स्याङ्जा २ मा गुरुङ र अर्यालको मनोनयन दर्ता
आगामी मङ्सिर ४ गते हुने प्रतिनिधि सभा सदस्यको चुनावका लागि नेपाली कांग्रेस केन्द्रीय उपसभापति धनराज गुरुङ र नेकपा (एमाले) की केन्द्रीय सचिव पद्मा कुमारी अर्यालले मनोनयन दर्ता गराउनुभएको छ ।
माओवादी केन्द्रका अध्यक्ष प्रचण्डद्वारा गाेरखा २ मा उम्मेद्वारी दर्ता
नेकपा (माओवादी केन्द्र) का अध्यक्ष पुष्पकमल दाहाल 'प्रचण्ड'ले गोरखा निर्वाचन क्षेत्र नम्बर - २ बाट उम्मेदवारी मनोनयन दर्ता गर्नुभएको छ ।
नवौँ राष्ट्रिय खेलकुद : नवलपुरमा दुई खेल हुने
नवौँ राष्ट्रिय खेलकुद प्रतियोगिता अन्तर्गत नवलपुरमा दुई खेल हुने भएका छन् । यही असोज २८ गते कास्कीको पोखरामा उद्घाटन समारोह तय गरिएकाले दुई खेल नवलपुरमा खेलाइने तय भएको हो ।
उम्मेदवार दर्ता गर्न अध्यक्ष प्रचण्ड, भट्टराई र श्रेष्ठसहित गोरखामा
प्रतिनिधिसभा निर्वाचनमा उम्मेदवारी दर्ता गर्नका लागि नेकपा (माओवादी केन्द्र)का अध्यक्ष पुष्पकमल दाहाल 'प्रचण्ड' गोरखा पुग्नुभएकाे छ ।
पदमार्गबाट फर्किन थाले पर्यटक
चक्रीय अन्नपूर्ण पदमार्ग पुगेका पर्यटक फर्किन थालेका छन् । वर्षा र हिमपातपछि उनीहरू फर्किन थालेका हुन् ।
मुस्ताङमा बाढीपहिरो रोकिनुप-यो तीर्थालु र पर्यटक
पछिल्लो पाँच दिनदेखि अविरल वर्षासँगै आएको बाढीपहिरोले पवित्र तीर्थस्थल मुस्ताङको मुक्तिनाथ दर्शनका लागि आएका आन्तरिक तथा बाह्य पर्यटकलाई सास्ती भएको छ । हिमालपारिको जिल्ला मुस्ताङ जाने स
लमजुङ जिप दुर्घटनामा एकको मृत्यु, एक गम्भीर घाइते
लमजुङमा जिप दुर्घटना हुँदा एक जनाको मृत्यु भएको छ । एक जना घाइते भएका छन् । बेँसीशहर नगरपालिका १ रिठ्ठेबगरमा रोकिराखेको ग १ च ५९३४ नम्बरको बोलेरो जिप ओरालोमा ब्याक भई दुर्घटना हुँदा जिपमा सवार सुन्दरबजार नगरपालिका ३ च्यानपाटाका ६१ बर्षीय मोतिबहादुर मजाकोटीको मृत्यु भएको प्रहरीले जनाएको छ ।
सबै एक भएर नवौं राष्ट्रिय खेलकुद सम्पन्न गर्न आग्रह
राष्ट्रिय खेलकुद परिषद्का सदस्य सचिव टंकलाल घिसिङ्गले सबै एक भएर नवौं राष्ट्रिय खेलकुद प्रतियोगिता सम्पन्न गर्न आग्रह गर्नुभएको छ ।
लेक लागेर दम्पतीको मृत्यु
लमजुङको दोर्दी र दूधपोखरी गाउँपालिकाको सिरानमा पर्ने ऐतिहासिक एवम् पर्यटकीय मेमेपोखरी घुमेर फर्कने क्रममा लेक लागेर एक दम्पत्तिको मृत्यु भएको छ ।
एकै परिवारका तीन जना मृत फेला
गोरखामा रुखमा झुण्डिएको अवस्थामा एकै परिवारका तीन जनाको शव फेला परेको छ । भीमसेन थापा गाउँपालिका वडा नम्बर ६ स्थित मेरियाटोलका ३४ वर्षका हेमबहादुर राना र उनका जुम्ल्याहा छोराको शव झुण्डिएको अवस्थामा आज बिहान फेला परेको जिल्ला प्रहरी कार्यालयका प्रमुख प्रहरी उपरीक्षक केदार खनालले जानकारी दिनुभयो ।
एक सय ४४ घर परिवार विस्थापित
पूर्वी नवलपरासीमा लगातार चार दिनसम्म परेको झरीका कारण १४४ घर परिवार बाढीको डुबानमा परी विस्थापित भएका छन् । नवलपुरका चार पालिका गैँडाकोट, मध्यविन्दु, हुप्सेकोट र विनयी त्रिवेणीका सो परिवार विस्थापित भएका हुन् ।
नवौँ राष्ट्रिय खेलकुद : खेल मैदान तयार गर्न जुटे वालिङका युवाहरू
अविरल वर्षाको कारण जनजीवन कष्टकर भईरहेका छ । तर वालिङका युवाहरु भने निरन्तरको झरीको कुनै वास्ता नगरी खेल मैदान निर्माणमा जुटेका छन् ।
यातायात र हवाई उडान नहुँदा पर्यटकलाई सास्ती
पछिल्लो चार दिनदेखि लगातार परिरहेको अविरल वर्षासँगै आएको बाढी पहिरोले पवित्र तीर्थस्थल मुस्ताङको मुक्तिनाथ दर्शनका लागि आएका अन्तरिक तथा बाह्य पर्यटकलाई सास्ती भएको छ । हिमालपारीको जिल्ला मुस्ताङमा पनि वर्षाले गर्दा ठाउँ ठाउँमा पहिरो गएको छ ।
पहिरोले भिमाद बजारको अस्तित्व मेटिँदै
पहिरो नियन्त्रण लिन नसक्दा तनहुँको भिमाद नगरपालिका–६ स्थित ऐतिहासिक भिमाद बजारको अस्तित्व मेटिने जोखिम बढेको छ । पहिरोले स्थानीय बजारमा ठूलो क्षती पुगेको स्थानीयले बताएका छन् ।
पृथ्वी राजमार्ग दमौली–पोखरा खण्ड सात घण्टापछि सुचारु
पृथ्वी राजमार्गमा पर्ने तनहुँको दुई स्थानमा पहिरो झरेर अवरुद्ध भएको सडक सात घण्टापछि सुचारु भएको छ । व्यास नगरपालिका –१२ घाँसीकुवा र म्याग्दे गाउँपालिका –१ गुणादीमा खसेको पहिरो पन्छाएर सडक सुचारु गरिएको प्रहरीले जनाएको छ । बिहीबार राति खसेको पहिरोले सडक अबरुद्ध भएकोमा गुणादीमा शुक्रबार विहान ६ बजे एक तर्फी खुलाइएको सडक पुन पहिरो खसेकाले दुइतर्फी यातायात बन्द भएको थियो । डोजरले पहिरो हटाएर सडक सुचारु गरिएको जिल्ला ट्राफिक प्रहरी कार्यालय तनहुँका प्रमुख गोकर्ण नेपालले जानकारी दिनुभयो ।
मनाङमा हिमपात, सतर्कता अपनाउन प्रशासनको अनुरोध
हिमाली जिल्ला मनाङमा हिउँ पर्न थालेको छ । जिल्लाको माथिल्लो क्षेत्रमा बिहीबार बिहानबाट हिउँ पर्न थालेको स्थानीयले बताएका छन् । मंगलबार रातिदेखि परेको अविरल बर्षाका कारण बिहीबारबाट हिउँ पर्न थालेको हो । मनाङ ङिस्याङ गाउँपालिका अध्यक्ष कान्छा घलेका अनुसार तीन दिनदेखि निरन्तर परेको बर्षाले हिउँ पर्न थालेको हो ।
निरन्तरको वर्षाले बेँसीसहर–चामे सडक अवरुद्ध
निरन्तरको वर्षाका कारण बेँसीसहर–चामे सडक अवरुद्ध भएको छ । बङ्गालको खाडीबाट उर्लिरहेकोे न्यून चापीय बायुको असर उत्तर पश्चिमतर्फ सर्दै जाने क्रममा भएको निरन्तरको वर्षाका कारण पहिरो खस्दा सडक अवरुद्ध भएको हो ।
पूर्वी नवलपरासीमा पहाडी सडक अवरुद्ध
पूर्वी नवलपरासीको पहाडी क्षेत्र जोडने मुख्य सडकमा पहिरो गएपछि यातायात सेवा अवरुद्ध भएको छ । दलदले–कुमसोत–पोखरी खण्डअन्तर्गत हुप्सेकोट गाउँपालिका –५ पाङ्ग्रेमा पहिराले यातायात सेवा अवरुद्ध भएको हो ।
-original-thumb.jpg)
बस र मोटरसाइकल ठोक्किँदा एक गम्भीर घाइते
स्याङ्जाको वालिङमा बस र मोटरसाइकल एक आपसमा ठोक्किएर दुर्घटना हुँदा एक जना गम्भीर घाइते भएका छन् । पोखराबाट लुम्बिनीका लागि छुटेको प्रदेश नं ३, ०१–००१ प १५८१ नम्वरको बस र गल्याङबाट वालिङका लागि छुटेको लु ७७ प ८८४३ नम्वरको मोटरसाइकल सिद्धार्थ राजमार्गको वालिङ १० को आम्वोटमा एक आपसमा ठोक्किएका हुन् ।
उजागर हुन नसकेको आश्चर्यलाग्दो प्राकृतिक पुल
पर्यटकीय नगरी पोखराको मध्यभागमा अवस्थित आश्चर्य लाग्दो प्राकृतिक पुल ओझेलमा परेको छ । पोखरा उपत्यकाको उत्पत्तिसँगै बनेको प्राकृतिक पुल उजागर हुन नसक्दा ओझेमा परेको हो ।
बाख्रा पालनबाट महिलाको आयस्तरमा वृद्धि
तनहुँको भिमाद नगरपालिका र घिरिङ गाउँपालिकाको महिलाको बाख्रा पालनबाट आयस्तर परिवर्तन भएको छ । दुई पालिकाबाट यसपालीको दशैंमा खसी र बोका बिक्री गरी झण्डै तीन करोड रुपियाँ महिलाले आम्दानी गर्न सफल भएका छन् ।
प्रशासन कार्यालयद्वारा हतियार बुझाउन आग्रह
जिल्ला प्रशासन कार्यालय तनहुँले इजाजतपत्र लिएर वैद्यानिक रूपमा घरमा हातहतियार राख्दै आएका सर्वसाधारणहरूलाई हातहतियार बुझाउन आग्रह गरेको छ ।
नवौँ राष्ट्रिय खेलकुद – म्याग्दीमा खेल मैदान तयार
म्याग्दीमा नवाैँ राष्ट्रिय खेलकुद प्रतियोगिता सञ्चालन हुने खेल मैदान तयार पारिएको छ । यहीअसोज २७ देखि कात्तिक ३ गतेसम्म गण्डकी प्रदेशमा सञ्चालन हुने नवाैँ राष्ट्रिय खेलकुद प्रतियोगिताअन्तर्गत म्याग्दीको बेनीमा महिला भलिबल र तेक्वान्दोको प्रतिस्पर्धा हुँदैछ ।
कोसेलीमा ब्राण्ड बनेको मुस्ताङको स्याउ
बागलुङका हरेक फलफूल पसलमा मुस्ताङको स्याउ पाइन्छ। अघिपछि भारत र चीनबाट आएको स्याउ बिक्री गर्ने यहाँका व्यापारीहरुले समेत दसैँ तिहारमा मुस्ताङको स्याउको ठूलो मात्रामा कारोबार गर्छन्।
मनास्लु हिमालमा पुनः हिमपहिरो एक जनाको मृत्यु
गोरखा, असोज १७ गते । उत्तरी गोरखाको मनास्लु हिमालको आधार शिविरमा आज पुनः हिमपहिरा जाँदा एक जनाको मृत्यु भएको छ। आज बिहान दोस्रो र तेस्रो आधार शिविरमा गएको हिमपहिरामा परी ताप्लेजुङका ३५ वर्षीय दावा छिरिङ शेर्पाको मृत्यु भएको हो। जिल्ला प्रहरी कार्यालयका प्रमुख प्रहरी उपरीक्षक केदार खनालका अनुसार हिमपहिरामा परेका चारमध्ये तीन जना भने तत्काल नै सम्पर्कमा आएका थिए । पहिरामा परेका शेर्पा भने सम्पर्कविहीन भएपछि खोजी सुरु गरिएको थियो। घटनालगत्तै बेपत्ता शेर्पाको खोजी गर्ने क्रममा मृतावस्थामा भेटिएको उहाँले बताउनुभयो।मृतक शेर्पाको शव सिम्रिक एयरको हेलिकप्टरमार्फत उद्धार गरी आधार शिविरबाट सामागाउँमा ल्याएर मुचुल्का उठाई शवपरीक्षणका लागि काठमाडौंको टिचिङ अस्पताल पठाइएको एसपी खनालले जानकारी दिनुभयो। मृतकको शवपरीक्षणपछि आफन्तलाई बुझाइने गोरखा प्रहरीले जनाएको छ। आइतबार बिहान पनि दोस्रो आधार शिविरमा हिमपहिरा गएको थियो। यसअघि गएको सोमबार पनि मनास्लु हिमालको तेस्रो आधार शिविरमा हिमपहिरा गएको थियो। उक्त हिमपहिरामा परी दुई जनाको मृत्यु भएको थियो भने १२ जना घाइते भएका थिए। सोमबार गएको हिमपहिरामा सङ्खुवासभाका अनुप राई र विश्व विख्यात अमेरिकी स्की आरोही हिलारी नेल्सनको स्की गर्ने क्रममा मृत्यु भएको थियो। रासस
