सर्वोच्च अदालतले बाराको निजगढ विमानस्थलको निर्माण प्रक्रिया रोक्ने निर्णय गरेसँगै राजनीतिक वृत्तमा यसबारे चर्चा सुरु भएको छ । राजनीतिक दलका नेता, सरकारका मन्त्रीलगायतले सर्वोच्चको यस निर्णयप्रति असन्तुष्टि व्यक्त गर्नुभएका छन् ।
सिन्धुली जिल्लाको गोलन्जोर गाउँपालिका–५ का बासिन्दाले एक वर्षभन्दा बढी समयदेखि बिजुली बत्तीको महसुल नियमित तिर्न पाएका छैनन् । विद्युत् उपभोेग गरेको लामो समय बित्दा पनि नेपाल विद्युत् प्राधिकरणले मिटर रिडिङ गर्न कर्मचारी नपठाउँदा नियमित महसुल तिर्नबाट उपभोक्ता वञ्चित हुनुपरेको हो ।
जलवायु परिवर्तनको नारासहित कान्तिपुर हाफ म्याराथनको १०औँ संस्करण जेठ २१ गते हुने भएको छ । कोभिड–१९ को कारण दुई वर्षपछि आयोजना हुन लागेको हो । यस संस्करणको प्रतियोगितामा पुरुष र महिलाको हाफ म्याराथन, कर्पोरेट दौड र ह्विलचियर दौड विधा समावेश गरिएको छ । आयोजकले शनिबार यस संस्करणमा करिब चार हजार धावक सहभागी हुने जनाएको छ ।
पानीबाट मेसिन सञ्चालन गरेर ठेकी बनाउँनेहरु अहिले बिद्युत मेसिनबाट ठेकी (कुद्ने) बनाउँन थाल्नु भएको छ । बिद्युतबाट ठेकी बनाउन थालेपछि ठेकी उत्पादन समेत बृद्धि भएपछि चुनारा परिवारको आम्दानीमा बृद्धि भएकोछ । कम समयमा धेरै आम्दानी गर्न सकिने र खोलामा बास बस्नु पर्ने बाध्यताको समेत अन्त्य भएको छ ।
बागमती प्रदेश सभाका सदस्यले स्थानीय तहको निर्वाचनमा स्वतन्त्र उम्मेदवारको विजयले दलहरूमाथि चुनौती थपिएको बताएका छन् । प्रदेश सभाको शुक्रबारबाट सुरु भएको दसौँ अधिवेशनको सफलताको शुभकामना व्यक्त गर्दै प्रदेश सभा सदस्यले काठमाडौँमा वालेन्द्र साहसहित धरान, धनगढीलगायतका स्थानीय तहमा स्वतन्त्र उम्मेदवार विजयी बन्नुले महत्त्वपूर्ण सन्देश दिएको भन्दै दलहरूलाई यसबाट शिक्षा लिन आग्रह गर्नुभयो । दलहरूको बीचमा क्रम भङ्गता भएर स्वतन्त्र उम्मेदवार विजयी भएको भन्दै अहिलेको निर्वा
देशभरि रासायनिक मलको हाहाकार छ । किसानले चैते धान र मकैका लागि मल पाएका छैनन् । मलका लागि दिनहुँजसो बिक्री केन्द्रमा धाउँछन् तर किसानले खाली हात फर्किनुपरेको छ । कृषि तथा पशुपन्छी विकासमन्त्री महिन्द्रराय यादवले पनि अहिले मलको हाहाकार रहेको स्वीकार गर्नुभयो तर यो समस्या चाँडै समाधान हुने दाबी पनि गर्नुभयो । वर्षे धानका लागि मलको अभाव नहुने उहाँले बताउनुभयो । वर्षे धान रोपाइँका बेला अभाव नहोस् भनेर कृषि मन्त्रालय मलको जोहोमा लागिसकेको र यही महिनाभित्र व्यवस्था हुने उहाँले बताउनुभयो ।
राष्ट्रिय मानव अधिकार आयोगले जबरजस्ती करणीविरुद्ध उजुरी गर्ने हदम्याद बढाउन सरकारलाई आग्रह गरेको छ । आयोगले जबरजस्ती करणीविरुद्धको उजुरी दिने विद्यमान एक वर्षे हदम्यादसम्बन्धी व्यवस्थालाई यान्त्रिक र प्राविधिक नबनाई पीडितमैत्री हुने गरी संशोधन गर्न सरकारलाई आग्रह गरेको हो ।
जाजरकोटमा कर्तव्य ज्यान मुद्धामा फरार प्रतिबादी २५ वर्षपछि पक्राउ परेका छन् । कर्तव्य ज्यान मुद्धाका फरार प्रतिवादी जुनीचाँदे गाँउपालिका ७ का ५६ वर्षीय जगविलाल रोकायलाई प्रहरीले पक्राउ गरेको हो ।
सरकारले पेट्रोलियम पदार्थमा लगाइएको कर घटाउन सैद्धान्तिक सहमति दिएको छ । उद्योग, वाणिज्य तथा आपूर्तिमन्त्री दिलेन्द्रप्रसाद बडूले शुक्रबार सङ्घीय संसद्मा बोल्दै कर घटाउन मन्त्रिपरिषद्ले सैद्धान्तिक सहमति दिएको बताउनु भएको हो ।
राष्ट्रपति श्रीमती विद्यादेवी भण्डारीले विभिन्न अदालतको आदेशबाट कैद सजाय भोगिरहेका ८३४ जना कैदीको कैद सजाय माफ गर्नुभएको छ । मन्त्रिपरिषद्को जेठ १० र १३ गतेको सिफारिसमा गणतन्त्र दिवस, २०७९ को अवसरमा ती कैदीको सजाय माफी गरिएको हो ।
वैदिक परम्परामा मुख्य छ वटा दर्शनलाई प्राचीनतम् दर्शन मानिन्छ । साङ्ख्य, योग, न्याय, वैशेषिक, मीमांसा र वेदान्तलाई वैदिक षड् दर्शनमा समावेश गरिन्छ । यिनीहरूलाई आस्तिक दर्शन पनि भनिन्छ । आस्तिक दर्शनमध्येको मीमांसा दर्शनका सूत्रकार जैमिनि हुन् ।
सुर्तीमा करिब सात हजार प्रकारका हानिकारक रासायनिक पदार्थ पाइन्छन् । तिनले सुर्तीसेवक मानिसलाई मात्र होइन कुनै पनि जीव, वातावरणको जैविक र अजैविक संसारलाई नै हानि गरिरहेको हुन्छ । संसारमा हरेक साल घटीमा ६० खर्ब वटा चुरोट उत्पादन गरेर बिक्री गरिन्छ एउटा पनि नबिकी रहँदैन । अन्य धुवाँरहित सुर्तीजन्य परिकार त कति बनिन्छ त्यसको हिसाब छैन ।
हरेक देशको कानुनले बालबालिकाको उमेर हद तोकेको छ । संयुक्त राष्ट्रसङ्घले १८ वर्षसम्मलाई बालबालिका परिभाषित गरेको छ । नेपालमा पनि १८ वर्ष कम उमेरकालाई नाबालक, नाबालिका मानिन्छ । कानुनले उमेर तोक्नु सामाजिक, सांस्कृतिक, स्वास्थ्य हरेक दृष्टिकोणबाट अर्थपूर्ण छ । त्यसैले विवाहका लागि पनि कानुनले उमेर तोकिदिएको छ ।
पूर्वमनसुनको समयमा पर्ने चट्याङका कारण नेपालमा मात्रै सन् २०२१ को मे महिनादेखि २०२२ को मे महिनासम्म कुल ५२ जनाको निधन भयो । यही मे महिनामा मात्रै १३ जना र गत हप्ता मात्रै सात जनाको मृत्यु भएको तथ्याङ्क विपत् जोखिम न्यूनीकरण पोर्टलको अध्यावधिक तथ्याङ्कले देखाएको छ । पूर्वमनसुनको समय चट्याङका कारण धेरै क्षति हुने समय हो । हालमा पनि दैनिकजसो चट्याङका कारण भइरहेका क्षतिको विवरण बढ्दै गएकोे छ । विश्वमा हरेक वर्ष चट्याङका कारणले करिब २४ हजार मानिसको ज्यान जाने गरेको छ । भने यो तथ्याङ्क नेपालमा लगभग १०० जना रहेको छ ।
राष्ट्रिय मानव अधिकार आयोगले जबर्जस्ती करणीसम्बन्धी व्यवस्थालाई पीडितमैत्री हुने गरी संशोधन गर्न प्रधानमन्त्री तथा मन्त्रिपरिषद्को कार्यालयलाई पत्राचार गरेको छ।