गोरखापत्र अनलाइन
मुल्मीको एकल चित्रकला प्रदर्शनी
अग्रज कलाकार प्राध्यापक राधेश्याम मुल्मीको तेस्रो एकल चित्रकला प्रदर्शनी ‘प्रतिविम्ब’ सुरु भएको छ । नेपाल ललितकला प्रज्ञा–प्रतिष्ठान र नेपाल व्यावसायिक कलाकार सङ्घको संयुक्त आयोजनामा शनिबार सुरु भएको उक्त प्रदर्शनीको वरिष्ठ कलाकार क्रोधकला शिरोमणि कालु कुमाले, हरिप्रसाद शर्मा, शशि शाह, कृष्णगोपाल रञ्जितलगायतले उद्घाटन गर्नुभयो ।
पाँच हजार लिटर मही निःशुल्क वितरण
दोस्रो मही दिवसका अवसरमा शनिबार मुलुकभर पाँच हजार लिटर मही निःशुल्क वितरण गरिएको छ । नेपाल डेरी एसोसिएसन र प्रदेशमा रहेका स्थानीय डेरी उद्योगीको आयोजनामा उपत्यकासहित दशैभर विभिन्न चोक, सार्वजनिक स्थल, अस्पताल, ट्राफिक कार्यालयमा मही निःशुल्क वितरण गरिएको हो । ‘महीको विश्वास, स्वास्थ्यको विकास, घर घरमा फैलाऔँ अभियानको प्रयास’ भन्ने अभियानका साथ दोस्रो राष्ट्रिय मही दिवस शनिबार देशैभरि मनाइएको छ । शनिबार आयोजित कार्यक्रममा नेपाल उद्योग वाणिज्य महासङ्घका कार्यकारिणी सदस्य नरेशलाल श्रेष्ठले दुग्ध तथा दुग्ध पदार्थको निर्यातमा ठुलो सम्भावना भएकाले त्यसतर्फ लाग्नुपर्ने बताउनुभयो । गर्मी मौसममा महीको खपत बढाउन सके दुधको खपत वृद्धि गरी अर्थतन्त्रमा समेत टेवा पुग्ने उहाँको भनाइ छ ।
-original-thumb.jpg)
निर्माण उद्योगमा आपत्काल घोषणा गर्न माग
कैलालीका निर्माण व्यवसायीले निर्माण उद्योगमा आपत्काल घोषणा गरी अविलम्ब व्यवसायीलाई राहत दिन नेपाल सरकारसँग माग गरेका छन् । मध्यपूर्वमा जारी युद्धका कारण इन्धनको मूल्यवृद्धिले निर्माण उद्योग ठप्प हुने अवस्थामा पुगेको भन्दै व्यवसायीले आपत्काल घोषणा गरी राहत दिन माग गरेका हुन् ।
एक अर्ब लगानीमा सलाइन उद्योग सुरु
कोशी प्रदेशकै पहिलो सलाइन उद्योगले व्यावसायिक उत्पादन सुरु गरेको छ । एक अर्ब रुपियाँभन्दा बढी लगानीमा मोरङको बुढीगङ्गा गाउँपालिका–२ मा ‘एलेक्सा लाइफ साइन्सेज’ ले सबै कानुनी प्रक्रिया पूरा गरी व्यावसायिक उत्पादन थालेको हो ।
‘श्रमिकले विमानस्थलमा बिल देखाउनु नपर्ने’
अध्यागमन विभागले वैदेशिक रोजगारीमा जाने नेपाली श्रमिकले त्रिभुवन अन्तर्राष्ट्रिय विमानस्थल अध्यागमन कार्यालयमा हवाई टिकटको बिल तथा भुक्तानीको रसिद पेस गर्न नपर्ने स्पष्ट पारेको छ । वैदेशिक रोजगार विभागले टिकटको बिल र वैदेशिक रोजगार व्यवसायी (म्यानपावर) कम्पनीलाई तिरेको सेवा शुल्कको रसिद अनिवार्य रूपमा देखाउनुपर्ने व्यवस्था गरेपछि उत्पन्न अन्योलबिच अध्यागमन विभागले उक्त सूचनामार्फत स्पष्ट पारेको हो ।
सार्ने भए जग्गा र मुआब्जा माग
विश्वसम्पदा सूचीमा सूचीकृत लुम्बिनी क्षेत्र संरक्षणका लागि सर्वोच्च अदालतले प्रदूषणजन्य उद्योगलाई स्थानान्तरण गर्न दिएको आदेशपछि उद्योगी व्यवसायी अलमलमा परेका छन् । अदालतको ऐतिहासिक आदेशले लुम्बिनीआसपास १५ किलोमिटर क्षेत्रभित्र रहेका ६१ भन्दा बढी उद्योग हटाउन निर्देशन दिएपछि उद्योगीले अबको बाटोबारे स्पष्टता खोजिरहेका हुन् । सर्वोच्चको गत भदौमा भएको आदेशको पूर्ण पाठ केही दिनअघि मात्रै सार्वजनिक भएको थियो ।
चीनले रोकेपछि नेपालतर्फ बढ्दै सगरमाथा आरोही
वसन्तकालीनयामका लागि चीनले विदेशी नागरिकलाई सगरमाथा आरोहण गर्न अनुमति जारी नगरेपछि दक्षिणतर्फबाट हुने सगरमाथा आरोहण करिब ३० प्रतिशतले बढ्न सक्ने अपेक्षा गरिएको छ ।
गहुँ र चैते धानको समर्थन मूल्य बढ्यो
सरकारले गहुँ र चैते धानको न्यूनतम समर्थन मूल्य निर्धारण गरेको छ । कृषि तथा पशुपन्छी विकास मन्त्रालयले गहुँ र चैते धानको न्यूनतम समर्थन मूल्य निर्धारण गरेको हो । मन्त्रालयले चालु आर्थिक वर्ष २०८२/८३ का लागि गहुँ प्रतिक्विन्टल तीन हजार ९४५ रुपियाँ निर्धारण गरेको छ । गत आवमा गहुँको मूल्य तीन हजार ८६७ रुपियाँ निर्धारण गरिएको थियो । गत वर्षको तुलनामा गहुँको मूल्य प्रतिक्विटल ७७ रुपियाँ बढी मूल्य निर्धारण गरिएको छ ।
-original-thumb.jpg)
जुम्लाका स्याउ बगैँचा सेताम्मे
जुम्लाको अर्गानिक स्याउका बोट यतिबेला फुलेर सेताम्मे भएका छन् । चैत सकिनै लाग्दा यहाँका हरेक स्याउका बगैँचा फूल फुलेर सेता देखिएका छन् । जुम्लाका स्याउयोग्य जमिनमा पछिल्लो समय स्याउका बिरुवामा वृद्धिसमेत हुँदै आएको छ । २०६४ सालमा जुम्लामा ‘एक घर एक स्याउ बगैँचा’ भन्ने अवधारणा ल्याएपछि धेरै जसो बगैँचामा अहिले स्याउ रोप्ने र उत्पादनमा वृद्धि भइरहेको छ । स्याउ लगाएका डाँडाकाँडा र बगैँचा फूल फुलेर सेताम्मे भएपछि आकर्षक देखिन थालेका छन् । किसानले फूल जोगाउन बगैँचामा संरक्षण तथा घेराबारसमेत गरिरहेको देखिन्छ ।
‘जेनजी घाइतेको अध्ययन कानुनसम्मत’
शिक्षा, विज्ञान तथा प्रविधि मन्त्रालयले जेनजी आन्दोलनकी घाइते एकता शाहलाई निःशुल्क एमबिबिएस अध्ययनको अवसर उपलब्ध गराउने सरकारको निर्णय प्रचलित कानुन अनुसारै भएको जनाएको छ ।
गहिरिँदै छ जन्मथलोको तिर्सना
“तपाईंको पहाड घर कता हो ?” केही दिनअघि सामाजिक सञ्जालमा निकै चर्चित यो वाक्यांशले बसाइँसराइको गम्भीर असर भोगिरहेको नेपाली समाजको ‘अर्थ सामाजिक’ चित्रण गर्दछ । शनिबार भक्तपुरको सल्लाघारीमा यही वाक्यांशलाई चित्रण गर्ने भिड देखियो । त्यहाँ खोटाङ, पर्सा र नवलपुरका सामाजिक संस्थाले छुट्टाछुट्टै आयोजना गरेका वनभोज कार्यक्रममा सयौँ मानिस सहभागी थिए । विभिन्न सिलसिलामा काठमाडौँ बसिरहेका खोटाङेको साझा सामाजिक संस्था खोटाङ सेवा समाजले आयोजना गरेको कार्यक्रममा सयौँ खोटाङे भेला भएका थिए । र, यसै गरी सोधिरहेका थिए– तपाईंको पहाड घर कहाँ हो ?
यातायातमा आरक्षित सिटको व्यवस्था अनिवार्य
यातायात व्यवस्था विभागले सार्वजनिक सवारीमा आरक्षित सिटको व्यवस्था अनिवार्य कार्यान्वयन गर्न निर्देशन दिएको छ । विभागले सूचना जारी गर्दै सवारी तथा यातायात व्यवस्था ऐन, २०४९ को दफा १०७ बमोजिम तोकिएका सिट आरक्षित गरी कार्यान्वयन गर्न निर्देशन दिएको हो ।
अवैध गतिविधिमाथि उच्च निगरानी
प्रहरीले देशभर हुने गरेका अपराधजन्य अवैध गतिविधि, असुली, तस्करी तथा विभिन्न क्षेत्रका सेवाग्राही तथा व्यवसायीलाई भौतिक तथा मनोवैज्ञानिक रूपमा डर, धाकधम्की दिनेविरुद्ध विशेष अपरेसनसहित निगरानी बढाएको छ ।
भोलिदेखि शून्य बाँकी फाइल सप्ताह
सरकारले कार्यालयको कामलाई छिटोछरितो, पारदर्शी र उत्तरदायी बनाउन ‘शून्य बाँकी फाइल सप्ताह’ (जिरो पेन्डिङ फाइल विक) सुरु गर्ने भएको छ । यही चैत ३० देखि वैशाख ७ गतेसम्म सो अभियान सुरु गर्न लागिएको हो । यसका लागि सरकारले ‘शून्य बाँकी फाइल सप्ताह’ अभियान सञ्चालनसम्बन्धी मार्गदर्शन, २०८२ स्वीकृतसमेत गरिसकेको प्रधानमन्त्री तथा मन्त्रीपरिषद्को कार्यालयले जनाएको छ ।
अमेरिका र इरानबिच वार्ता सुरु
अमेरिका र इरानबिच पाकिस्तानको राजधानी इस्लामाबादमा वार्ता सुरु भएको छ । ४० दिन लामो युद्ध अन्त्य गर्ने प्रयासमा अमेरिका र इरानका प्रतिनिधिमण्डल सन् १९७९ को इस्लामिक क्रान्तिपछि पहिलो पटक उच्चस्तरीय वार्तामा सहभागी भएका हुन् । वार्ताको मध्यस्थता गरिरहेको पाकिस्तानले दुवै पक्षबिच सार्थक वार्ता हुने अपेक्षा गरेको छ । वार्ता निर्धारित समयभन्दा ढिला सुरु भएको इरानी सरकारी समाचार संस्था ‘टिएनए’ ले पुष्टि गरेको छ ।
