ताप्लेजुङका आधा विद्यालयमा पुग्यो पाठ्यपुस्तक
हिमाली जिल्ला ताप्लेजुङका आधा सामुदायिक विद्यालयमा पाठ्यपुस्तक पुगेको छ।
गोली भरिएका दुई थान हतियारसहित प्रतिवादी पक्राउ
ज्यान मार्ने उद्योगसम्बन्धी मुद्दामा पक्राउ पुर्जी जारी भएका एक फरार प्रतिवादीलाई गोली भरिएका दुई थान हतियारसहित उदयपुरको वेलका नगरपालिका वडा नं. ३, टप्पु क्षेत्रबाट पक्राउ गरिएको छ ।
ट्याक्टर पल्टिँदा एकको मृत्यु, चार गम्भीर घाइते
मोरङ रङ्गेली विराटनगर सडक खण्ड अन्तर्गत रङ्गेली ४ स्थित आमतोला चोकमा शनिबार ट्याक्टर दुर्घटना हुँदा एक जनाको मृत्यु भएको छ भने १३ जना सामान्य घाइते भएका छन् ।
सरकारी बेवास्ताका कारण सुक्यो ऐतिहासिक कमलपोखरी
देशभर कृत्रिम पोखरी र ताल बनाएर पर्यटक आकर्षित गरिएको बेला मोरङको सुनवर्षी नगरपालिका –१ केचनाको कमलपोखरी सुकेको छ । अहिले सुकेको ऐतिहासिक पोखरीमा पशुचौपाया चरिरहेका छन् ।
ढुङ्गा लागेर आङबुहाङको निधन
तमोर नदीमा माछा मारेर घर फर्किने क्रममा भीरबाट झरेको ढुङ्गा लागेर ताप्लेजुङमा एक जनाको ज्यान गएको छ ।
फिल्मी शैलीमा ३२ लाख लुट्ने चार जना पक्राउ
झापामा फिल्मी शैलीमा महँगो जग्गा सस्तोमा दिने भन्दै ३२ लाख ठगी गर्नेहरूलाई प्रहरीले पक्राउ गरेको छ । जग्गा बैना भनेर ३२ लाख रुपियाँ लिएर फरार भएकाहरूलाई प्रहरीले पक्राउ गरेको हो ।
फुङ्लिङ बजारमा सडक नापजाँच
मेची राजमार्गअन्तर्गत सदरमुकाम फुङ्लिङ बजारभित्र सडक नापजाँच (सीमाङ्कन) गर्न सुरु गरिएको छ। मेची राजमार्गको सडक क्षेत्रभित्रको संरचना हटाउन दिइएको अन्तिम म्याद सकिएपछि फुङ्लिङ नगरपालिकाले सडक नापजाँच गर्न सुरु गरेको हो। सडकको दायाँ–बायाँ साढे सात मिटर कायम रहने गरी नापजाँच सुरु गरिएको नगरपालिकाले जनाएको छ।
रौता पोखरीमा धार्मिक मेला
नयाँ वर्षको उपलक्ष्यमा उदयपुरको प्रसिद्ध धार्मिक एवं पर्यटकीय स्थल रौता पोखरी क्षेत्रमा शुक्रबार धार्मिक मेला लागेको छ। अघिल्ला केही वर्ष कोरोना महामारीका कारण प्रभावित भए पनि यस वर्ष भने रौतामा भव्य मेला लागेको छ। आन्तरिक तथा बाह्य पर्यटक आकर्षित गर्ने उद्देश्यले आयोजना गरिएको मेलामा ठूलो सङ्ख्यामा भक्तजनको उपस्थिति रहेको मेला
उकालो चढ्दै चौँरी गाई (फोटो फिचर)
हिमाली काखमा रमाउने सुन्दर प्राणी हुन् चौँरी गाई । चौँरीका बथानले हिमालको सौन्दर्यतामा थप मोहकता थपिदिन्छ । चौँरी नभए हिमाली आकर्षणको साख नै घट्छ ।
रमाइलो मेलामा ठेलमठेल हुँदा १६ जना घाइते
नयाँ वर्षको अवसरमा इलाम सदरमुकामको ठुलो टुँडिखेलमा चलिरहेको रमाइलो मेलामा ठेलमठेल हुँदा मेला हेर्न गएका १६ जना घाइते भएका छन् । घाइते मध्ये छ जनालाई थप उपचारका लागि झापाका अस्पतालमा रेफर गरिएको इलाम अस्पतालका व्यवस्थापक क्षितिज खतिवडाले बताउनु भयो ।
हाइड्रोपावर प्रभावित क्षेत्रको स्थलगत अनुगमन
ताप्लेजुङको मेरिङ्देन र मिक्वाखोला गाउँपालिकाको सिमाना भएर बग्ने मेवा खोलामा निर्माणाधीन ५० मेगावाट क्षमताको युनाइटेड मेवाखोला हाइड्रोपावरबाट प्रभावित क्षेत्रको शुक्रबार स्थलगत अनुगमन गरिएको छ ।
सुकेटारमा नयाँ वर्ष मनाउनेको भीड
ताप्लेजुङको सुकेटारमा नयाँ वर्ष मनाउनेको भीड लागेको छ । सदरमुकाम फुङ्लिङबजार नजिक सुकेटारमा शुक्रबार नयाँ वर्ष मनाउनेहरुको भीड लागेको हो । खुला चौर र रमणीयस्थल भएकाले नयाँ वर्षको दिन सर्वसाधारणको भीड लागेको छ ।
नयाँ बर्षको अवसरमा कोप्चे फेस्टिवल
नेपाली नयाँ बर्षको अबसर पारेर धनकुटामा कोप्चे फेस्टिवल सुरु भएको छ । धनकुटा नगारपालिका –५ स्थित बिहीबारे हटियामा आजदेखि वैशाख ३ गते सम्म ३ दिन प्रथम कोप्चे फेस्टिवल सुरु भएको हो ।
जग्गाको वर्गीकरण समयमा नहुँदा राजस्व घट्यो
ताप्लेजुङमा तोकिएको समयमा स्थानीय तहले जग्गाको वर्गीकरण नगर्दा राजस्व सङ्कलनमा कमी आएको छ । समयमा जग्गा वर्गीकरण नगर्दा कित्ताकाट रोकिनुका साथै जग्गासम्बन्धी कारोबार न्युन हुँदा मालपोत कार्यालयमार्फत सङ्कलन हुने राजस्वमा कमी आएको हो ।
इलाम–माइपोखरी म्याराथनमा हुमलाल र राजपुरा विजयी
शुक्रबार भएको इलाम–माइपोखरी म्याराथनमा पुरुषतर्फ त्रिभुवन आर्मी क्लबका हुमलाल श्रेष्ठ र महिलातर्फ नेपाल पुलिसकी राजपुरा पछाई विजयी हुनुभएको छ । ४२ दशमलव दुई किलोमिटर दूरी दुई घण्टा ५८ मिनेट १६ सेकेन्डमा पार गर्दै आर्मीका श्रेष्ठ प्रथम हुनुभएको हो । यस्तै, पुलिसकी पछाई २१ दशमलव १ किलोमिटरको दूरी एक घण्टा ४७ मिनेट ४५ सेकेन्डमा पार गर्दै महिलातर्फ प्रथम हुनुभएको छ । प्रथम हुने आर्मीका श्रेष्ठले दुई लाख ५० हजार रुपियाँ र महिलातर्फ प्रथम हुने पुलिसकी पछाईले नगद एक लाख रुपियाँ हात पार्नुभएको छ ।
कृषिको प्राथमिक उत्पादनमा प्रत्यक्ष वैदेशिक लगानी (एफडीआई) रोक्न माग
खाद्य सम्प्रभुता, कृषि रूपान्तरण र किसानको अधिकार सुनिश्चतका लागि भएको दक्षिण एशियाली क्षेत्रीय सम्मेलन विभिन्न मागसहितका घोषणापत्र सार्वजनिक गर्दै सम्पन्न भएको छ ।
अझै आएन पाठ्यपुस्तक
नयाँ शैक्षिक सत्र २०८० सुरु भयो तर सामुदायिक विद्यालयमा अध्ययनरत बालबालिकाले पाठ्यपुस्तक पाउन सकेका छैनन्। जनक शिक्षा सामग्री केन्द्रले समयमै किताब छापेर बजारमा ल्याउन नसकेपछि उदयपुरका विद्यालयमा अध्ययनरत करिब २८ हजार बालबालिका समयमै पाठ्यपुस्तक पाउनबाट वञ्चित भएका हुन्। अघिल्ला शैक्षिक वर्षहरू कोरोना भाइरसको सङ्क्रमणका कारण लामो समयसम्म विद्यालय सञ्चालन हुन नसकी घरमै बसेर अध्ययन गरेका बालबालिका यस वर्ष भने कोरोना कहरबाट मुक्त भए पनि पाठ्यपुस्तकको अभावमा पठनपाठन प्रभावित हुनसक्ने सम्बन्धित विषय शिक्षकले बताएका छन्।
हात्तीसँग मित्रवत् व्यवहार गर्न आग्रह
भारतका पर्यटन अभियन्ता तथा हिमालयन टुरिजम प्रवद्र्धनमा लाग्नुभएका सुप्रितम राजवशुले सीमा क्षेत्रमा हात्तीको आवागमनलाई समस्याका रूपमा नलिई यसबाट लाभ लिन सकिने बताउनुभएको छ। उहाँले मानव चेतना जागृत गरेर हात्ती र मानवमैत्री समाज निर्माणमा लाग्नुपर्ने बताउनुभयो। झापा र भारतका हात्ती प्रभावित क्षेत्रका बासिन्दालाई मानव र हात्तीबीचको सह अस्तित्वसम्बन्धी तीन दिवसीय छलफलमा बोल्दै राजवशुले कुनै समय भगवान्का रूपमा पूजा र सम्मान गरिने हात्ती र मानवबीचको द्वन्द्व न्यूनीकरणमा लाग्नुपर्नेमा जोड दिनुभयो।
सिरुवा पर्वको रौनक सुरु
नयाँ वर्ष २०८० प्रारम्भसँगै मोरङका विभिन्न क्षेत्रमा सिरुवा पर्वको रौनक सुरु भएको छ। राजवंशी र ताजपुरिया समुदायले मनाउने यो पर्व १५ दिनसम्म मनाउने चलन छ। कोशी प्रदेशको झापा, मोरङ र सुनसरीका दक्षिणी गाउँमा मनाइने सिरुवा पर्व अचेल सांस्कृतिक रूपमा मनाउन थालिएको छ। विक्रम संवत्को नयाँ वर्षसँगै मोरङ र झापामा बस्ने अल्पसङ्ख्यक राजवंशी र ताजपुरियाको सिरुवा (पावनी) सुरु हुने गर्छ। भूमिपति राजवंशी र ताजपुरियाहरू मेला भर्न बर्सेनि घरखेत बेचेकै कारण अहिले भूमिहीन भएका बताइन्छ। परिवारबीच भेटघाट गर्ने, दैनिक भोजभतेर खाने र रमाइलो गर्ने चलनले भूमिहीन बनाएको राजवंशी समुदायका अगुवाहरू स्वीकार्छन्।
उत्पादन बढाउन माटोको सुधारमा जोड दिनुपर्छ : अध्यक्ष ओली
नेकपा (एमाले) का अध्यक्ष एवं पूर्व प्रधानमन्त्री केपी शर्मा ओलीले कृषि उत्पादन बढाउन सबैभन्दा पहिले माटोकोे सुधार तथा उपचार आवश्यक रहेको बताउनुभएको छ । कमल गाउँपालिकाको – ५ स्थित आदिबासी रंगशालामा शुक्रबार अखिल नेपाल किसान महासंघको ७ औं राष्ट्रिय महासम्मेलनको उदघाटन गर्दै उहाँले त्यस्तो बताउनुभएको हो ।
नयाँ वर्षको अवसरमा पदमार्ग सरसफाइ
ताप्लेजुङ सदरमुकाम फुङ्लिङबजार नजिक रहेको नर्सरी-सुकेटार पदमार्गको सरसफाइ गरिएको छ।
बलात्कार मुद्दाका दोषीलाई जन्मकैद
सुस्त मनस्थिति भएकी २४ वर्षीया एक महिलालाई जबरजस्ती करणी गरेको आरोप लागेका २५ वर्षीय एक व्यक्तिलाई जिल्ला अदालत इलामले जन्मकैदको फैसला सुनाएको छ ।
वित्तीय संस्थाद्वारा मृत्युदाबी रकम प्रदान
ताप्लेजुङस्थित स्वावलम्बन लघुवित्त वित्तीय संस्था लिमिटेडले मृत्यु भएका आफ्ना सदस्यका आफन्तलाई मृत्युदाबी रकम भुक्तानी गरेको छ ।
प्रत्येक महिना ज्येष्ठ नागरिकको स्वास्थ्य परीक्षण
ताप्लेजुङको मैवाखोला गाउँपालिकाले प्रत्येक महिना ज्येष्ठ तथा अपाङ्ग नागरिकको स्वास्थ्य परीक्षण गर्दै आएको छ । गाउँपालिकाले घर–घरमा पुगेर अपाङ्ग तथा ज्येष्ठ नागरिकको स्वास्थ्य परीक्षण गर्दै आएको हो ।