गोरखापत्र अनलाइन
वन डिभिजनको आफ्नै नर्सरी
पूर्वी नवलपरासी डिभिजन वन कार्यालयले निःशुल्क रूपमा बिरुवा वितरण गर्न आफ्नै नर्सरी तयार पारेको छ। यस वर्ष वन कार्यालयले आफ्नै नर्सरीमा ३२ प्रजातिका बिरुवा तयार गरेको छ। बहुवर्षीय रुखका बिरुवा, बहुवर्षीय डालेघाँसका बिरुवा, बहुवर्षीय फूलका बिरुवा, सुगन्धित, जडीबुटीजन्य बिरुवाका साथै भूक्षय, कटान तथा पहिरो रोकथामा उपयोगी बाँस तथा अम्रिसो जातका बिरुवा उत्पादन गरिएको वन कार्यालयले जनाएको छ। कावासोती र गैँडाकोट गरी दुई वटा नर्सरीमा उत्पादित विभिन्न प्रजातिका बिरुवाको वितरण थालेपछि बिरुवा लिन आउनेहरू बढेका छन्। डिभिजन वन कार्यालय परिसरमा रहेको डिभिजन नर्सरी र गैँडाकोट सबडिभिजन कार्यालयको सबडिभिजन नर्सरीमा एक लाख १८ हजार बिरुवा हुर्काइएको छ।
सुरक्षा समिति बैठकमा फेवाताल र राजमार्गको चर्चा
कास्की जिल्ला सुरक्षा समितिको बैठकमा शान्तिसुरक्षासँगै फेवाताल संरक्षण र राजमार्ग निर्माणसम्बन्धी विषयको चर्चा भएको छ। पोखरामा सम्पन्न अन्तर प्रदेश मुख्यमन्त्री र राष्ट्रिय समन्वय परिषद्को बैठकको अवसर पारेर जिल्ला प्रशासन कार्यालयले सुरक्षा समिति बैठकमा पोखरा–मुग्लिङ सडकखण्ड र मध्यपहाडी लोकमार्ग एवं फेवाताल मापदण्डका विषयमा चर्चा गरेको छ।
निष्पक्ष तवरले काम गर्छौं : मुख्य न्यायाधिवक्ता
मधेश प्रदेशका मुख्य न्यायाधिवक्ता वीरेन्द्रकुमार ठाकुरले मधेश प्रदेशमा मानव अधिकारको प्रत्याभूति र समाजमा न्याय निरूपण गर्न मुख्य न्यायाधिवक्ताको कार्यालयले निष्पक्ष ढङ्गले काम गर्ने प्रतिबद्धता व्यक्त गर्नुभएको छ।
दाइजोविरुद्ध पहल गर्न आग्रह
महिला हिंसाको प्रमुख कारकका रूपमा देखिएको दाइजो प्रथा हटाउन मिर्चैया नगरपालिकाले पहल गर्नुपर्ने महिलाले माग गरेका छन्। नगरपालिकाको सहयोगमा सामुदायिक महिला सिप तथा दलित ट्रस्ट सिराहाले आयोजना गरेको एक दिवसीय अन्तर्कियामा सहभागी महिलाले यस्तो माग गरेका हुन्।
गिरिजाप्रसाद कोइरालाको १०० औँ जन्मजयन्ती मनाइँदै
नेपाली कांग्रेसका पूर्वसभापति एवं पूर्वप्रधानमन्त्री गिरिजाप्रसाद कोइरालाको जन्म शताब्दी विभिन्न कार्यक्रम गरी आज मनाइँदै छ । विसं १९८१ असार १८ गते जन्मनुभएका कोइरालाको विसं २०६६ चैत ६ गते निधन भएको थियो । जन्मजयन्तीका अवसरमा नेपाली कांग्रेसका भ्रातृ एवं शुभेच्छुक संस्थाले रक्तदान, फलफूल वितरण, विचार गोष्ठी, दीपप्रज्वलनलगायतका कार्यक्रम राखेका छन् ।
नारायणगढ–मुग्लिन सडक दुईतर्फी सञ्चालन
पहिरोका कारण अवरुद्ध नारायगढ–मुग्लिन सडक दुईतर्फी सञ्चालनमा आएको छ । इलाका प्रहरी कार्यालय मुग्लिनका अनुसार चितवनको इच्छाकामना–५ स्थित तीन नम्बर पुलमा आज बिहान पुनः पहिरो खसेपछि सडक दुइतर्फी अवरुद्ध बनेको थियो । पहिरो पन्छाइ सडक दुइतर्फी सञ्चालन गरिएको इलाका प्रहरी कार्यालय मुग्लिनका प्रमुख प्रहरी निरीक्षक विशाल तामाङले जानकारी दिनुभयो ।
समृद्ध नगर निर्माण हाम्रो लक्ष्य हो
धनकुटाको महालक्ष्मी नगरपालिका मूल रूपमा ग्रामीण क्षेत्र नै हो। १२६.३ वर्ग किमि क्षेत्रफल रहेको यो नगरपालिकाको जनसङ्ख्या २४ हजार ८०१ छ। नौ वटा वडा रहेको यो नगरपालिकाले प्रायः सेवा प्रवाह वडाबाटै गर्दै आएको छ। यो नगरपालिकाको प्रमुख ध्रुवराज राया हुनुहुन्छ। अघिल्लो स्थानीय निर्वाचनमा वडाध्यक्ष बन्नुभएका राया गत वर्षको वैशाखमा सम्पन्न स्थानीय तहको दोस्रो निर्वाचनमा प्रमुखमा निर्वाचित हुनुभएको हो। स्वास्थ्य, शिक्षा, रोजगार, खानेपानीसहित पूर्वाधार विकास तथा बसाइँसराइ रोक्नु मुख्य चुनौती रहेको बताउनुहुने प्रमुख रायासँग गोरखापत्रका कविराज घिमिरेले कुराकानी गर्नुभएको छ। प्रस्तुत छ, प्रमुख रायासँग गरिएको कुराकानीको सम्पादित अंश :
भूमाफियाको चलखेल, नक्कली सिफारिस र रसिद फेला
राष्ट्रिय भूमि आयोग र मातहतका निकायले भूमिहीन दलित र अव्यवस्थित बसोबास गर्नेहरूलाई जग्गा वितरण गर्न जग्गा नापजाँच गरिरहेका बेला भूमाफियाको चलखेल बढेको छ। जग्गाधनीले आफ्नो नामको जग्गा भोगचलन गर्न सकेका छैनन् भने चार दशकदेखि भोगचलन गर्दै आएका व्यक्तिले पुर्जा प्राप्त गर्न सकेका छैनन। वडामा मालपोत तिरेर सिफारिससहित मालपोत कार्यालय जाँदा त्यस्ता जग्गाहरू बिक्री वितरण गर्न सकिने भएकोले भूमाफियाहरू नक्कली कागज बनाउन सक्रिय भएका हुन्। मोरङको पथरीशनिश्चरे नगरपालिका र कानेपोखरी गाउँपालिकाका जग्गामा दोहोरो स्वामित्व रहेको छ।
सिक्टाको पानीले किसानलाई खुसी
करिब दुई दशकअघिदेखि निर्माण थालिएको राष्ट्रिय गौरवको सिक्टा सिँचाइ आयोजनाको पूर्वी नहरबाट पानी आपूर्ति नियमित भएपछि कृषकले उत्पादन बढ्ने आशाले खुसी भएका छन् । पूर्वी नहरबाट चार हजार दुई सय हेक्टरमा सिँचाइ सुविधा पुगेपछि करिब सात हजार किसानले अब वर्षैभर खेती गर्न पानीको सुनिश्चितता भएको छ ।
जङ्गली हात्तीले कुल्चेर मृत्यु
मेचीनगर नगरपालिका–१० मा आज बिहान जङ्गली हात्तीले कुल्चेर वृद्धाको मृत्यु भएको छ । मृत्यु हुनेमा ८० वर्षीया पन्नादेवी साह रहेको वडा नम्बर १० का वडाध्यक्ष नारायण खनालले बताउनुभयो । पूजा गर्न फूल टिप्न हिँड्ने क्रममा आज बिहान साहलाई सडकमा हात्तीले कुल्चेर मारेको उहाँले जानकारी दिनुभयो । सिलगुढी निवासी उहाँ एक वर्षअघिदेखि छोरीको घरमा बस्दै आउनुभएको थियो ।
संरचनाको सही सदुपयोग
कोभिड–१९ बाट सङ्क्रमित भएकालाई राख्न निर्माण गरिएका निगरानी केन्द्र (होल्डिङ सेन्टर) तथा उपचार केन्द्र प्रयोगविहीन बनेका छन्। पूर्व झापादेखि पश्चिम कञ्चनपुरसम्म नेपाल–भारत सीमामा विभिन्न सात ठाउँमा निर्माण गरिएका ती निगरानी केन्द्र दुर्लभ साधन खर्च गरेर बनाइएको हो। तिनको स्वामित्व कसले लिने भन्ने नै अन्योल बनेको छ। कोभिड–१९ को दोस्रो लहरको समयमा २०७८ वैशाख १३ गते मन्त्रीपरिषद्को बैठकले नेपाल–भारत सीमाका विभिन्न आठ स्थानमा ‘होल्डिङ सेन्टर’ तथा उपचार केन्द्र निर्माण र व्यवस्थापन गर्ने जिम्मेवारी नेपाली सेनालाई दिएको थियो। स्वास्थ्य उपचार प्रयोजनका लागि निगरानी केन्द्र निर्माण भए
आत्मनिर्भर उन्मुख सन्देश
असार १५ लाई धान दिवस भनेर मन्त्रीले खेतमा गएर धान रोप्ने परम्परा सुरु भएको पनि २० वर्ष भयो। २०६१ मङ्सिर २९ गतेको मन्त्रीपरिषद्को निर्णय अनुसार २०६२ सालदेखि असार १५ लाई धान दिवसका रूपमा मनाउन थालिएको हो। यस वर्ष पनि कृषि तथा पशुपन्छी विकास मन्त्री डा. वेदुराम भुसालले हातले र राइस ट्रान्सप्लानरले धान रोपेर धान दिवसको औपचारिकता पूरा गर्नु भयो। यही धान दिवसको रोपाइँ लीलाले एक कृषि मन्त्रीको जागिर गए पनि मन्त्री
सांस्कृतिक सम्पदाको जगेर्ना
पशुपतिनाथको मन्दिर धार्मिक, पुरातात्त्विक र पर्यटकीय दृष्टिले महत्वपूर्ण स्थान हो। पैगोडा शैलीको आकर्षक मन्दिर खुला सांस्कृतिक सङ्ग्रहालय जस्तै देखिन्छ। जन्मेदेखि मृत्युपर्यन्त हुने सनातनी मान्यता दैनिक सयौँको सङ्ख्यामा भइरहेका हुन्छन्। शैव, शाक्त, वैष्णव, बौद्ध, जैन सौर, गाणपत, नाथ सिख आदि प्रमुख सम्प्रदायका भक्तजनका लागि पशुपति क्षेत्र सदैव आस्था र श्रद्धाको केन्द्र बनेको छ। आज पशुपतिनाथ धार्मिक र पौराणिक विषयको अध्ययन, आस्था कायम राख्दै महत्वपूर्ण
असारे काँचो विकास
यो पटक मनसुन केही ढिला भए पनि वर्सात्ले आफ्नो रूप देखाउन थालिसकेको छ। पूर्वी पहाडी जिल्लामा त बाढी र पहिरोले जनधनकै क्षति गरिसकेको छ। सडक अवरुद्ध पारेको छ, पुल बगाएको छ। राजधानीलाई तराईसित जोड्ने मूल मार्ग मुग्लिन नारायणगढ खण्डमा पहिरोले यात्रुलाई दिनदिनै जस्तो दुःख दिन थालिसकेको छ। यस्तो अवस्थामा राजधानी काठमाडौँलगायत सहरी क्षेत्रमा भने कालोपत्र कामले गति लिएझैँ देखिन थालेको छ। कतै रातभरमा कालोपत्रेमाथि कालो
गुरुको गरिमा
शैक्षिक जगत्मा गुरुको सङ्ख्या र गुरुत्वको सीमा बाँध्न कठिन छ। सच्चा मानव बन्नका लागि जीवनकालमा एक व्यक्तिले थुप्रै गुरुबाट शिक्षा आर्जन गर्छ। व्यक्तित्व विकासका लागि मात्र नभई समाज तथा राष्ट्र विकासका लागि समेत ज्ञानसँगै सिपमुखी शिक्षाका लागि गुरुको योगदान सर्वोपरि हुन्छ। आधुनिक शिक्षण सिकाइ प्रव्रिmयाका अनेक प्रारूप र प्रविधि देखा परे पनि सम्मुखमा रहेर सहज र सरल तरिकाबाट सिकाउने गुरुको तुलना अरूसँग हुन सक्दैन। आधुनिक टेक्नोलोजीबाट प्रा
