.jpg)
झापा २ मा एमालेका देवराज घिमिरे विजयी
झापा क्षेत्र नम्बर २ मा नेकपा (एमाले) का देवराज घिमिरे विजयी हुनुभएको छ । बुधवार राति सम्पन्न अन्तिम मतगणनामा एमालेका प्रदेश नम्बर १ का इन्चार्ज समेत रहनुभएका घिमिरेले स्वतन्त्र उम्मेदवार भद्रप्रसाद नेपाल स्वागतलाई २२५६ मतले पराजित गर्नुभयो ।
झापाको १ (ख) मा राप्रपाकी सबिना बजगाईं विजयी
झापाको क्षेत्र नम्बर १ (ख) प्रदेशसभामा राष्ट्रिय प्रजातन्त्र पार्टी (राप्रपा) की सबिना बजगाई निर्वाचित हुनुभएको छ। नेकपा (एमाले)को समर्थनमा बजगाई विजयी हुनुभएको हो।
धरानमा म्यादी प्रहरीको बिदाइ
धरानमा प्रतिनिधिसभा निर्वाचन सुरक्षाका लागि नियुक्त गरिएका म्यादी प्रहरीहरुको बिहीबार एक कार्यक्रमबीच बिदाई गरिएको छ । प्रदेश र प्रतिनिधिसभा निर्वाचन सुरक्षाका लागि सरकारले देशभरीबाट जिल्ला प्रहरी कार्यालयमार्फत् भर्ना गरेको थियो ।
झापा १ बाट कांग्रेस महामन्त्री विश्वप्रकाश शर्मा विजयी
झापा क्षेत्र नम्बर १ बाट प्रतिनिधिसभा सदस्यमा नेपाली कांग्रेसका महामन्त्री विश्वप्रकाश शर्मा विजयी हुनुभएको छ। शर्मा ३९ हजार ६२४ मत ल्याएर विजयी हुनुभएको हो।
दोब्बर बढी मतान्तरले झापा ५ बाट अध्यक्ष ओली निर्वाचित
पूर्व प्रधानमन्त्री एवम् नेकपा (एमाले) का अध्यक्ष केपी शर्मा ओली झापा क्षेत्र नं. ५ बाट फराकिलो मतान्तरले विजयी बन्नु भएको छ । २८ हजार ५७६ मतान्तरले अध्यक्ष ओली विजयी बन्नुभएको हो ।
इलामको दुवै निर्वाचन क्षेत्रमा मतगणना स्थगित
इलामको दुई निर्वाचन क्षेत्रमा भइरहेको मतगणना स्थगित भएको छ । इलाम क्षेत्र नं २ मा साढे ३ बजेदेखि मतगणना स्थगित भएको हो ।
झापा १ को प्रदेशसभा (क) मा कांग्रेसका गोपाल तामाङ विजयी
झापा क्षेत्र नम्बर १ प्रदेशसभा (क) मा नेपाली कांग्रेसका गोपाल तामाङ विजयी हुनुभएको छ।
पाँचथरमा कांग्रेस र एमालेको चर्को प्रतिस्पर्धा : मतान्तर ९६ मात्र
राधा लुइँटेलफिदिम, मङ्सिर ७ गते। पाँचथर प्रतिनिधिसभा सदस्यमा नेपाली कांग्रेस र नेकपा (एमाले)बीच चर्को प्रतिस्पर्धा भएको छ। कांग्रेसका भीष्मराज आङ्देम्बे र एमालेका वसन्तकुमार नेम्बाङबीचको प्रतिस्पर्धा रोचक बनेको हो। २५ हजार १ सय ८८ मत गणना हुँदा आङ्देम्बेले ९६ मतले नेम्बाङलाई पछाडि पार्नुभएको छ। आङ्देम्बेले १० हजार ८ सय ३ मत प्राप्त गर्दा नेम्बाङले १० हजार ७ सय ७ मत पाउनुभएको छ। प्रदेशसभा (क)मा जबेगुलाई अग्रताप्रदेशसभा (क)मा कमलप्रसाद जबेगुले अग्रता लिनुभएको छ। उहाँ ३२१ मतले अगाडि हुनुहुन्छ। एकीकृत समाजवादीका जबेगुले ९ हजार ८ सय २७ मत प्राप्त गर्दा नेकपा (एमाले)का राजकुमार भण्डारीले ९ हजार ५ सय ६ मत ल्याउनुभएको छ। प्रदेशसभा (ख)मा आङ्बोको अग्रताप्रदेशसभा (ख)मा (माओवादी केन्द्र)का इन्द्रबहादुर आङ्बोले अग्रता बढाउनुभएको छ। आङ्बोले ११ हजार ९ सय ५ मत प्राप्त गर्नुभएको छ। एमालेका अइन्द्रकुमार नेम्बाङले ९ हजार १ सय ८३ मत पाउनुभएको छ। आङ्बो र नेम्बाङबीचको मतान्तर दुई हजार ७ सय २२ पुगेको छ।
मोरङ ५ (क) मा कांग्रेसका गनगाँई निर्वाचित
मोरङ निर्वाचन क्षेत्र नम्बर ५ प्रदेश सभा (क) बाट नेपाली कांग्रेसका गयानन्द मण्डल गनगाँई निर्वाचित हुनुभएको छ ।
झापा क्षेत्र ५ बाट एमाले अध्यक्ष केपी शर्मा ओलीको जित सुनिश्चित
नेकपा (एमाले) का अध्यक्ष एवम् पूर्व प्रधानमन्त्री केपी शर्मा ओली प्रतिनिधि सभा सदस्य झापा क्षेत्र नं ५ मा जित सुनिश्चित भएको छ । दोब्बर मतभन्दा बढीको फराकिलो मतान्तरले उहाँको जित सुनिश्चित भएसँगै एमालेको विजयी र्यालीको तयारी सुरु गरिएको छ ।
झापाको क्षेत्र २ (ख) मा एमालेका चिन्तन पाठक विजयी
झापाको क्षेत्र नम्बर २ (ख) मा प्रदेश सभा सदस्यमा नेकपा (एमाले) का चिन्तन पाठक विजयी बन्नुभएको छ । पाठक ३ हजार ८४० मतान्तरसहित विजयी हुनुभएको हो ।
झापा ३ प्रदेश सभा (क) मा कांग्रेसका राजवंशी विजयी
झापाको क्षेत्र नं. ३ (१) मा नेपाली काँग्रेसका भुमिप्रसाद राजवंशी बिजयी बन्नु भएको छ । राजवंशीले २० हजार ७७० मत ल्याएर प्रदेश सदस्यमा निर्वाचित बन्नु भएको हो ।
झापा २ प्रदेश सभा (क) मा एमालेका कार्की निर्वाचित
झापाको क्षेत्र नम्बर २ (क) मा प्रदेश सभा सदस्यमा नेकपा एमालेका एकराज कार्की निर्वाचित हुनुभएको छ । कार्की दोस्रो कार्यकालका लागि प्रदेशसभा सदस्य निर्वाचित हुनुभयो ।
ओखलढुंगाबाट कांग्रेसका रामहरि खतिवडा विजयी
ओखलढुंगाको प्रतिनिधि सभा सदस्य पदमा नेपाली कांग्रेसका उम्मेदवार रामहरि खतिवडा अत्यधिक मतका साथ विजयी हुनुभएको छ ।
मतपपत्रमा छापैछाप !
झापाको क्षेत्र नम्बर ५ मा मतगणना भइरहेको छ। मतगणनामा बसेका गणकदेखि लिएर राजनीतिक दलका प्रतिनिधि मतपत्रमा मतदाताले गरेको मतदानको शैली देखेर अचम्मित बनेका छन्। एकातिर अपेक्षा अनुसार मत नखसेको र अर्कोतिर बदर मत धेरै भएको देखिन्छ।
उदयपुर २ प्रदेशसभा (ख) मा कांग्रेसका खत्री विजयी
उदयपुरको निर्वाचन क्षेत्र नं २ को प्रदेश सभा क्षेत्र (ख) बाट नेपाली कांग्रेसका उम्मेदवार रामकुमार खत्री १२ हजार ६२७ मत प्राप्तगरी प्रदेश सभा सदस्य पदमा विजयी हुनुभएको छ ।
उत्कृष्ट कर तिरेवापत नोबेल मेडिकल कलेज सम्मानित
डाक्टर सुनिलकुमार शर्माले नेतृत्व गरेको विराटनगरस्थित नोबेल मेडिकल कलेज टिचिङ् हस्पिटल यस वर्षको स्वास्थ्य तथा शिक्षा सेवा प्रदायकमध्ये सबैभन्दा बढी आयकर तिर्ने संस्थाको सम्मानित भएको छ ।
ताप्लेजुङमा एमाले सचिव भट्टराई निर्वाचित
ताप्लेजुङमा नेकपा (एमाले) का सचिव योगेशकुमार भट्टराई प्रतिनिधिसभा सदस्यमा निर्वाचित हुनुभएको छ । भट्टराईले वामलोकतान्त्रिक गठबन्धनका साझा उम्मेदवार नेकपा (माओवादी केन्द्र) का खेलप्रसाद बुडाक्षेत्री ‘पराग’ लाई पराजित गर्दै निर्वाचित हुनुभएको हो ।
उदयपुर २ प्रदेशसभा (क) मा माओवादीका वुर्जामगर विजयी
उदयपुरको निर्वाचन क्षेत्र नम्बर २ को प्रदेश सभा क्षेत्र १ बाट नेपाल कम्युनिष्ट पार्टी माओवादी केन्द्रका उम्मेदवार नारायणबहादुर वुर्जामगर आठ हजार १०५ मत प्राप्त गरी दोस्रो कार्यकालका लागि प्रदेश सभा सदस्य पदमा विजयी हुनुभएको हो ।
झापा १ मा कांग्रेस महामन्त्री विश्वप्रकाशको जित सुनिश्चित
झापा क्षेत्र नम्बर १ को प्रतिनिधि सभाको निर्वाचनको मत गणनामा नेपाली कांग्रेसका महामन्त्री विश्वप्रकाश शर्माको जित नजिक पुग्नुभएको छ ।
ताप्लेजुङमा एमालेका भट्टराई बढे अघि
ताप्लेजुङमा नेकपा (एमाले) का उम्मेदवार योगेशकुमार भट्टराईले अन्तिममा आएर अग्रता लिनुभएको छ । सुरुदेखि नै अग्रता कायम राख्दै आउनुभएका नेकपा (माओवादी केन्द्र) का खेलप्रसाद बुडाक्षेत्री ‘पराग’लाई पछि पार्दै भट्टराईले अग्रता लिनुभएको हो ।
पाँचथरमा मतान्तर बढाउँदै कांग्रेस
पाँचथरमा प्रतिनिधिसभातर्फका गठबन्धनका कांग्रेस उम्मेदवार भीष्मराज आङ्देम्बेले आठ हजार ७९६ मत प्राप्त गर्दै अगाडि आउनुभएको छ ।
मोरङ ६ मा डा. कोइरालाको अग्रता
मोरङको निर्वाचन क्षेत्र नम्बर ६ मा वाम लोकतान्त्रिक गठबन्धनका उम्मेदवार डा. शेखर कोइरालाले अग्रता कायम छ ।
ओखलढुङ्गामा कांग्रेसका रामहरिको अग्रता कायम
ओखलढुङ्गा जिल्लाको प्रतिनिधि सभा सदस्यमा नेपाली कांग्रेसका उम्मेदवार रामहरि खतिवडा तीन हजार ७५५ मतान्तरले अग्रस्थानमा हुनुहुन्छ ।
ओखलढुङ्गा ‘ख’ मा माओवादीका गौतम विजयी
ओखलढुङ्गा प्रदेश सभा क्षेत्र ‘ख’ मा नेकपा माओवादी केन्द्र विजयी भएको छ । गठबन्धनको तर्फबाट माओवादी केन्द्रका प्रदेश सभाको उम्मेदवार बाबुराम गौतमले निकटतम प्रतिस्पर्धी नेकपा एमालेका ज्ञानबहादुर खड्कालाई एक हजार ९६ मतले पराजित गर्दै विजयी हुनुभएको हो ।
