गोरखापत्र अनलाइन
किशोरी माथि आत्महत्या दुरुत्साहन आरोपमा पक्राउ
पाँचथरको मिक्लाजुङ गाउँपालिका– २ की १६ वर्षीया किशोरीलाई आत्महत्या गर्न बाध्य बनाएको अभियोग लागेका एक युवालाई प्रहरीले पक्राउ परेको छ ।
थामिएन डेङ्गु सङ्क्रमण
विगतका वर्षहरूमा दशैँमा प्रभाव कम देखिएको डेङ्गु रोगको सङ्क्रमण यो पटक दशैँमा रोकिएन। गत साउनदेखि देखिन थालेको डेङ्गु सङ्क्रमण दशैँको समयमा मकवानपुरलगायतका जिल्लामा यो वर्ष सङ्क्रमण दर झन्डै उच्च रह्यो। डेङ्गु सङ्क्रमणबाट यो वर्ष बागमती प्रदेशको काठमाडौँ, ललितपुरपछि मकवानपुर प्रभावित बनेको बागमती प्रदेशको स्वास्थ्य मन्त्रालयको तथ्याङ्कले देखाएको छ। मन्त्रालयको सोमबार साँझसम्मको तथ्याङ्कअनुसार डेङ्गु सङ्क्रमण भएका बिरामी २६ हजार ४९४ जना पुगेका छन्। १० दिनअघि प्रदेशका १३ जिल्लामा गरी २३ हजार २७० जनालाई डेङ्गु सङ्क्रमण भएको थियो।
उम्मेदवार बन्न नपाएको महिलाको गुनासो
प्रतिनिधि सभा सदस्य र प्रदेश सभा सदस्यको मनोनयन पत्र दर्ता सकिएलगत्तै अहिले अधिकांश दोलखाली महिलाको आवाज एउटै बनेको छ– महिलालाई अवसर दिन किन कन्जुस्याइँ ? साक्षरता दर, उच्च शिक्षामा पहुँचको कमी र सार्वजनिक पदमा पुरुषसरह महिलाको सहभागिता हुन नसक्दा महिलाको अवस्था पुरुषको तुलनामा पछाडि पर्न गएको हो त भन्ने साझा प्रश्न छ।
जीटुजीको मल खरिद गर्न पठाइयो प्रस्ताव
कृषि तथा पशुपन्छी विकास मन्त्रालयले जीटुजी (सरकारदेखि सरकार) प्रणालीमार्फत भारतबाट मल खरिद गर्ने प्रक्रिया अगाडि बढाएको छ । कृषि मन्त्रालयले ३० हजार मेट्रिक टन युरिया खरिद गर्नका लागि भारतलाई खरिद प्रस्ताव पठाइएको मन्त्रालयका प्रवक्ता डा. प्रकारकुमार सञ्जेलले जानकारी दिनुभयो ।
बेमौसमी वर्षाले कृषिमा क्षति
असोजको दोस्रो हप्तादेखि आएको बेमौसमी वर्षाका कारण कृषिमा भएको क्षतिप्रति विभिन्न सङ्घसंस्थाले सरकारलाई ध्यानाकर्षण गराएका छन् । लुम्बिनी प्रदेश, गण्डकी प्रदेश, कर्णाली प्रदेश र सुदूरपश्चिम प्रदेशमा बैमौसमी वर्षाका कारण ठूलो मात्रामा धनजनको क्षति भएको अखिल नेपाल किसान महासङ्घले जनाएको छ ।
माओवादीका २० सांसद चुनावी मैदानमा
पूर्वसभामुख अग्निप्रसाद सापकोटासहितका नेपाल कम्युनिस्ट पार्टी (माओवादी केन्द्र)का प्रभावशाली नेताहरू सांसदको भूमिकाबाट बाहिरिँदै हुनुहुन्छ। मङ्सिर ४ गते हुने प्रतिनिधि सभाको निर्वाचनमा ४९ मध्ये २९ जना सांसदले उम्मेदवारी दिनुभएन। सापकोटासहित माओवादी केन्द्रका उपाध्यक्ष कृष्णबहादुर महरा, जयपुरी घर्ती, उपमहासचिव हरिबोल गजुरेल, सचिव सुरेन्द्र कार्कीलगायतका नेता आगामी प्रतिनिधि सभामा हुनुहुने छैन। उपाध्यक्ष महरालाई समानुपातिकमा राख्ने भनिए पनि अन्तिममा नाम समावेश भएन।
चुनाव जित्न अर्को दलको चिह्न
विचार र सिद्धान्तमा दुई ध्रुवमा रहेका दलबीचको चुनावी तालमेल पछिल्ला वर्षमा झनै मौलाएको छ। चुनावी तालमेल मात्र होइन, चुनावको नतिजा आफ्नो पक्षमा पार्न राजनीतिक दलका नेतामा अर्को दलको चुनाव चिह्नको सहारा लिने अभ्यास पनि बिस्तारै बढ्दै गएको छ।
हराए बाउन्न पोखरी, त्रिपन्न टाकुरी
सिस्ने गाउँपालिकाका दुईवटा वडा मिलेर रुकुमकोट बनेको छ। वडा नं. ५ र ६ का अग्ला पहाडका बीचको सुन्दर ठाउँ रुकुमकोट सानो उपत्यका पनि हो। जुन उपत्यका ५२ पोखरी, ५३ टाकुरीको उपनामले पनि चिनिन्छ। अहिले पोखरी र टापु हराएर घरैघर बनेका छन्। पोखरी अतिक्रमण गरी खेतीपाती गर्न थालिएको छ। २०१९ सालमा सल्यानबाट अलग्गिएर रुकुम छुट्टै जिल्ला बन्ने क्रममा रुकुमकोट क्षेत्रलाई ५२ पोखरी, ५३ टाकुरी हो भनेर तत्कालीन सरकारलाई जानकारी गराइएको बूढापाकाको भनाइ छ।
केन्द्रीय सुरक्षा समितिको बैठक सम्पन्न
केन्द्रीय सुरक्षा समिति बैठकमा आगामी मङ्सिर ४ गते हुने प्रतिनिधिसभा र प्रदेशसभा निर्वाचनको सुरक्षा अवस्थाबारे छलफल भएको छ ।
नेपाल प्रहरीको महिला क्रिकेट टिम दोस्रो खेलमा पनि विजयी
पोखरामा आयोजित नवौं राष्ट्रिय खेलकुद प्रतियोगितामा नेपाल प्रहरीको महिला क्रिकेट टिम दोस्रो खेलमा पनि विजयी भएको छ।
बारामा एकै परिवारका तीन जनाको शव भेटियो
बारामा एकै परिवारका तीन जनाको हत्या गरेर शव खोलाको किनारमा फलिएको अवस्थामा भेटिएको छ।
उपेन्द्र यादव संघीयता विरोधी : कांग्रेस सहमहामन्त्री यादव
नेपाली कांग्रेसका सहमहामन्त्री महेन्द्र यादवले एमालेसँग गठबन्धन गरेर जसपा नेपालका अध्यक्ष उपेन्द्र यादव संघीयता विरोधी रहेको कुरा सावित भएको बताउनु भएको छ।
आचारसंहिता उलंघन गर्नेलाई आयोगले कारबाही गर्ने
स्थानीय तहका कार्यपालिका सदस्य निर्वाचन आचारसंहिता विपरीत उम्मेदवारको पक्षमा प्रचारप्रसारमा संलग्न भएकोप्रति निर्वाचन आयोगले गम्भीर ध्यानाकर्षण भएको बताएको छ।
हिमाल चढ्दा बिरामी परेकाको नेता पौडेलद्वारा उद्धारमा सहयोग
नेपाली कांग्रेसका वरिष्ठ नेता रामचन्द्र पौडेलले मनाङ जिल्लास्थित नार्पा भुमि गाउँपालिका अन्तर्गत हिम्लुङ्ग हिमाल आधार शिविरमा बिरामी परेका आरोहीको उद्धारमा सहयोग गर्नुभएको छ ।
एकीकृत समाजवादीका २२ बागीको उम्मेदवारी फिर्ता
नेकपा (एकीकृत समाजवादी) का २२ जनाले बागी उम्मेदवारी फिर्ता लिएका छन्। मंसिर ४ गते हुने प्रतिनिधिसभातर्फ चार र प्रदेशसभा सदस्यतर्फ १८ जनाले बागी उम्मेदवारी फिर्ता लिएका हुन्।
