गोरखापत्र अनलाइन
अतिक्रमित वन क्षेत्र १५ दिन भित्र खाली गर्न निर्देशन
सब डिभिजन वन कार्यालय दुम्कीबासले नवलपुरको बिनयी त्रिबेणी गाउँपालिका–२ स्थित दाउन्ने बजार र दुम्किबास बजार आसपासमा राष्ट्रिय वन क्षेत्र अतिक्रमण गरी बनाइएका संरचना हटाउन निर्देशन दिएको छ ।
पाल्पामा विद्यार्थी बोकेको बस दुर्घटना, एघार जना घाइते
दाङबाट विद्यार्थी लिएर पाल्पाको तानसेन–१४ स्थित रानीमहल आएको ना ५ ख १०८९ नम्बरको यात्रुबहाक बस शुक्रबार बिहान बैकुण्ठे भिर नजिकै दुर्घटना हुँदा बसमा सवार ११ जना घाइते भएको जिल्ला प्रहरी कार्यालय पाल्पाले जनाएको छ ।
कागबेनीमा नमुना श्राद्ध स्थल बनाइने
मुस्ताङको वारागुङ मुक्तिक्षेत्र गाउँपालिका–४, कागखोला र कालीगण्डकी नदीको तटमा धेरै तीर्थालुलाई तर्पण गर्न सहज हुने गरी श्राद्ध स्थल बनाइने भएको छ । हिन्दु धर्मावलम्बीको पवित्र स्थल कागबेनीमा दिवङ्गत पितृका नाममा श्राद्ध तथा पिण्डदान दिन सहज हुने गरी मुक्तिनाथ मन्दिर व्यवस्थापन समितिले एक करोड रुपियाँ बजेट विनियोजन गरिएको छ ।
पहिरोले गर्दा स्थानीयवासी त्रसित
पाल्पाको पूर्वखोला देवीनगरस्थित उड्डाँडाबाट निरन्तर रूपमा कालो कोइलासहितको पानी बगेपछि तटीय क्षेत्रका बासिन्दा त्रसित बनेका छन् । चार वर्षअघि उड्डाँडामा पहिरो खसे पनि कोइलासहितको पानी बगेको थिएन । पछिल्लो एक महिनायता उड्डाँडाबाट कालो कोइलासहितको लेदो पानी तिनाउ नदीमा बग्न थालेपछि तल्लो तटीय क्षेत्रका बासिन्दा त्रसित बनेका हुन् ।
रवि र छविको पेसी स्थगित
राष्ट्रिय स्वतन्त्र पार्टीका सभापति रवि लामिछाने र पूर्व डिआइजी छविलाल जोशीको मुद्दामा बिहीबारका लागि तोकिएको पेसी स्थगित भएको छ । उच्च अदालत तुलसीपुर बुटवल इजलासमा तोकिएको पेसी रविका कानुन व्यवसायीका तर्फबाट सुनुवाइ स्थगित गरिदिन निवेदन परेपछि स्थगित भएको हो ।
पाख्रिवासमा हाइस दुर्घटना : एक जनाको मृत्यु, दुई गम्भीर
धनकुटाको पाख्रिवासमा भएको दुःखद दुर्घटनामा एक जनाको मृत्यु भएको छ भने १४ जना घाइते भएका छन् । मृत्यु हुनेमा संखुवासभा सभापोखरी–२ की ८२ वर्षीया सावित्रा कालाखेती रहनुभएको छ ।
सङ्घीय सरकारको निर्देशन कार्यान्वयन गरेनन् स्थानीय तहले
सङ्घीय सरकारले स्थानीय तहहरुलाई अस्थायी र करार सेवाका कर्मचारी हटाउन निर्देशन गरेको थियो । सङ्घीय सरकारले दिएको उक्त निर्देशन धनकुटाका पाँच स्थानीय तहले आजका दिनसम्म पनि कार्यान्वयनमा ल्याएका छैन ।
ट्याक्टरको ट्रलीले किचेर बालकको मृत्यु
सर्लाहीको हरिपुर्वा नगरपालिका–३, धनकौल पूर्वारीमा बिहीबर राति ट्याक्टरले किचेर एक बालकको मृत्यु भएको छ ।
तरकारीमा विषादीको बिगबिगीः परीक्षणको माग गर्दै व्यवसायी सङ्घद्वारा ज्ञापन पत्र
पश्चिम नवलपरासी जिल्लाका साप्ताहिक हाटबजारहरूमा बिक्री हुने तरकारी, फलफूल तथा अन्य खाद्य सामग्रीहरूमा विषादी (केमिकल) को अनियन्त्रित प्रयोग भइरहेको भन्दै साप्ताहिक हाट बजार व्यवसायी सङ्घ, नवलपरासीले गम्भीर चासो व्यक्त गरेको छ ।
तोकिएकै समयमा कार्यक्रम, खादा माला बन्द
गुल्मीका प्रमुख जिल्ला अधिकारी बद्रीनाथ गैह्रेले पहिलो कार्यालय प्रमुखहरुको बैठकमै ३४ वटा महत्त्वपूर्ण निर्णय गराउनु भएको छ ।
नियमविपरीत दुई करोड खर्च
दैलेखका स्थानीय तहले आन्तरिक आयको परिधि र खर्चको मापदण्डविपरीत दुई करोड रुपियाँ खर्च गरेको देखिएको छ । सरकारी बजेट खर्च गर्दा गाउँपालिका तथा नगरपालिकाले आन्तरिक आयको परिधिभित्र रहेर खर्चको मापदण्ड तयार गरी विविध खर्च गर्न पाउने कानुनी व्यवस्था छ तर त्यसविपरीत खर्च गरेको पाइएको हो ।
कञ्चनपुरमा धानखरिद नहुँदा कृषक चिन्तित
खाद्य व्यवस्था तथा व्यापार कम्पनी लिमिटेड शाखा कार्यालय महेन्द्रनगरले धान खरिद बन्द गरेपछि कृषकहरु चिन्तित बनेका छन् । कोटा सकिएको भन्दै खाद्यले मङ्सिर ३ गतेदेखि धान खरिद बन्द गरिएको जनाएको हो ।
सौका समुदाय ‘कुञ्चा’ सर्न थाले
नेपालको दार्चुला जिल्लामा मात्रै बसोबास रहेको सौका समुदाय आफ्नो थातथलोबाट सदरमुकाम खलङ्गा बसाइँ सर्न थालेका छन् । परम्परागत रूपमा विगतदेखि नै गर्मीयामको छ महिना व्यास गाउँपालिका–१, तिङ्कर र छाङरु गाउँमा बस्ने सो समुदाय हिउँदको छ महिना सदरमुकाम खलङ्गामा बसाइँ सर्ने गर्दछन् ।
एफएम रेडियो सङ्कटमा
विकट र निरक्षरलाई समेत आफ्नै भाषामा सूचना र समाचार सुनाउने सुदूरपश्चिमका एफएम रेडियोलाई सञ्चालनमा कठिनाइ हुन थालेको छ । सीमित स्रोतमा सयौँको सङ्ख्यामा खुलेका सञ्चार माध्यम आश्रित भएपछि आर्थिक स्रोतको अभावमा सङ्कटमा पर्न थालेका हुन् ।
कलमखोला पुल निर्माणमा ढिलाइ
दाङमा बजेट अभावका कारण पुल निर्माणको काममा ढिलाइ भएको छ । दंगीशरण गाउँपालिका वडा नं. २ मा दमारगाउँ हुँदै गोलटाकुरी जोड्ने सडकखण्डको कमलखोलामा निर्माण हुन थालेको पुल बजेट अभावका कारण अलपत्र परेको हो ।
