गोरखापत्र अनलाइन
‘नेपाल अन्तर्राष्ट्रिय नाट्य महोत्सव’ को दोस्रो संस्करण हुँदै
‘सामाजिक रूपान्तरणका लागि रङ्गमञ्च : विविधताको उत्सव’ नारासहित ‘नेपाल अन्तर्राष्ट्रिय नाट्य महोत्सव, २०२२’ को दोस्रो संस्करण आयोजना हुनेभएको छ।
सुरक्षित यात्राको कामना गर्दै चालकलाई फूलमाला
ट्राफिक प्रहरीले सवारी साधनका चालकलाई फूलमाला लगाएर सुरक्षित यात्राको कामना गरेको छ।
फिल्म 'राम सेतु' को टिजर सार्वजनिक
काठमाडौं, असोज १० गते । बलिउड अभिनेता अक्षय कुमार अभिनित फिल्म 'राम सेतु'को टिजर सार्वजनिक गरिएको छ । अक्षयले फिल्मको टिजर सार्वजनिक गर्दै ट्वीटरमा लेख्नुभएको छ, "राम सेतुको पहिलो झलक" । फिल्ममा अक्षय पुरातत्वविद्को भूमिकामा देखिएका छन् । अभिषेक शर्माले निर्देशनमा बनेको फिल्ममा ज्याकलिन फर्नान्डिज, नुसरत भरुचा, सत्यदेव कंचराना, एम नासिरलगायतको अभिनय रहेको छ । फिल्म अक्टोबर २५ अर्थात् कार्तिक ८ गतेदेखि प्रदर्शन हुने तयारीमा छ ।
लिङ्खिम प्रतिष्ठानद्वारा दृष्टिविहीनलाई कपडा प्रदान
चन्द्र पन्दाकताप्लेजुङ, असोज १० गते । ताप्लेजुङस्थित भूपू बेलायती आर्मी स्वर्गीय रणबहादुर लिङ्खिम स्मृति प्रतिष्ठानले दृष्टिविहीनलाई न्यायो कपडा वितरण गरेको छ। प्रतिष्ठानले ताप्लेजुङमा रहेका ३५ जना दृष्टिविहीनलाई न्यानो कपडा (ट्रेक सुट) वितरण गरेको हो।सदरमुकाम फुङ्लिङमा आइतबार एक कार्यक्रमको आयोजना गरेर प्रतिष्ठानले नेत्रहीन सङ्घ ताप्लेजुङमा आबद्ध रहेका दृष्टिविहीनलाई कपडा वितरण गरेको हो। यस्तै प्रतिष्ठानले फुङ्लिङ नगरपालिका–७ दोखु निवासी बृखबहादुर पालुङ्गाकी श्रीमती भागिरथाको उपचार सहयोगका लागि ३० हजार रुपियाँ नगदसमेत उपलब्ध गराएको छ। लामो समयदेखि मष्तिस्कघात भएर उपचाररत रहनुभएकी भागिरथा पालुङ्गाको उपचारमा सहयोग पुर्याउने उद्देश्यले नगद उपलब्ध गराएको प्रतिष्ठानका सदस्य दिनेश लिङ्खिमले बताउनुभयो। उहाँका अनुसार प्रतिष्ठानले असहाय, समस्यामा परेकालाई सहयोग गर्नुका साथै अन्य सामाजिक कार्यहरू गर्दै आएको छ। २०५३ साल असोज ९ गते निधन हुनुभएका भूपू ब्रिटिस आर्मी लिङ्खिमको स्मृतिमा उहाँका परिवारले प्रतिष्ठान स्थापना गरी सामाजिक कार्य साथै विभिन्न समस्यामा परेका र असहायलाई सहयोग गर्दै आएको बताइएको छ।
“बियर जात्रा” मा उल्लेख्य सहभागिता
बडादशैँ, दीपावली, नेपाल संवत् ११४३ तथा छठपर्वको शुभकामना आदानप्रदानसहित आयोजना गरिएको वियर जात्रामा नेपालका प्रतिष्ठित ब्रुअरी कम्पनिहरुबाट उत्पादन गरिएका ३० थरिभन्दा बढि ब्राण्डका वियरहरु राखिएका थिए ।
बुढासुब्बा मन्दिरको पुनर्निर्माण गरिँदै
बूढासुब्बा मन्दिरको महत्व र ऐतिहासिकता झल्काउन कलात्मक काठको खम्बासहितको थप संरचना निर्माणको काम थालिएको छ । धरान उपमहानगरपालिकामा रहेको बूढासुब्बा मन्दिरको नेपाल सरकारको पुरातात्विक विभागको आर्थिक सहयोगमा मन्दिरको संरचना निर्माण गर्न लागिएको हो ।
अवैध संरचना हटाउन नगरपालिकाको निर्देशन
पूर्वी नवलपरासीको देवचुली नगरपालिका दलदले–मुण्डे सडक खण्ड अन्तर्गत सडक अधिकार क्षेत्र भित्र रहेका संरचना हटाउन नगरपालिकाले निर्देशन दिएको छ।
रुसको एक विद्यालयमा गोली चल्दा छ जनाको मृत्यु, २० घाइते
मध्य रुसको इजेभस्क शहरको एक विद्यालयमा गोली चलेको छ । यस गोली प्रहारमा परी छ व्यक्तिको मृत्यु हुनुको साथै अन्य २० घाइते भएका आन्तरिक मन्त्रालयले सोमबार जानकारी दिएको छ ।
पाँचथर युवा संघ अध्यक्षमा थपलिया
नारायण तुम्बापोफिदिम, असोज १० गते । फिदिममा सम्पन्न नेकपा एमालेको जनवर्गीय संगठन राष्ट्रिय युवा संघ पाँचथरको सातौँ जिल्ला अधिवेशनबाट नयाँ कार्यसमिति अध्यक्षमा पुनः कमल थपलिया सर्वसम्मतले चुनिनुभएको छ। उपाध्यक्षमा मदन लावती, सचिव सन्दिप नेम्बाङ, सहसचिव ऋतुवर्ण तुम्बापो, ईश्वरी खरेल र कोषाध्यक्षमा सरिता मगर चयन हुनुभएको छ। ६३ सदस्यीय नयाँ कार्य समिति चयन गर्दै आइतबार राति सम्पन्न भएको अधिवेशनको उद्घाटन युवा संघ केन्द्रीय अध्यक्ष किरण पौडेलले गर्नु भएको थियो। पार्टीका केन्द्रीय सदस्य श्रीप्रसाद जवेगु, अइन्द्र सुन्दर नेम्बाङ, जिल्ला अध्यक्ष राजकुमार भण्डारी लगायतले अधिवेशन उद्घाटन सत्रलाई सम्बोधन गर्नु भएको थियो। उहाँहरूले आसन्न संघ प्रदेशको निर्वाचनमा नेकपा एमालेलाई बहुमतले जिताउन लागि पर्न युवा संघ आबद्ध सदस्यहरूलाई आग्रह समेत गर्नुभयो।
स्वास्थ्य बुढ्यौली ५० को नेतृत्वमा गौतम
पाको उमेरमा स्वास्थ्य जीवन जीउन योग्य विश्व निर्माणको उद्देश्य लिएर विश्वभरीबाट ५० जनाको नेतृत्व टोली गठन गरिएको छ।
'प्रेमगीत-३' को हिन्दी संस्करण रिलिज
काठमाडौं, असोज १० गते । असोज ७ गतेबाट प्रदर्शनमा आएको चलचित्र ‘प्रेमगीत-३’ को हिन्दी संस्करणमा पनि रिलिज भएको छ । चलचित्रको हिन्दी संस्करण शुक्रबार नै रिलिज गर्ने भनिए पनि विभिन्न कारणले रिलिज केही दिन ढिला भएको हो । सन्तोष सेन र छेतेन गुरुङको निर्देशन रहेको फिल्ममा प्रदीप खड्का, क्रिस्टिना गुरुङ, शिव श्रेष्ठ, अनुभव रेग्मी, समृद्धि शाही ठकुरी, सुनिल थापा, मनीष राउत, सन्तोष सेन, माओत्से गुरुङ, पुस्कर कार्की, प्रेम पुरी, लक्ष्मी वर्देवा, जीवन भट्टराई, योगिशा खत्री, राज थापा लगायतका कलाकारहरूको अभिनय छ ।
सप्तरी सुरक्षाका लागि प्रहरीको पच्चीस बुँदे रणनीति
सप्तरी प्रहरीले दशैं, तिहार, छठ पर्वलाई लक्षित गरी २५ बुँदे सुरक्षा रणनीति सार्वजनिक गरेको छ । जिल्ला प्रहरी कार्यालय सप्तरीले पर्वको अवसरमा सो सुरक्षा रणनीति सार्वजनिक गरेको हो ।
फिलिपिन्सिमा ‘नोरु’ आँधीबाट छ को मृत्यु
फिलिपिन्समा यस वर्षको सबैभन्दा शक्तिशाली आँधीमा परी कम्तीमा छ जनाको मृत्यु भएको अधिकारीहरुले सोमबार बताएका छन् ।
२४ घण्टामा ५३ जना कोरोना सङ्क्रमित थपिए
पछिल्लो २४ घण्टामा थप ५३ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार दुई हजार ६२४ कोरोना परीक्षण गर्दा ५३ जनामा सङ्क्रमण पुष्टि भएको हो ।
बङ्गलादेशमा डुङ्गा पल्टिँदा मृत्यु हुनेको सङ्ख्या २४ पुग्यो
बङ्गलादेशको राजधानी ढाकाबाट ४६८ किलोमिटर टाढा रहेको बङ्गलादेशको उत्तरी पञ्चगढ जिल्लाको करातोया नदीमा आइतबार दिउँसो डुङ्गा पल्टिँदा मृत्यु हुनेको सङ्ख्या २४ जना पुगेको छ ।
