गोरखापत्र अनलाइन
एमालेमा विशेष महाधिवेशनबारे छलफल
नेपाल कम्युनिस्ट पार्टी (एमाले) कार्यवाहक अध्यक्ष रामबहादुर थापा (बादल), उपाध्यक्ष विष्णु पौडेल र महासचिव शङ्कर पोखरेलले विशेष महाधिवेशन बोलाउन हस्ताक्षर अभियान सुरु गरेका समूहका नेतासँग छलफल गर्नुभएको छ ।
अझै चुनेन कांग्रेसले संसदीय दलको नेता
नेपाली कांग्रेस संसदीय दलको नेता चयन वैशाख पहिलो साता मात्रै हुने भएको छ । प्रतिनिधि सभाको दोस्रो ठुलो दल कांग्रेसले फागुन २१ गतेसम्म प्रतिनिधि सभा सदस्य निर्वाचनको देशव्यापी समीक्षा कार्यक्रम गरिरहेकाले संसदीय दलको नेता चयनमा ढिलाइ भएको हो ।
पश्चिमी प्रणालीको प्रभावले देशभर बदली र वर्षा सम्भावित
हाल देशमा पश्चिमी न्यून चापीय प्रणाली र स्थानीय वायुको प्रभाव कायम छ । यसका कारण देशका विभिन्न भागको मौसममा आंशिकदेखि पूर्ण बदली हुने देखिएको छ ।
-original-thumb.jpg)
श्रमिकलाई न्यूनतम पारिश्रमिक नदिए कारबाही
श्रम, रोजगार तथा सामाजिक सुरक्षा मन्त्रालयले नर्स, स्वास्थ्यकर्मी, शिक्षक तथा अन्य श्रमिकका लागि न्यूनतम पारिश्रमिक र सामाजिक सुरक्षा सुविधा अनिवार्य बनाउने निर्णय गरेको छ । श्रम तथा रोजगारमन्त्री दीपककुमार साहले मन्त्रालयले नर्स, स्वास्थ्यकर्मी, शिक्षक तथा श्रमिकहरूका लागि न्यूनतम पारिश्रमिक अनिवार्य उपलब्ध गराउने निर्णय गरेको जानकारी दिनुभयो । उहाँले पारिश्रमिकको विषयमा मन्त्रालयले परिपत्र जारी गरेको जानकारी दिँदै श्रम ऐन,
वनक्षेत्रको रुख काट्ने अनुमति
सरकारले काठमाडौँ–तराई/मधेश द्रुतमार्ग आयोजनाका लागि काठमाडौँ, ललितपुर र मकवानपुरका विभिन्न वनक्षेत्रको कुल ४६.३९ हेक्टर जग्गा प्रयोग गर्न दिने निर्णय गरेको छ । त्यसै गरी सरकारले सो वनक्षेत्रमा रहेको १८ हजार ८९८ वटा रुख काट्नसमेत अनुमति दिने निर्णय गरेको हो ।
गृहमा ‘सेन्ट्रल कमान्ड सिस्टम’
शान्तिसुरक्षा र अपराध नियन्त्रण प्रभावकारी बनाउन गृह मन्त्रालयले ‘सेन्ट्रल कमान्ड सिस्टम’ स्थापना गर्ने भएको छ । मन्त्रालयले पहिलो चरणमा ७७ जिल्ला प्रशासन कार्यालय, जिल्ला प्रहरी तथा सशस्त्र प्रहरी कार्यालयसँग सिधा सम्पर्क र समन्वय एवं सूचना आदानप्रदान गर्ने उद्देश्यले ‘सेन्ट्रल कमान्ड सिस्टम’ स्थापना गर्न लागेको जनाएको छ ।
विधायिकी प्रक्रियामा तीन विधेयक
प्रतिनिधि सभा रिक्त रहेको अवस्थामा सङ्घीय संसद्को माथिल्लो सदन राष्ट्रिय सभाले पारित गरेका तीन विधेयक तल्लो सदनको विधायिकी प्रक्रियामा प्रवेश गरेका छन् । राष्ट्रिय सभाले गत माघमा पारित गरेका तीन विधेयक नवनिर्वाचित प्रतिनिधि सभाको प्रक्रियामा प्रवेश गराइएका हुन् । तीन वटा विधेयक पारितको सन्देश प्रतिनिधि सभामा मङ्गलबार टेबुल गरिएको हो । प्रतिनिधि सभाका सचिव हर्कराज राईले विधेयक पारितको सन्देश टेबुल गर्नुभएको हो ।
इरानमाथि भीषण आक्रमण
अन्तिम समयसीमा सकिएसँगै अमेरिका र इजरायलले इरानमाथि भीषण आक्रमण गरेका छन् । अमेरिकी टेलिभिजन संस्था सिएनएन, अमेरिकी समाचार संस्था एपी, अलजजिरालगायतले इरानको खर्ग टापु, पुल, रेल सञ्जाल, ऊर्जा पूर्वाधारलगायतमा आक्रमण भइरहेको जनाएका छन् । इजरायलले तेहरानसहित विभिन्न क्षेत्रमा इरानी ‘सैन्य पूर्वाधार’ लक्षित गर्दै नयाँ हवाई आक्रमणको लहर सुरु गरेको जनाएको छ । इरानी सञ्चार माध्यमका अनुसार तेहरान र नजिकको कराज क्षेत्रमा विस्फोटका आवाज सुनिएका छन् ।
जयन्दु बाल सुधारगृहलाई खेलकुद सामग्री
विश्व खेलकुद दिवसको अवसरमा गोपाल नीना फाउन्डेशन नेपालद्वारा बाँकेको डुडुवा –६ मा रहेको जयन्दु बाल सुधारगृहलाई खेलकुद सामग्री हस्तान्तरण गरिएको छ ।
म्याग्दीमा शैक्षिक सत्र अगावै पाठ्यपुस्तक पुग्यो
आगामी शैक्षिक सत्र २०८३ को लागि म्याग्दीका सामुदायिक विद्यालयका विद्यार्थीहरूलाई वितरण गरिने पाठ्यपुस्तक जिल्लामा पुगेको छ ।
अमेरिका–इजरायल आक्रमणमा इरानका अधिकांश संरचना क्षति
इरानका अधिकारीहरूले मङ्गलबार अमेरिका–इजरायलद्वारा गरिएका हवाई आक्रमणका क्रममा देशका महत्वपूर्ण पूर्वाधारहरूमा क्षति पुगेको बताएका छन् ।
सम्भावित नयाँ रोगको सामना गर्न एकीकृत रूपमा अगाडि बढिरहेका छौँः स्वास्थ्यमन्त्री मेहता
स्वास्थ्य तथा जनसङ्ख्यामन्त्री निशा मेहताले सम्भावित नयाँ रोगहरूको सामना गर्न सरकार एकीकृत रूपमा अगाडि बढिरहेको बताउनुभएको छ।
गृहमन्त्री गुरुङद्धारा विपी राजमार्गको निरीक्षण
गृहमन्त्री सुधन गुरुङले पुन निर्माण भैरहेको विपी राजमार्गको निरीक्षण गर्नुभएको छ ।
बुधबार धेरै स्थानमा वर्षा हुने, पश्चिममा बढी
जल तथा मौसम विज्ञान विभागले भोलि बुधबार देशका विभिन्न ठाउँमा चट्याङ, हावाहुरी, असिनासहित वर्षा र हिमपात हुने भन्दै सावधानी अपनाउन अनुरोध गरेको छ ।
समन्वय र सहकार्य नै गणतन्त्रको मूल मर्मः मुख्यमन्त्री बानियाँ
बागमती प्रदेशका मुख्यमन्त्री इन्द्रबहादुर बानियाँले समन्वय, सहकार्य र सह–अस्तित्व नै गणतन्त्रको मूल मर्म भएको बताउनुभएको छ ।
