख्यमन्त्री भट्टले प्रदेश सरकार गोरखापत्र संस्थानसँग साझेदारी गरेर अगाडि बढ्न तयार रहेको बताउनु भएको हो ।
हिमालीको अध्यक्षमा काँग्रेस र उपाध्यक्षमा एमाले विजयी
बाजुराको हिमाली गाउँपालिकाको अध्यक्षमा काँग्रेस र उपाध्यक्षमा नेकपा (एमाले) का उम्मेदवार विजयी भएका छन् । अध्यक्षमा नेपाली काँग्रेसका गोविन्द्रबहादुर मल्ल थापा र उपाध्यक्षमा नेकपा एमालेका उम्मेदवार राजकला सार्की विजयी हुनुभएको हो ।
दोधारा चाँदनीमा प्रमुखमा एमाले र उपप्रमुखमा काँग्रेस विजयी
लक्ष्मणदत्त पन्तमहेन्द्रनगर, जेठ ४ गते । कञ्चनपुरको महाकाली पारि रहेको एकमात्र पालिका दोधाराचाँदनी नगरपालिकामा एमालेले नगरप्रमुख र काँग्रेसले उपप्रमुखमा जित हासिल गरेको छ । प्रमुखमा विजयी एमालेका किशोरकुमार लिम्बुले ७ हजार १०४ मत पाउनुभएको छ । उहाँका निकटतम प्रतिद्धन्द्वी काँग्रेसका गोपालदत्त भट्टले ६ हजार १७२ मत प्राप्त गर्नुभयो । कैची चुवाउचिन्ह लिएर चुनावी मैदानमा आउनुभएका स्वतन्त्रका उम्मेदवार भिमबहादुर कुमाल एक हजार ९३४ मतका तस्रो स्थानमा उभिनुभएको छ । यसैगरी, उपप्रमुखमा ६ हजार ३६५ मत प्राप्त गरेर काँग्रेसकी गंगादेवी जोशी निर्वाचित हुनुभएको छ । उहाँका निकटम प्रतिद्वन्द्वी एमालेकी खिमा चन्दले ५ हजार ८२६ मत प्राप्त गर्नुभयो । माओवादीका उम्मेदवारले २ हजार ३४९ मत पाएका निर्वाचन अधिकृत कृष्णदत्त भट्टले बताउनुभयो । जम्मा १० वडा रहेको उक्त पालिकामा ६ वडामा एमाले, २ मा राप्रपा, १ वडामा काँग्रेस र १ वडामा माओवादीले जित हात पारेको छ ।
मोहन्याल गाउँपालिका अध्यक्षमा माओवादीका उपाध्याय विजयी
कैलालीको मोहन्याल गाउँपालिकाको अध्यक्षमा नेकपा (माओवादी केन्द्र) का देवीदत्त उपाध्याय (हिमशिखर) विजयी हुनुभएको छ । गठबन्धनबाट चुनाव लड्नु भएका उपाध्यायले नेकपा (एमाले) का उम्मेदवार धर्म थापालाई ४०९ मतान्तरले पछिपार्दै विजयी हुनुभएको हो ।
मङ्गलसेन नगरपालिकामा नेकपा (एमाले) विजयी
अछाम सदरमुकास्थित मङ्गलसेन नगरपालिकामा नेकपा (एमाले) विजयी भएको छ । प्रमुखको पदमा दोहोरिएका बोहराले ७३५ को मतान्तरमा विजयी हासिल गर्नुभएको मुख्य निर्वाचन अधिकृत कार्यालयका सहायक निर्वाचन अधिकृत नारायण पौडेलले जानकारी दिनुभयो ।
त्रिवेणी प्रमुख र उपप्रमुखमा काँग्रेसको विजय
बाजुराको त्रिवेणी नगरपालिकाको प्रमुख र उपप्रमुखमा नेपाली काँग्रेसका उम्मेदवार विजयी भएका छन् । नगरप्रमुखमा कर्णबहादुर थापा र उपमेयरमा कमला न्यौपाने विजयी हुनु भएको हो ।
गोदावरीको प्रमुखमा काँग्रेसका भट्ट र उपप्रमुखमा एमालेका रोकया विजयी
कैलालीको गोदावरी नगरपालिकाको नगर प्रमुखमा नेपाली काँग्रेसका उम्मेदवार वीरेन्द्र भट्ट विजयी हुनुभएको छ । उहाँले नेकपा एमालेका उम्मेदवार गोकर्ण भट्टलाई चार हजार २८५ मतले पराजित गर्दै विजयी हुनुभएको हो ।
-original-thumb.jpg)
पूर्व राज्यमन्त्रीको वडामा उन्मुक्ति पार्टीका उम्मेदवार विजयी
अविनाश चौधरीधनगढी, जेठ ४ गते । नेपाली काङ्ग्रेसका नेता एवम् पूर्वराज्यमन्त्री जनकराज चौधरीको वडामा नागरिक उन्मुक्ति पार्टीले विजय हासिल गरेको छ । सो पार्टीका अनर चौधरी अत्यधिक मतका साथ वडा अध्यक्षमा विजयी हुनुभएको हो । नेपाली काङ्ग्रेसका उम्मेदवारलाई २२६ मतान्तरले पराजित गरी उहाँ वडा अध्यक्षमा विजयी हुनुभएको छ । जित हासिल गर्नुभएका चौधरीले ८०३ मत प्राप्त गर्नुभएको छ । महिला सदस्यमा नागरिक उन्मुक्ति पार्टीका सोनी डङ्गौरा, नागरिक उन्मुक्ति पार्टीबाट दलित महिला सदस्यको उम्मेदवार नहुँदा सो पद्मा काङ्ग्रेसका उम्मेदवार शान्ती नेपाली विजयी हुनुभएको छ । खुला सदस्यमा नागरिक उन्मुक्ति पार्टीका रामबहादुर चौधरी र श्यामसुन्दर चौधरी विजयी हुनुभएको छ । काङ्ग्रेसका नेताद्वय एवम् पूर्वमन्त्री रामजनम चौधरी र पूर्व राज्यमन्त्री चौधरीको गृह पालिका हो । दुवै जनाको वडामा नागरिक उन्मुक्ति पार्टीले कब्जा जमाउन सफल भएको छ । पूर्वमन्त्री चौधरीको घर रहेको वडामा नागरिक उन्मुक्ति पार्टीका रामजनम चौधरी नै विजयी भइसक्नुभएको छ । जोशीपुर गाउँपालिकाको अध्यक्ष र उपाध्यक्षमा नागरिक उन्मुक्ति पार्टीकै उम्मेदवार जित नजिक रहनु भएको छ । अब औपचारिक घोषणा गर्न मात्रै बाँकी रहेको निर्वाचन अधिकृतको कार्यालयको भनाई छ ।
डोटीका ७ पालिकामा काँग्रेस, माओवादी र एमाले एक एकमा विजयी
डोटीका ९ वटै पालिकाहरुमो मत परिणाम सार्वजनिक भएको छ । दुई नगरपालिका र ७ वटा गाउँपालिका रहेको डोटी जिल्लामा नेपाली कांग्रेस सात वटा पालिकामा विजयी भएको हो । नेपाली कांग्रेसले दुई नगरपालिका र चार गाउँपालिकामा जित हासिल गर्दा नेकपा एमाले र नेकपा माओवादी केन्द्र एक एक पालिकामा मात्रै विजयी भएका छन् ।
सुदूरपश्चिममा नयाँ नेतृत्व
सुदूरपश्चिम प्रदेशका नौ जिल्लाका ८८ तहमध्ये सोमबार दिउँसोसम्म ५४ पालिकाको परिणाम सार्वजनिक भएको छ । सार्वजनिक भएको परिणामअनुसार नेपाली काँग्रेसले २३, नेकपा (एमाले)ले १९, नेकपा माओवादी केन्द्रले ११ र स्वतन्त्रले एक पालिकाको प्रमुखमा जित हात पारेका छन् । यस्तै उपप्रमुखमा काँग्रेसका २९, एमालेका १७, माओवादीका सात र नेकपा (एकीकृत समाजवादी)का एक जना निर्वाचित भएका छन् ।
बडिमालिका नगरपालिकामा एमालेको जित
शेरबहादुर सार्कीबाजुरा, जेठ ३ गते । बाजुराको बडिमालिका नगरपालिकाको प्रमुख र उपप्रमुखमा नेकपा (एमाले) का उम्मेदवार विजयी भएका छन् । बडिमालिकाको मेयरमा अम्मरबहादुर खडका र उपमेयरमा नन्दाकुमारी थापा विजयी हुनुभएको हो ।खडकाले नेपाली काँग्रेसका उम्मेदवार पण्डितलाई ४६७ मतले पराजित गुर्नभएको छ । खड्काले चार हजार १९ मत ल्याउनु भएको छ भने उहाँको प्रतिद्वन्द्वी नेपाली काँग्रेसका धनराज पण्डितले तीन हजार ५५२ मत रहेको छ । त्यस्तै उपमेयरमा विजयी नन्दाकुमारी थापाले उहाँकी प्रतिद्वन्द्वी राधिका सिहलाई ८८२ मतले पराजित गर्नुभयो । थापाको चार हजार २ सय ३३ मत रहेको छ भने राधिकाकुमारी सिंहले तीन हजार ३ सय ५१ मत ल्याउनुभयो । नौ वटा वडा भएको बडिमालिका नगरपालिकामा एमाले ७ र नेपाली काँग्रेसले २ ठाउँमा जित हात पारेको छ । वडा नम्बर १ मा काँग्रेसका कृष्णबहादुर कार्की, २ मा एमालेका डम्बर बहादुर महत, ३ मा एमालेका डबलबहादुर रोकाया र ४ मा काँग्रेसका अर्जुन नाथले वडा नम्बर ५ मा एमालेका धरमपाल मिजार, ६ मा कृष्णबहादुर खड्का, ७ मा धर्मराज पाध्याय, ८ चन्द्रबहादुर थापा र ९ मा एमालेकै सुर्यकिरण विक विजय भएका छन् । यसभन्दा पहिला २०७४ सालको स्थानीय चुनावमा नगरप्रमुख नेपाली काँग्रेसका पदम बडुवाल र उपप्रमुख नेपाली काँग्रेसकै कविता विष्ट विजयी हुनुभएको थियो ।
अछामका पालिका प्रमुखमा काँग्रेस, वडामा एमाले अगाडि
स्थानीय तह निर्वाचन अन्तर्गत अछामका सात स्थानीय तहमा मतगणाना सम्पन्न भएको छ ।
२५ वर्षपछि कांग्रेसले फर्कायो दिपायल सिलगढीमा गुमेको विरासत
डोटीको दिपायल सिलगढी नगरपालिकामा नेपाली कांग्रेस विजयी भएको छ। जिल्ला सदरमुकाममा पर्ने उक्त नगरपालिकामा नेपाली कांग्रेस मेयर/उपमेयरसहित भारी मतले विजयी भएको हो।
