गोरखापत्र अनलाइन
विदेशी विनिमय जोहो
विदेशी मुद्रा सञ्चिति वा विदेशी विनिमय सञ्चितिलाई एकै रूपमा हेर्ने गरिए पनि विदेशी विनिमयमा विदेशी मुद्राको अलावा अन्य विदेशी विनिमयका उपकरण पनि समावेश हुन्छन् । यी उपकरणबाट आवश्यक परेमा विदेशी मुद्रा प्राप्त गर्न सकिन्छ। यो कुनै देशको केन्द्रीय बैङ्क तथा मौद्रिक अधिकारीसँग भएको बाह्य सम्पत्ति हो, जसलाई उनीहरूले सजिलै नियमन र नियन्त्रण गरी त्यसको विनिमय दर तोक्न सक्छन्।
सुपर लघुवित्तविरुद्ध मुद्दा दायर
सुपर लघुवित्त वित्तीय संस्थामा भएको अनियमितताको मुद्दा उच्च अदालत तुलसीपुरमा दर्ता भएको छ । नेपाल राष्ट्र बैङ्कले २३ करोड रकम अनियमितता भएको ठहर गरेको पाँच महिनापछि मुद्दा दर्ता भएको हो । जिल्ला प्रहरी कार्यालय दाङको अनुसन्धानका आधारमा जिल्ला सरकारी वकिल कार्यालय दाङले बैङ्किङ कसुरअन्तर्गत मुद्दा दर्ता गराएको हो । नेपाल राष्ट्र बैङ्कको निवेदनका आधारमा जिल्ला प्रहरी कार्यालय दाङले मुद्दाको अनुसन्धान गरिरहेको छ ।
भरिँदै तराइ रित्तिँदै पहाड
धनकुटाको साबिक तेलिया र कुरुलेतेनुपा गाविसमा एक दशक अघिसम्म बाक्लो बस्ती थियो । एक घरबाट अर्को घरको दुरी नजिक थियो । भर अभर टार्न गाउँले भेला हुन्थे ।
कर्णालीमा पन्छीपालनमा देखिएन आकर्षण
कर्णाली प्रदेश सरकारले विशिष्ट जातका पशुपन्छीको संरक्षण एवं प्रवद्र्धनको नीति लिएको छ । आर्थिक वर्ष २०७६÷७७ बाट प्रदेश सरकारले कार्यविधि बनाएर कार्यक्रम कार्यान्वयनमा लगेको थियो । कानुनले व्यवसाय गर्न बन्देज नगरिएका (नेपालको स्थानीयबाहेक) बट्टाई, टर्की र अस्ट्रिचपालन गर्न स्वीकृत दिएको छ ।
बडादशैँको चहलपहल सुरु
मङ्गल धुनले दशैँ आगमनको सङ्केत गर्छ। गीत–सङ्गीतले हरेक चाडपर्व वा कार्यक्रममा छुट्टै रौनक थप्छ। सोमबारबाट नेपालीको महान् चाड बडादशैँ सुरु भएको छ। दशैँको पहिलो दिन मङ्गल धुनसँगै घर–घरमा घटस्थापना गरिएको छ। पौराणिक र तान्त्रिक महत्त्वलाई दृष्टिगोचर गरी दुर्गा भवानीको कृपा तथा आशीर्वाद प्राप्त गर्नका लागि विजयादशमी मनाउने शास्त्रीय विधान छ।
औद्योगिक क्षेत्र निर्माणको काम अघि बढ्ने
जग्गा विवादका कारण विगत छ वर्षदेखि अलपत्र पर्दै आएको बुटवल–१७, मोतीपुर औद्योगिक क्षेत्र निर्माणको काम अघि बढ्ने भएको छ । लामो समय बसोबास गरेका र लालपुर्जा भएका स्थानीयवासीले मोतीपुर क्षेत्रको जग्गा खाली नगरेपछि विगत छ वर्षदेखि मोतीपुर औद्योगिक क्षेत्र निर्माणको काम अन्योलमा परेको थियो ।
हरियो स्टिकर खानयोग्य, रातो स्टिकर अयोग्य
उपत्यकामा विभिन्न १० ठाउँमा खसीबोकाको स्वास्थ्य परीक्षण गरिने भएको छ । पशुुसेवा विभागले मङ्गलबारदेखि खसीबोकाको स्वास्थ्य परीक्षण गर्न लागेको हो । दशैँमा उपभोक्ताको स्वास्थ्यमाथि असर पर्ने अस्वस्थकर खसीबोका भित्रिन सक्ने हुनाले स्वास्थ्य परीक्षण गर्न लागेको हो ।
चाडपर्व लक्षित सुरक्षामा प्रहरी सक्रिय
ठुला चाडपर्व नजिकिएसँगै हुनसक्ने आपराधिक गतिविधि नियन्त्रण गर्न कर्णालीमा प्रहरी सक्रिय बनेको छ । कर्णाली प्रदेश प्रहरी कार्यालयले चाडपर्व सुरक्षा योजना २०७९ जारी गर्दै हुनसक्ने आपराधिक घटना नियन्त्रणका लागि प्रदेशभर चार हजार एक सय ४१ प्रहरी खटाएको हो ।
आधारभूत स्वास्थ्य निःशुल्क : मन्त्री खापुङ
स्वास्थ्य तथा जनसङ्ख्यामन्त्री भवानीप्रसाद खापुङले आधारभूत स्वास्थ्य सेवालाई सबै स्थानमा निःशुल्क उपलब्ध गराउन सरकार प्रतिबद्ध रहेको बताउनुभएको छ। बीपी कोइराला क्यान्सर अस्पताल भरतपुरको २३औँ वार्षिक उत्सव कार्यक्रमलाई सोमबार सम्बोधन गर्दै उहाँले समस्या भएका स्थानमा समाधान गर्दै आधारभूत स्वास्थ्य सेवाबाट वञ्चित हुने अवस्था नरहने बताउनुभयो।
यथास्थितिमा मेलम्चीको पानी नपठाइने
हेलम्बु गाउँपालिकाका अध्यक्ष निमाग्याल्जेन शेर्पाले सङ्घीय सरकारले मेलम्ची खानेपानी प्रभावित क्षेत्रका माग पूरा नगरे मेलम्ची खानेपानीको पानी काठमाडौँ पठाउन नसकिने जानकारी दिनुभएको छ। सङ्घीय सरकारले मेलम्ची खानेपानी प्रभावितको माग लामो समयसम्म सुनुवाइ नगरेकाले यथास्थितिमा मेलम्चीको पानी राजधानी पठाउन नसकिने उहाँले बताउनुभएको हो। प्रभावित क्षेत्रको माग र सरकारले प्रभावितका लागि गर्नुपर्ने काम समेटेर गत चैत २९ गते प्रभावितले खानेपानीमन्त्री उमाकान्त चौधरीमार्फत प्रधानमन्त्रीलाई प्रभावितले ११ बुँदे ज्ञापनपत्र बुझाएका थिए। मेलम्ची खानेपानी प्रभावित क्षेत्रका बासिन्दाका लागि सञ्चालित स्थानीय सामाजिक उत्थान कार्यक्रम (सुप)
‘नो अब्जेक्सन लेटर’ अब भक्तपुरबाट
शिक्षा, विज्ञान तथा प्रविधि मन्त्रालयले वैदेशिक अध्ययन अनुमतिपत्र (एनओसी) वितरण भक्तपुरस्थित राष्ट्रिय परीक्षा बोर्ड (कक्षा १०)को कार्यालयबाट गर्ने भएको छ। यसअघि एनओसी केशरमहलस्थित कार्यालयबाट वितरण भइरहेको थियो। केशरमहलको पुनर्निर्माण भइरहेकाले तत्कालका लागि सानोठिमीस्थित कार्यालयबाट वितरण गर्न लागिएको मन्त्रालयले जनाएको छ। आइतबारदेखि नै यी सबै काम भक्तपुरबाट सञ्चालन हुने मन्त्रालयले जारी गरेको सूचनामा उल्लेख छ।
शिथिल बन्दै परोपकार संस्था
कुनै समय निकै ख्याति कमाएको परोपकार संस्था हीरक जयन्ती मनाउने अवस्थासम्म आइपुग्दा भने क्रमशः कमजोर र शिथिल हुँदै आएको छ। संस्थाले विगतमा गर्दै आएका परोपकारका कार्यलाई समयअनुसार नयाँ ढङ्गले अगाडि बढाउन नसकेको र भएका आफ्ना जग्गा–जमिनसमेत क्रमशः गुमाउँदै जानुपरेको संस्थाका पदाधिकारीले नै स्वीकारेका छन्।
स्वास्थ्य परीक्षणमा विद्यार्थीलाई छुट
विद्यार्थीले ओपीडी शुल्कमा ५० प्रतिशत र प्रयोगशाला परीक्षणमा १५ प्रतिशत छुट पाउने भएका छन्। स्वास्थ्य तथा जनसङ्ख्या मन्त्रालयले मन्त्रीस्तरीय निर्णय गर्दै विद्यार्थीलाई सङ्घीय अस्पतालमा उपचार गर्न जाँदा ओपीडी शुल्कमा ५० प्रतिशत र प्रयोगशाला परीक्षणमा १५ प्रतिशत छुट दिने निर्णय गरेको हो। स्वास्थ्य तथा जनसङ्ख्या मन्त्रीका विज्ञ सल्लाहकार डा. रमेश ढकालले सङ्घीय अस्पतालमा मात्र विद्यार्थीले ओपीडीमा ५० र प्याथोलोजीमा १५ प्रतिशत छुट पाउने निर्णय भएको जानकारी दिनुभयो। उहाँले परीक्षण गर्न जाँदा विद्यार्थीले आफ्नो परिचयपत्र देखाए पुग्ने बताउनुभयो।
दशैँ बिदामा पनि मुद्दाको सुनुवाइ
दशैँ बिदाका समयमा पनि सर्वोच्चसहितका अदालतमा बन्दीप्रत्यक्षीकरणका निवेदनमा सुनुवाइ हुने भएको छ। न्यायाधीशबीच आलोपालो रूपमा सुनुवाइ हुनेछ। घटस्थापना, शनिबार र विजयादशमीको दिनबाहेक सबै दिन बिदामा पनि बन्दीका रिटमा सुनुवाइ हुनेछ। असोज १० गतेदेखि असोज २३ गतेसम्मको दशैँ बिदामा सर्वोच्च र मातहतका अदालतमा तालिका लागू हुनेछ।
असुरक्षित गर्भपतन गराउन बाध्य
‘सुरक्षित गर्भपतन : अपराध होइन, अधिकार हो’ भन्ने नारासहित आठौँ राष्ट्रिय सुरक्षित गर्भपतन सेवा दिवस विविध कार्यक्रमसहित मनाइएको छ। २०५९ असोज १० गते मुलुकी ऐनको ११औँ संशोधनमार्फत अनिच्छत वा आमा र बच्चाको स्वास्थ्यमा प्रतिकूल असर परेको अवस्थामा गर्भपतन गर्न पाउने व्यवस्था गरेको थियो। सोही अवसर पारेर विगत आठ व
