गोरखापत्र अनलाइन
एक सय दिनको नजिक ‘अञ्जिला’
गत वर्षको फागुन २९ गतेदेखि प्रदर्शनरत नेपाली चलचित्र ‘अञ्जिला’ ऐतिहासिक एक सय दिनको नजिक पुगेको छ । काठमाडौँको क्युएफएक्स सिनेमा हलमा ९२ औँ दिनमा चलिरहेको चलचित्रले बिहीबार तीन सो पाएको छ ।
‘एयर इन्डियाको जहाज दुर्घटनाले विश्व हवाई क्षेत्र स्तब्ध’
भारतमा भएको भयानक जहाज दुर्घटनाले विश्व हवाई क्षेत्रलाई स्तब्ध बनाएको छ । अहमदावादमा बिहीबार भएको एयर इसण्डयाको एआई–१७१ जहाज दुर्घटनाले सम्बन्धित देश र एयरलाइन्सलाई मात्र होइन विश्वलाई नै पुनः एकपटक सोच्न बाध्य पारेको छ ।
‘सिप सिक्नुस्, आत्मनिर्भर बन्नुस्’
कैलालीको धनगढी उपमहानगरपालिका–१ का सुरेशकुमार चौधरीलाई दार्चुलामा बसेर आफ्नो कला बेच्दै गरेको चार वर्ष पूरा भयो ।
पाकिस्तानको बजेट सात प्रतिशतले घटाइयो
पाकिस्तानले सात प्रतिशतले घटाएर आर्थिक वर्ष सन् २०२५/२६ को सङ्घीय बजेट सार्वजनिक गरेको छ । कटौतीपछिको बजेट ६२ अर्ब डलर रहेको छ । बजेटको कुल अङ्क घटाए पनि रक्षा बजेट भने २० प्रतिशतले बढाइएको छ ।
यस्तो छ आजका लागि विदेशी मुद्राको विनिमयदर
नेपाल राष्ट्र बैंकले शुक्रबारका लागि विदेशी मुद्राको विनिमयदर निर्धारण गरेको छ । राष्ट्र बैंकका अनुसार अमेरिकी डलर एकको खरिददर १३६ रुपियाँ ६७ पैसा र बिक्रीदर १३७ रुपियाँ २७ पैसा निर्धारण गरिएको छ ।
अन्योलमा प्रादेशिक विमानस्थल
केही वर्षयता सुर्खेतमा प्रादेशिक विमानस्थल निर्माणको विषय सरकारको हरेक जसो नीति तथा कार्यक्रम र बजेटमा समेत छुट्दैन । नीति तथा कार्यक्रम र बजेटमा आइरहने यो आयोजनाले अहिलेसम्म पूर्णता पाउन भने सकेको छैन ।
मिनि ट्रक दुर्घटनामा चालकको मृत्यु, सहचालक घाइते
राप्ती राजमार्गअन्तर्गत रुकुमपश्चिमको त्रिवेणी गाउँपालिका २ सिम्रुतु नजिकै बिहीबार बेलुका भएको मिनी ट्रक दुर्घटनामा घाइते चालकको मृत्यु भएको छ ।
मलबिनै रोपाइँ सुरु
मनसुन सक्रिय भएर वर्षा हुन थालेपछि देशका अधिकांश स्थानमा धान रोपाइँ सुरु भएको छ । तथापि अघिल्ला वर्ष जस्तै यस पटक पनि किसान मलकै समस्यामा रहेका छन् । किसान मलबिना नै रोपाइँ गर्न बाध्य भएका समाचार प्राप्त भएका छन् ।
बर्सेनि मलकै झमेला
काभ्रेपलाञ्चोकका कृषक यस वर्ष पनि रासायनिक मलको अभाव भोग्न बाध्य भएका छन् । उनीहरूको यो समस्या बर्सेनिको हो ।
पाँच प्रदेशमा फैलियो मनसुन : तीन प्रदेशमा वर्षा हुने सम्भावना
हाल कोशी, मधेश, बागमती, गण्डकी प्रदेशका केही भूभाग र लुम्बिनी प्रदेशका पूर्वी क्षेत्रका थोरै भूभागमा मनसुनी वायुको प्रभाव रहेको छ । साथै देशको पश्चिम भूभागमा पश्चिमी र स्थानीय वायुको प्रभाव रहेको जल तथा मौसम पूर्वानुमान महाशाखाले जनाएको छ ।
प्राङ्गारिक मल उत्पादन सुरु
पाल्पाको रिब्दीकोटमा प्राङ्गारिक मल उत्पादन सुरु भएको छ । गाउँपालिका र स्थानीय सहकारी संस्थाको ४० लाख रुपियाँको लगानीमा मल उत्पादन सुरु भएको हो । बढ्दो रासायनिक मलको प्रयोग कम गर्न गाउँपालिका र स्थानीय जलेश्वर बहुउद्देश्यीय सहकारी संस्थाको संयुक्त लगानीमा प्राङ्गारिक मल उत्पादन गरिएको हो ।
वैदेशिक रोजगार कम्पनीको जरिबाना घटाउन प्रस्ताव
‘फ्री भिसा’ मा रकम लिएर वैदेशिक रोजगारमा पठाउने कम्पनीलाई जरिबाना गराउने विषयमा प्रतिनिधि सभा र राष्ट्रिय सभा लचिलो भएर प्रस्तुत भएका छन् । प्रवेशाज्ञा शुल्क, सेवा शुल्क तथा प्रवर्धन खर्च बढी लिएमा हुने सजायमा दुवै सभाको विषयगत समितिले प्रस्तावित व्यवस्थाभन्दा म्यानपावर कम्पनीलाई लाग्ने जरिबाना रकम घटाएको छ ।
चार प्रदेशमा भेटिए सडक बालबालिका
लुम्बिनी, गण्डकी, बागमती र कोशी प्रदेशका स्थानीय तहमा मात्रै सडक बालबालिका फेला परेका छन् । राष्ट्रिय बाल अधिकार परिषद्ले देशैभरका ७५३ स्थानीय तहमध्ये चार प्रदेशका सहरी क्षेत्रका स्थानीय तहमा मात्रै सडक बालबालिका फेला परेको जनाएको छ ।
प्रतिनिधि सभाको गतिरोध कायमै
राजनीतिक सहमति हुन नसकेपछि प्रतिनिधि सभाको गतिरोध बिहीबार पनि कायमै रह्यो । सत्तारूढ दुई दल नेपाली कांग्रेस र नेकपा (एमाले) तथा प्रमुख विपक्षी दल नेकपा (माओवादी केन्द्र) भिजिट भिसा प्रकरण छानबिनका लागि संयन्त्र गठन गर्ने गरी सहमत भए पनि विपक्षीमध्येको राष्ट्रिय स्वतन्त्र पार्टी (रास्वपा) ले सहमति जनाएको छैन । संसदीय वा न्यायिक जाँचबुझ समिति माग गरिरहेको रास्वपाले सरकारले गठन गर्ने संयन्त्रमा सहमति नजनाउँदा बिहीबार पनि प्रनिनिधि सभाको अवरोध हट्न नसकेको हो ।
सुनसान भए हिमालका काख
हिमाल आरोहणको मुख्य बेला मानिने वसन्तयामको आरोहण सकिएसँगै विभिन्न हिमालका आधार शिविर सुनसान बनेका छन् । सगरमाथा, ल्होत्से, नुप्त्से, मकालु, अन्नपूर्ण, कञ्चनजङ्घालगायतका हिमाल आरोहण गर्न गएका टोली फर्केपछि आधार शिविर यतिबेला सुनसान बनेका हुन् ।
