गोरखापत्र अनलाइन
अमेरिकी सेनासँग एसपिपिसम्बन्धी सम्झौता वा समझदारी भएको छैन : नेपाली सेना
नेपाली सेनाले अमेरिकी सेनासँग रणनीतिक साझेदारी कार्यक्रम (एस.पि.पि) सम्बन्धी कुनै पनि सम्झौता वा समझदारी नगरेको र त्यस्तो सम्झौता गर्नेतर्फ कुनै प्रक्रियासमेत नभएको स्पष्ट पारेको छ ।
एसको स्थायी कमिटी बैठक : मन्त्री हेरफेरको निर्णय अनुमोदन
काठमाडौं, असार १ गते। नेकपा (एकीकृत समाजवादी)को स्थायी कमिटीको बैठकले सरकारमा रहेका मन्त्री हेरफेर गर्ने सचिवालयको बैठकको निर्णय अनुमोदन गरेको छ।पार्टीका प्रचार विभाग प्रमुख जगन्नाथ खतिवडाले बैठकले कर्णाली प्रदेशमा २० जना सदस्य मनोनयन गरेको र पार्टी विरोधी क्रियाकलाप गरेका कारण केहीलाई हटाउने निर्णय गरेको जानकारी दिनुभयो। यसैगरी, असार १० गते पोलिट्ब्यूरोको बैठक, ११ गते केन्द्रीय कार्य समिति र १३ र १४ गते केन्द्रीय परिषद्को बैठक बस्ने निर्णय भएको उहाँले बताउनुभयो। ‘‘निर्वाचन समीक्षा प्रतिवेदन पार्टी अध्यक्षले प्रस्तुत गर्नुभयो। ती कुराहरु आगामी बैठकमा थप छलफल गरेर नयाँ राजनीतिक प्रतिवेदन तयार हुनेछ’’, खतिवडाले भन्नुभयो, ‘‘राष्ट्रिय हितलाई प्रतिकूल असर पर्ने गरि कुनै प्रकारको सन्धि, सम्झौता हुन नदिइने र यस विषयमा सजगता अप्नाइनेछ।’पाँच दलीय गठबन्धनको निरन्तरताका लागि भरपूर प्रयास गर्ने विषयमा बैठकमा छलफल भएको उहाँले बताउनुभयो।
कोशीमा विपद् पूर्वको तयारी गर्दै संयुक्त प्रतिकार्य अभ्यास
सुनसरीमा बाढी र आगलागीका कारणले कयौँको ज्यान जाने गरेको र राहत तथा उद्धारमा ढिलाइ हँुदा पर्ने असरसमेतलाई दृष्टिगत गरी कोशी क्षेत्रमा विपद् पूर्वको तयारीको संयुक्त प्रतिकार्य अभ्यास गरिएको छ ।
लुम्बिनी प्रदेशको बजेट ४२ अर्ब ६२ करोड ४७ लाख ७२ हजार (पूर्णपाठसहित)
लुम्बिनी प्रदेश सरकारले आर्थिक वर्ष २०७९–८० का लागि ४२ अर्व ६२ करोड ४७ लाख ७२ हजार रुपियाँको बजेट प्रस्तुत गरेको छ । प्रदेश सरकारका आर्थिक मामिला तथा सहकारी मन्त्री कृष्णध्वज खड्काले बुधबार प्रदेशसभामा सो बजेट प्रस्तुत गर्नुभएको हो ।
प्रदेश १ को बजेट ३९ अर्ब ७३ करोड ८३ लाख (पूर्ण पाठसहित)
प्रदेश १ सरकारले आगामी आर्थिक वर्ष २०७९–८० का लागि ३९ अर्ब ७३ करोड ८३ लाख रुपियाँको बजेट प्रदेशसभामा प्रस्तुत गरेको छ । प्रदेश सरकारका आर्थिक मामिला तथा योजनामन्त्री इन्द्रबहादुर आङ्बोले बुधबार अपरान्ह अघिल्लो वर्षको भन्दा झण्डै ७ अर्ब बढी आकारको बजेट प्रस्तुत गर्नुभएको हो ।
सुदूरपश्चिम प्रदेशको बजेट ३६ अर्ब ७४ करोड ६४ लाख रुपियाँ (पूर्णपाठसहित)
सुदूरपश्चिम प्रदेश सरकारले आगामी आर्थिक वर्ष २०७९–८० का लागि ३६ अर्ब ७४ करोड ६४ लाख ६५ हजार रुपियाँ बजेट प्रस्तुत गरेको छ । आर्थिक मामिला तथा योजनामन्त्री प्रकाशबहादुर रावलले बुधबार प्रदेश सभामा आगामी आर्थिक वर्षका लागि विनियोजित बजेट प्रस्तुत गर्नुभएको हो ।
मधेस प्रदेशको बजेट ४६ अर्ब ८८ करोड ०९ लाख ४८ हजार (पूर्णपाठसहित)
धेस प्रदेश सरकारले ४६ अर्ब ८८ करोड ०९ लाख ४८ हजार रुपियाँको बजेट सार्वजनिक गरेको छ । प्रदेश सरकारका प्रवक्ता समेत रहनुभएको अर्थमन्त्री शैलेन्द्रप्रसाद साहले आर्थिक वर्ष २०७९–८० को आर्थिक बिनियोजन विद्येयक (बजेट) प्रदेश सभाको बैठकमा प्रस्तुत गर्नुभएको हो ।
ओलम्पिक डे स्क्वास प्रतियोगिता ः अमृतको विजयी सुरुवात
ओलम्पिक डे स्क्वास प्रतियोगिताको बुधबार पुरुष एकलमा राष्ट्रिय च्याम्पियन अमृत थापा मगरले सुर्जन श्रेष्ठलाई सजलै ११–१, ११–२, ११–३ ले हराएर विजयी सुरुआत गर्नुभएको छ ।
'ब्रह्मास्त्र'को ट्रेलर सार्वजनिक
काठमाडौं, असार १ गते । बलिउड अभिनेता रणवीर कपुर र आलिया भट्टको चलचित्र 'ब्रह्मास्त्र-पार्ट १' को ट्रेलर सार्वजनिक गरिएको छ । सार्वजनिक गरिएको ट्रेलरमा अभिनेता अमिताभ बच्चनको 'भ्वाइस ओभर'बाट सुरु भएको छ । ट्रेलरमा रणवीर र आलियाको रोमान्टिक केमेस्ट्री देख्न सकिन्छ । चलचित्रमा अक्किनेनी नागार्जुन र मोनी रोयसमेत फिचर्ड छन् । अयान मुखर्जीको निर्देशन रहेको यो चलचित्र आउँदो सेप्टेम्बर ९ तारिखमा रिलिज हुने भएको छ । 'ब्रह्मास्त्र' हिन्दीसहित तामिल, तेलुगु, मलयालम र कन्नाड भाषामा रिलिज हुने बताइएको छ ।
कर्णाली सरकारले ल्यायो ३२ अर्ब ६१ करोड ६१ लाख ६१ हजारको बजेट
कर्णाली प्रदेश सरकारले ३२ अर्ब ६१ करोड ६१ लाख ६१ हजार रुपियाँको बजेट ल्याएको छ । बुधबार आर्थिक मामिला तथा योजनामन्त्री विन्दमान विष्टले प्रदेश सभाको बैठकमा आर्थिक वर्ष २०७९–८० का लागि सो बजेट सार्वजनिक गर्नुभएको हो ।
प्रधानमन्त्री समक्ष राप्रपाको ज्ञापनपत्र
काठमाडौं, असार १ गते। प्रधानमन्त्री शेरबहादुर देउवालाई राष्ट्रिय प्रजातन्त्र पार्टी (राप्रपा) ले २२ बुँदे मागसहित ज्ञापनपत्र बुझाएको छ। अध्यक्ष राजेन्द्र लिङ्देन नेतृत्वमा बुधबार दिउँसो प्रधानमन्त्री निवास बालुवाटारमा पुगेर राप्रपाले ज्ञापनपत्र बुझाएको हो। प्रतिनिधिमण्डलमा अध्यक्ष लिङ्देनसहित पूर्वअध्यक्ष डा.प्रकाशचन्द्र लोहनी, वरिष्ठ नेता दीपक बोहोरा, उपाध्यक्ष बुद्विमान तामाङ महामन्त्री सहभागी हुनुहुन्थ्यो। देशमा वर्तमान अवस्थामा महँगी नियन्त्रण, किसानलाई समयमा मल, बिऊ उपलब्ध गराइनुपर्ने लगायतका जनजीविकासँग प्रत्यक्ष सरोकार राख्ने मुद्दामा सरकारको ध्यानाकर्षण गराइएको पार्टी प्रवक्ता एवम् प्रचार विभाग प्रमुख मोहन श्रेष्ठले जानकारी दिनुभयो। राष्ट्रियताको संरक्षण, प्रजातन्त्रको सुदृढीकरण, सुशासन र सम्वृद्धिका विभिन्न माग उल्लेख गर्दै ज्ञापनपत्र बुझाइएको उहाँको भनाइ छ। राप्रपाले कालोबजारी नियन्त्रण, पेट्रोलियम पदार्थ र खाना पकाउने ग्याँसमा भइरहेको श्रृङ्खलाबद्ध मुल्यवृद्धि अविलम्ब रोक्नुपर्ने, भ्रष्टाचार नियन्त्रणमा प्रभाकारी कदम चाल्नुपर्ने, नागरिकको मौलिक अधिकारको रुपमा रहेको शिक्षा, स्वास्थ्य निःशुल्क उपलब्ध गराइनुपर्ने, इम्वोस्ड नम्बर प्लेटमा देवनागरी लिपीको व्यवस्था हुनुपर्ने, भूमिहीन तथा घरबारबिहीन सुकुम्बासी समस्याको स्थायी समाधान गर्नुपर्ने लगायत माग राखेको छ।यसगरी, व्यापार घाटा नियन्त्रण गर्दै व्यापार सन्तुलन गर्नुपर्ने, आगामी निर्वाचनमा विदेशमा रहेका नेपाली नागरिकले पनि मतदान गर्न पाउनुपर्ने, स्थानीय तहमा लगाइएका अव्यवहारिक कर तत्काल खारेज हुनुपर्ने, वातावरणीय प्रभावलाई न्यूनीकरण गर्दै निजगण अन्तर्राष्ट्रिय विमानस्थल यथाशीघ्र निर्माण लगायत २२ वटा मागका सम्बन्धमा राप्रपाले सरकारको ध्यानाकर्षण गराएको हो।
दिया मास्केको 'सीता' लुक्स सार्वजनिक
काठमाडौ, असार १ गते । भदौ १० गतेबाट प्रदर्शनमा आउने तयारीमा रहेको चलचित्रमा ‘प्रकाश’ टिमले अभिनेत्री दिया मास्केको चरित्र पोस्टर सार्वजनिक गरेको छ । मास्केले फेसबुकमा आफू फिचर ‘प्रकाश’को एक पोस्टर सार्वजनिक गर्दै चलचित्रमा आफू 'सीता'को चरित्रमा देखिने जानकारी दिनुभएको हो । चलचित्रमा मास्के जुम्लाको एक विपन्न विवाहित महिलाको भूमिका देखिनुभएको छ । मास्केले सामाजिक सञ्जालमा लेख्नुभएको छ, “चलचित्रमा साहित्य चेत बढेसँगै चलचित्र अभिनयमा पनि एक प्रकारको गहिराई आउन थालेको छ । महिला पात्रहरु बिस्तारै उपस्थिति जनाउने तत्वहरु मात्र नभएर, 'चलचित्र न्यारेटिभ'को अभिन्न अङ्ग बन्न थालेका छन्, जसको उदाहरण हो प्रकाश चलचित्रको प्रतिनिधि पात्र ‘सीता’।”दियाबाट 'सीता' बनिरहँदा चलचित्रको छायांकन स्थलमा रहेर त्यहाँको भाषा सिक्नु, रहनसहनसँग बानी पार्नु सजिलो पक्कै थिएन तर कठिन हो भन्ने पनि कहिल्यै महशुस नभएकोसमेत उहाँले उल्लेख गर्नुभएको छ । उहाँ थप लेख्नुहुन्छ, “गरिरहेको कामप्रति इमान्दार नहुनु भनेको पात्रलाइ गिज्याउनु हो भन्ने मलाई लाग्छ । आज प्रकाशको पोस्टर सेयर गरिरहँदा मन ढक्क फुलेको महशुस गर्दैछु, यो सिताप्रतिको मेरो लगाव र गर्व दुवै हो ।” कथा छनौट र त्यसको उठानमा नै मेहनत गर्न कन्जुस्याइँ गर्ने हामी, झनै पात्र छनौट र चरित्र निर्माणमा त पटक्कै ध्यान नदिने उहाँको भनाइ छ । “कहिलेकाहीँ त झन्, हाम्रा चलचित्रहरुमा महिला पात्रहरु केवल कोटा भर्न उभ्याइएका सहभागी पात्रहरु जस्तो मात्र प्रतीत हुन्छ । हामी उनीहरुको चारित्रिक विशेषता खोज्न तिर शून्य बराबर नै समय खर्चिने गर्छौं । प्रकाश को टिजर हेरेर मलाई धेरैले मिठो प्रतिक्रिया दिनुभएको छ । सिनेमामा आफ्नो कामलाई लिएर अहिले बोल्नु अलि हतारो होला । मात्र यति भन्छु (समय बदलिएको छ र अहिले सिनेमामा एकपछि अर्को सशक्त भूमिकाद्वारा सिनेमालाई नै धान्ने शक्तिका रुपमा महिला पात्रहरु लाई सिनेमा आख्यानमा स्थापित गर्न थलिएको महसुस गरेको छु ।” यसरी खुशी व्यक्त गर्दै उहाँले अब नेपाली सिनेमामा कलाकारहरु बन्नका लागि राम्रो समय आएको बताउनुभएको छ ।दिनेश राउतले निर्देशन गर्नुभएको चलचित्रका निर्माता महेन्द्र अधिकारी हुन् भने चलचित्रमा प्रदीप खड्का, रेनु योगी, प्रकाश घिमिरे, रामबाबु रेग्मी, पवित्रा खड्का, प्रशान्त श्रेष्ठ, लोकेन्द्र लेखक, निरज पन्थीलगायतको पनि अभिनय छ । यस्तै, चलचित्रमा विकास सुवेदीको कथा, राजेश श्रेष्ठको छायांकन, जिवन थापाको सम्पादन, दिपक शर्मा, तारा प्रकाश लिम्बु र एलिस कार्कीको संगीत रहेको छ ।
विकासमा युवा उद्यमीको सहकार्य आवश्यक : प्रमुख दाहाल
भरतपुर महानगरपालिका प्रमुख रेनु दाहालले भरतपुरको विकासमा युवा उद्यमीसँग सहकार्य गर्न तयार रहेको बताउनुभएको छ । नेपाली युवा उद्यमी मञ्च चितवन शाखाले बुधबार भरतपुरमा आयोजना गरेको उद्यमशिलतासम्बन्धी अन्तरक्रिया कार्यक्रममा मेयर दाहालले उर्जावान युवा उद्यमीसँग सहकार्य गरेर जाने बताउनुभयो ।
लुम्बिनी प्रदेशको बजेट भाषण (प्रत्यक्ष प्रसारण)
काठमाडौं, असार १ गते । लुम्बिनी प्रदेश सभाको बजेट भाषण सुरु भएको छ । आर्थिक वर्ष २०७९/८० को आय र व्ययको विवरण पेश गर्नुहुँदै लुम्बिनी प्रदेशका आर्थिक मामिला तथा सहकारीमन्त्री कृष्णध्वज खड्का:
अस्पतालको शौचालयमा नवजात शिशुको शव फेला
कपिलवस्तुको सदरमुकाम तौलिहवास्थित कपिलवस्तु अस्पतालको कर्मचारीले प्रयोग गर्ने शौचालयमा नवजात शिशुको शव फेला परेको छ । बिहान ९ः३० बजे ईनडोर रुमको (बिरामी भर्ना गर्ने कक्ष) शौचालयको डस्टविनभित्र फालेको अवस्थामा शव फेला परेको जिल्ला प्रहरी कार्यालय कपिलवस्तुका प्रमुख प्रहरी उपरीक्षक दानबहादुर कार्कीले बताउनुभयो ।
