ज्येष्ठ नागरिक अक्षयकोष स्थापना गर्दै फुङ्लिङ
फुङ्लिङ नगरपालिकाले ज्येष्ठ नागरिक अक्षयकोष स्थापना गर्ने भएको छ । एक सय वर्ष माथिका ज्येष्ठ नागरिकको उपकार तथा हितका लागि नगरपालिकाले उक्त अक्षयकोष स्थापना गर्ने भएको हो ।
कृषकलाई प्रतिलिटर २ रुपियाँ प्रोत्साहन अनुदान
झापाको कचनकवल गाउँपालिकाले दुग्ध उत्पादक किसानलाई प्रोत्साहनका लागि प्रतिलिटर २ रुपियाँ प्रोत्साहन अनुदान दिने निर्णय गरेको छ ।
म्याराथनमा प्रथम शेर्पालाई नगदसहित सम्मान
ताप्लेजुङको मैवाखोला गाउँपालिकाले महिला हाफ म्याराथनमा प्रथम समपाल्मु शेर्पालाई नगदसहित सम्मान गरेको छ।
कुटपिटबाट महिलाको मृत्यु भएपछि न्याय माग्दै प्रहरी कार्यालय घेराउ
धरान उपमहानगरपालिका वडा नम्बर १३ सूर्यमार्गमा जनजागृति महिला समूहको कुटपिटबाट घाइते एक महिलाको उपचारका क्रममा मृत्यु भएपछि तनाव भएको छ।
खेलाडी उत्पादनमा सहयोग पुर्याउन फुटबल प्रतियोगिता
ताप्लेजुङको एक धार्मिक विद्यालयले आधारभूत तह स्तरमा अध्ययनरत विद्यार्थीको सहभागितामा फुटबल प्रतियोगिताको आयोजना गरेको छ । उक्त विद्यालयले आफ्नो वार्षिक उत्सवको अवसरमा फुटबल प्रतियोगिताको आयोजना गरेको हो ।
पशुपतिनगरमा भारतीय सवारीलाई सुविधा पास
इलामको सूर्योदय नगरपालिकाको पशुपतिनगरमा निजी प्रयोजनका भारतीय नम्बर प्लेटका सवारी साधनलाई निःशुल्क सुविधा पास उपलब्ध हुने भएको छ ।
तेलमा आत्मनिर्भर बन्न तोरी खेतीको प्रवर्धन
खोटाङको रावाबेसी गाउँपालिकाले तोरीको तेलमा आत्मनिर्भर बन्ने अवधारणा अघि सारेको छ ।
एक पुरुषको शव फेला
धनकुटाको साँगुरीगढी गाउँपालिकामा एक पुरुषको शव फेला परेको छ । साँगुरीगढी गाउँपालिका ५ डाँडाबजारमा ४० वर्षीय राजकुमार मगरको शव शुक्रबार बिहान फेला परेको धनकुटा प्रहरीले जनाएको छ ।
भेडाबाख्रा पाल्न चरन क्षेत्रको अभाव
टङ्कीसिनवारी, मङ्सिर १६ गते । जमिनलाई टुक्रा–टुक्रा गरेर घडेरीमा बिक्री वितरण गर्ने चलन बढेपछि भेडाबाख्रा पालनका लागि चरन क्षेत्रको अभाव भएको छ ।कृषियोग्य जमिन कम हुँदै गएपछि भेडा चराउने ठाउँको कमी भएको हो । चरन क्षेत्रको अभावका कारण भेडापालकलाई भेडा चराउन र भेडा बचाउन सकस पर्न थालेको छ । सुनसरीको हरिनगरा गाउँपालिका–४ का दयानन्द पाल, सदानन्द पाल र खिलानन्द पाल भेडा चराउन सयौँ भेडा लिएर महिनौँ घर छाडेर हिँड्ने गर्नुभएको छ । उहाँहरूको दिनचर्या भेडा चराउनमै बित्ने गरेको छ । घरका परिवारसँगको सम्पर्क कमै हुने गर्छ । भेडा चराउनैका लागि घाँस भएको क्षेत्र खोज्दै दैनिक १० देखि २० किलोमिटरको यात्रा भेडा लिएर पैदल तय गर्नुपर्ने बाध्यता छ ।“भेडालाई बाँधेर राख्न गाह्रो छ । खुलामा चराउनु पर्छ । खुलामा चराउँदा खेतमा पसेर अरूको बाली खाइदेला भन्ने पीर हुन्छ”, दयानन्द पालले भन्नुभयो, “राति बास बस्दा पनि जङ्गली जनावरले भेडा खाइदेला भन्ने चिन्ता छ । आलोपालो गरेर २४सैँ घण्टा भेडाको सुती–नसुती निगरानी गर्नुपर्ने अवस्था छ ।”भेडापालन गर्न दुःख बढी हुने गरेको अर्का भेडापालक सदानन्द पालले बताउनुभयो । पुख्र्यौली पेशा भएर मात्र भेडापालन अँगालेको उल्लेख गर्दै उहाँले चर्ने ठाउँ कम हुँदै गएकाले पाल्न कठिन बन्दै गएको बताउनुभयो । वर्षमा दुईपटक भेडाबाट ऊन निकाल्ने गरिएको छ । आधुनिकतासँगै भेडाको ऊनको बिक्री पनि कम हुँदै गएको छ । भेडाको ऊनको चाङले घर नै भरिए पनि बिक्री गर्न समस्या छ । भेडा चराउन हरिनगराबाट थालिएको यात्रा विराटनगर, लौकही, इनरूवा, भण्टाबारी, जनकपुरसम्म पुग्ने उहाँ बताउनुहुन्छ । भेडा चराउनैका लागि विराटनगर आउनुभएका दयानन्द, सदानन्द र खिलानन्द नहर छेउमा पाल टाँगेर बस्नुभएको छ । एक सय २० भेडा लिएर हिँड्नुभएका उहाँहरूको बढीजसो समय चरन क्षेत्र खोज्नमै वित्ने गरेको छ । सरकारले भेडाबाख्रा पालन गर्न सेवा सुविधा उपलब्ध गराउनुपर्ने उहाँहरुको माग छ ।
खोटाङको हलेसीमा सौर्यबत्ती जडान
प्रसिद्ध त्रिधार्मिकस्थल हलेसी मन्दिर परिसरमा सौर्यबत्ती जडान गरिएको छ । उज्यालो हलेसी कार्यक्रमअन्तर्गत प्रदेश नं १ सरकार, खानेपानी, सिँचाइ तथा ऊर्जा मन्त्रालयको रु १० लाख लागतमा मन्दिर परिसरको २६ ठाउँमा सौर्यबत्ती जडान गरिएको हो ।
झापामा दुर्घटनामा दुईजनाको मृत्यु
झापामा छुट्टाछुट्टै दुर्घटनामा दुईजनाको मृत्यु भएको छ । पूर्वपश्चिम राजमार्गको दमक–९ स्थित क्याम्पसमोढ सडकखण्डमा मोटरसाइकलको ठक्करबाट गए राति एक जनाको मृत्यु भएको छ । अर्का एक गम्भीर घाइते भएका छन् ।
भगवतीको प्राथमिकता विपन्न समुदायको उत्थान
संसद् प्रवेशका लागि भएको चुनावी प्रतिस्पर्धामा तेस्रो पटकमा सफलता प्राप्त गर्नुभएकी प्रतिनिधि सभाका नवनिर्वाचित सदस्य भगवती चौधरीले आफूले कृषिलाई व्यवसायिक र निर्यातमुखी बनाउन प्रयास गर्ने बताउनुभएको छ। सुनसरी क्षेत्र नम्बर ३ बाट नेपाली कांग्रेसका नेता तथा पूर्वउपप्रधानमन्त्री विजयकुमार गच्छदारलाई तेस्रो पटकमा पराजित गर्दै सांसद बन्नुभएकी नेकपा एमालेकी नेत्री चौधरीले महिलालाई आत्मनिर्भर, स्वरोजगार बनाउने अभियानमा आफ्नो प्राथमिकता रहने बताउनुभएको छ।
दृष्टिविहीन दम्पतीलाई घर चलाउनै गाह्रो
मोरङको कानेपोखरी–६, सुन्तली गाउँका पूर्ण दृष्टिविहीन सुब्बा दम्पतीले राज्यबाट अपहेलित भएको गुनासो गर्नुभएको छ। दुवै जना पूर्ण दृष्टिविहीन भए पनि सरकारले अपाङ्गताको रातो परिचयपत्र नदिएको उहाँहरूको भनाइ छ। पूर्ण दृष्टिविहीनलाई सरकारले पूर्ण अपाङ्गता भएको मान्दैन। अर्काको सहारामा हिँड्ने र खानेलाई मात्र रातो परिचयपत्र दिने र त्यस्ता व्यक्तिलाई मासिक चार हजार रुपियाँ दिने कानुनी व्यवस्था छ। दृष्टिविहीन सागरराज सुब्बा तीन वर्षअघिसम्म सरकारी विद्यालयमा पढाउनुहुन्थ्यो। धरानको शहीद स्मृति माविमा २२ वर्ष पढाउनुभयो तर पनि उहाँ स्थायी हुन सक्नुभएन। त्यसपछि ‘गोल्डेन हेन्डसेक’ लिएर जागिरबाट अवकाश लिनुभएका सुब्बा यतिबेलाको दैनिकी कष्टपूर्ण भएको बताउनुहुन्छ। सरकारले दिएको छ लाख ६७ हजार रुपियाँ उहाँले घरखेत जोड्नमा खर्चिनुभयो। घरखेत जोड्नुभयो तर जागिर छैन।
सुकेटार–विराटनगर परीक्षण उडान
नेपाल वायु सेवा निगमले ताप्लेजुङ–विराटनगर परीक्षण उडान गरेको छ । उडान बन्द भएको करिब १४ वर्षपछि ताप्लेजुङको सुकेटार विमानस्थलबाट विराटनगर विमानस्थलमा बिहीबार परीक्षण उडान गरेको हो ।
अढाई दशकदेखि अलपत्र सुवर्ण फर्मास्युटिकल्स
मोरङको सुन्दरहरैँचा नगरपालिका–११, कर्जुनामा निर्माण सुरु गरिएको एक औषधि उद्योग सम्पन्न नभई अलपत्र अवस्थामा रहेको छ । औषधि उत्पादनका लागि सरकारी लगानीमै निर्माण गर्न थालिएको सुवर्ण फर्मास्युटिकल्सको भवनलगायतका पूर्वाधारको ८५ प्रतिशत काम सम्पन्न भएको छ तर बाँकी काम सम्पन्न गर्ने र उद्योग सञ्चालन गर्न भने सम्बद्ध निकाय लागि परेको देखिँदैन ।
मानेभञ्ज्याङ गाउँपालिकाले आफ्नै गान र लोगो बनाउने
मानेभन्ज्याङ गाउँपालिका आखलढुंगाले आफ्नै पालिका गान र लोगो तयार गर्ने भएको छ
सुनसरी क्षेत्र ४ (क) मा कांग्रेसका मण्डल विजयी
सुनसरीको निर्वाचन क्षेत्र ४ (क) को प्रदेश सभा सदस्यमा नेपाली कांग्रेसका उम्मेदवार सदानन्द मण्डल विजयी हुनुभएको छ । प्रदेश सभा सदस्य निर्वाचित हुनुभएका मण्डलले १५ हजार १९८ मत ल्याउनुभएको छ ।
सुनसरी क्षेत्र नं. ४ बाट सञ्चारमन्त्री कार्की विजयी
पाली कांग्रेसका नेता एवम् सूचना तथा सञ्चार मन्त्री ज्ञानेन्द्रबहादुर कार्कीले सुनसरी जिल्लाको क्षेत्र नं. ४ बाट प्रतिनिधि सभा सदस्यमा निर्वाचित हुनुभएको छ ।
ठेकेदार र हाकिमको मिलेमतोले बक्राहा पुल सात वर्षदेखि अलपत्र
सात वर्षयता ठुला राजनीतिक दलको चुनावी एजेन्डा बन्ने गरेको मोरङको मरिया बक्राहा खोलाको पुल यस पटक पनि चुनावी एजेन्डा बन्यो ।
झापामा चार महिनामा ३७ जना एचआइभी एड्सबाट सङ्क्रमित
झापामा चार महिनाको अवधिमा ३७ एचआइभी एड्स सङ्क्रमित थपिएका छन् । यस वर्षको साउनदेखि कात्तिकसम्ममा सो सङ्ख्यामा एचआइभी एड्स सङ्क्रमित थपिएका हुन् ।
मन्त्री कार्कीको अग्रता कायमै : १५ मतले अगाडि
सुनसरी जिल्लाको निर्वाचन क्षेत्र नं. ४ प्रतिनिधि सभा सदस्य निर्वाचनमा नेपाली कांग्रेसका उम्मेदवार एवम् सञ्चार तथा सूचना प्रविधि मन्त्री ज्ञानेन्द्रबहादुर कार्कीले अग्रता कायम गर्नुभएको छ ।
सञ्चारमन्त्री कार्की एक मतले पछाडि : आफ्नै वडाको मतगणना हुँदै
पछिल्लो विवरणअनुसार मन्त्री कार्की एक मतले पछाडि पर्नुभएको छ ।
मन्त्री कार्की र कुसियैतबीच उच्च प्रतिस्पर्धा
सुनसरी जिल्लाको निर्वाचन क्षेत्र नं. ४ प्रतिनिधि सभा सदस्य निर्वाचनमा उच्चस्तरको प्रतिस्पर्धा देखिएको छ ।
समानुपातिकतर्फ पाँचथरमा एमालेलाई सबैभन्दा धेरै मत
प्रत्यक्षतर्फबाट प्रतिनिधि सभामा ४६ मत अन्तरले कांग्रेसलाई पछाडि पारेको नेकपा (एमाले)लाई समानुपातिक तर्फ पाँचथर जिल्लाबाट सात हजार भन्दा धेरै मत प्राप्त भएको छ।