गोरखापत्र
भारतमा वेपत्ता नेपाली बिद्यार्थीको खोजी गरिदिन आग्रह
अध्ययनको लागि भारतमा गएका एक नेपाली विद्यार्थी एक साता देखि हराईरहेकोले खोजी गरिदिन परिवारले अनुरोध गरेको छ । रुकुम पश्चिमको मुसीकोट नगरपालिका १ का २६ वर्षीय गोपाल खड्का भारतमा वेपत्ता हुनुभएको हो ।
-original-thumb-original-thumb.jpg)
सूर्यविनायकमा एमाले र काँग्रेसबीच प्रतिस्पर्धा
भक्तपुरको सूर्यविनायक नगरपालिकामा प्रमुख दुई पार्टी नेकपा (एमाले) र नेपाली काँग्रेसका उम्मेदवारले नगर प्रमुखको निर्वाचन जित्ने दाबी गरेका छन् ।
‘मायाको मौसम’ सार्वजनिक
सदु खनालको शब्द रचनामा रहेको पहिलो गीत ‘मायाको मौसम’ सार्वजनिक भएको छ । गीतमा गायिका ममता गुरुङ र गायक एवं गीतकार डीपी खनालको आवाज सुन्न सकिन्छ । रोमान्टिक भर्सनको गीतलाई शङ्कर थापा ‘स्माइल’ले सङ्गीत दिनुभएको छ ।
गुल्मीमा ३७ वटा हतियार संकलन
गुल्मी प्रहरीले ३७ वटा हतियार संकलन गरेको छ । गाउँगाउँमा रहेका हतियार बुझाउन जिल्ला प्रसासन कार्यालय गुल्मीले चैत मसान्तसम्म समयवधि तोकेपनि अटेर गरेपछि गाउँमै पुगेर हतियार संकलन गरेको जनाएको छ ।
‘काँग्रेस र एमाले मात्रै मुख्य शक्ति’
नेपाल कम्युनिस्ट पार्टी (एमाले)का महासचिव शङ्कर पोखरेलले नेपाली राजनीतिको मुख्य केन्द्र नेपाल कम्युुनिस्ट पार्टी (एमाले) र नेपाली काँग्रेस मात्रै रहेको बताउनुभएको छ । नेपाल कम्युनिस्ट पार्टी (माओवादी केन्द्र) अब सहायक शक्ति भएको उहाँले दाबी गर्नुभयो ।
अन्तरिम आदेश अस्वीकार
सर्वोच्च अदालतले नेपाल प्रहरीको महानिरीक्षक नियुक्ति विवादमा अन्तरिम आदेश जारी गर्न अस्वीकार गरेको छ । निवेदकले उठाएका विषयवस्तुबारे अन्तिम सुनुवाइबाटै निरूपण गर्नु उचित हुने भन्दै अदालतले जेठ १७ गतेबाट अन्तिम सुनुवाइको मितिसमेत तोकेको छ ।
नमुना मतदानमा १३ प्रतिशत मत बदर
गुल्मीमा बदरमत कम गर्ने लक्ष्यले सम्पन्न गरिएको नमुना मतदानमा १३ प्रतिशत मत बदर भएको छ ।
मतदाता शिक्षा दिँदै घरदैलो
पाल्पामा उम्मेदवार तथा दलका कार्यकर्ता मतदाता शिक्षासहित घरदैलो अभियानमा व्यस्त बनेका छन् । निर्वाचन आयोगले यस पटक मतदाता शिक्षा सचेतना सञ्चालन नगरेपछि मत बदर हुने आशङ्काले विभिन्न दलका उम्मेदवार तथा कार्यकर्ता मतदाता शिक्षासहित भोट माग्न व्यस्त बनेका हुन् ।
घरदैलोमा उम्मेदवार
स्थानीय तहको निर्वाचन नजिकिँदै गर्दा धरान उपमहानगरपालिकामा स्थानीय नेता तथा कार्यकर्ताले प्रचारप्रसारलाई तीव्रता दिएका छन् । अहिले धरानका विभिन्न वडामा मेयर र उपमेयरको उम्मेदवारसहित वडाध्यक्षको उम्मेदवार र सदस्य घरदैलोमा व्यस्त छन् ।
कोक्रोमा नानी, घरदैलोमा उम्मेदवार
नेपाल कम्युनिस्ट पार्टी (एमाले)बाट मुड्केचुला गाउँपालिकाको उपाध्यक्ष पदका उम्मेदवार सविता रोकाया कोक्रोमा दूधेबालक बोकेर घरदैलोमा हुनुहुन्छ । २०७४ को स्थानीय तह निर्वाचनमा एमालेबाटै गाउँपालिका उपाध्यक्षमा विजयी हुनुभएको थियो ।
प्रतिस्पर्धामा तीन उम्मेदवार
वीरगञ्ज महानगरपालिकाको नगरप्रमुख पदमा ३० जनाको उम्मेदवारी परे पनि मुख्य तीन जनाबीच प्रतिस्पर्धा हुने आँकलन गरिएको छ । सत्ता साझेदार पाँचदलीय गठबन्धनका तर्फबाट उम्मेदवार बन्नुभएका जनता समाजवादी पार्टीका राजेशमान सिंह, नेकपा एमालेका तर्फबाट उम्मेदवार बन्नुभएका निवर्तमान नगरप्रमुख विजयकुमार सरावगी र पत्रकार गिरीश गिरीबीच प्रतिस्पर्धा हुने देखिएको छ ।
भ्रममा नपर्न खनालको आग्रह
नेपाल कम्युनिस्ट पार्टी (एकीकृत समाजवादी)का सम्मानित नेता झलनाथ खनालले तत्कालीन एमाले नेतृत्व सरकारमा भएका उत्कृष्ट कार्यको अपनत्व आफूले पाउनुपर्ने बताउनुभएको छ ।
पिठ्युँमा बच्चा बोकेर मत माग्दै उम्मेदवार
म्याग्दीको रघुगङ्गा गाउँपालिकामा नेपाल कम्युनिस्ट पार्टी (माओवादी केन्द्र)बाट अध्यक्ष पदका उम्मेदवार २७ वर्षीय मीना विश्वकर्मा दूधेबच्चा पिठ्युँमा बोकेर घरदैलोमा हुनुहुन्छ ।गरिब तथा विपन्न परिवारकी मीनालाई चुनाव लड्न आर्थिक र पारिवारिक रूपमा सहज थिएन । उ
अठचालीस किलोमिटर सडक कालोपत्रे
दाङमा तीन वर्षको अवधिमा सङ्घीय सरकारको बजेटमा ४८ किलोमिटर सडक निर्माण भएको छ । जिल्लामा सघन सहरी तथा भवन निर्माण आयोजनाले तीन वर्षको अवधिमा ४८ किलोमिटर सडक कालोपत्रे गरेको हो । आयोजना सुरु भएदेखि हालसम्म ठूला आयोजनामार्फत सडक निर्माण गरेको र साना काम पनि भइराखेको आयोजनाले जनाएको छ । यसमध्ये ४२ किलोमिटर सम्पन्न भइसकेको छ भने छ किलोमिटर अन्तिम तयारीमा रहेको सघन सहरी तथा भवन निर्माण आयोजनाका प्रमुख खड्गबहादुर चौधरीले जानकारी दिनुभएको छ ।
